Maratha Reservation Protest LIVE: छत्रपती संभाजीनगर ग्रामीण भागातील इंटरनेट बंद करण्याचे गृह विभागाचे आदेश
Maratha Reservation Protest LIVE Updates: मनोज जरांगेंच्या आमरण उपोषणाचा आजचा आठवा दिवस असून आहे, तर आरक्षणासाठी आज सर्वपक्षीय बैठक बोलावली आहे.
LIVE
Background
Maharashtra Maratha Reservation Protest LIVE Updates: मराठा आंदोलक मनोज जरांगेंच्या आमरण उपोषणाचा आजचा आठवा दिवस आहे. मनोज जरांगेंनी सरकारला संध्याकाळपर्यंतचा अल्टीमेटम दिला आहे. तसेच, तात्काळ विशेष अधिवेशन बोलावून मराठा आरक्षणाचा निर्णय घ्या, नाहीतर आजपासून पुन्हा पाणी पिणं बंद करणार असल्याचा इशारा मनोज जरांगेंनी सरकारला दिला आहे. तसेच, मराठा आरक्षणासाठी आज सर्वपक्षीय बैठक बोलावण्यात आली आहे.
Chhatrapati Sambhaji Nagar: छत्रपती संभाजीनगर जिल्ह्यात जमावबंदी, पाचपेक्षा अधिक लोकांना एकत्र येण्यास मनाई
छत्रपती संभाजीनगर : मराठा आरक्षणावरून (Maratha Reservation) राज्यात सुरू असलेल्या आंदोलनाला अनेक ठिकाणी हिंसक वळण लागले आहे. दरम्यान याच पार्श्वभूमीवर छत्रपती संभाजीनगर (Chhatrapati Sambhaji Nagar) जिल्ह्यात प्रशासनाकडून जमावबंदीचे आदेश काढण्यात आले आहे. त्यामुळे या काळात कोणालाही आंदोलन, निदर्शने किंवा मोर्चे काढण्यास परवानगी नसणार आहे. सोबतच सार्वजनिक ठिकाणी पाच पेक्षा अधिक लोकांना एकत्र येण्यास मनाई करण्यात आली आहे. विशेष म्हणजे या काळात सार्वजनिक ठिकाणी कोणतेही शस्त्र किंवा शरीराला इजा पोहचेल अशा वस्तू देखील वापरता येणार नसल्याचं प्रशासनाने काढलेल्या आदेशात म्हटले आहे.
मराठा आरक्षणावरून राज्यभरात सुरू असलेल्या आंदोलनाला काही ठिकाणी हिंसक वळण लागले आहे. बीड जिल्ह्यात मोठ्या प्रमाणात दगडफेक आणि जाळपोळीच्या घटना समोर आल्या होत्या. सोबतच मराठवाड्यातील अनेक जिल्ह्यात देखील दगडफेकीच्या घटना समोर येत आहे. या सर्व पार्श्वभूमीवर छत्रपती संभाजीनगर जिल्ह्यातील प्रशासन देखील अलर्ट झाला आहे. दरम्यान, मराठा आरक्षणाच्या मागणीसाठी सुरू असलेल्या आंदोलनाच्या पार्श्वभूमीवर छत्रपती संभाजीनगर जिल्हा प्रशासनाकडून ग्रामीण भागासाठी जमाबंदीचे आदेश काढले आहे. त्यामुळे या काळात आता पाचपेक्षा अधिक लोकांना सार्वजनिक ठिकाणी एकत्र येण्यास मनाई असणार आहे.
मराठा आरक्षणप्रश्नी सह्याद्री अतिथीगृहावर आज सर्वपक्षीय बैठक
मराठा आरक्षणाच्या (Maratha Reservation) विषयावर सह्याद्री अतिथीगृहावर (Sahyadri Guest House) आज सकाळी साडेदहा वाजता सर्वपक्षीय बैठक पार पडणार आहे. मराठा आरक्षणावर तोडगा काढण्याचा सरकारचा मानस आहे. त्यामुळे राज्यातील मराठा समाजाची दाहकता कमी करण्यासाठी या बैठकीत चर्चा होईल. शरद पवार (Sharad Pawar), अशोक चव्हाण (Ashok Chavan), अंबादास दानवे (Ambadas Danve), उदयनराजे भोसले (Udayanraje Bhosale), संभाजीराजे छत्रपती (Sambhaji Raje Chhatrapati) यांच्यासह सर्वपक्षीय नेते हजर राहणार आहेत.
मराठा आरक्षणाच्या विषयावर सह्याद्री अतिथीगृहावर सकाळी साडेदहा वाजता सर्वपक्षीय बैठक पार पडणार आहे. मराठा आरक्षणावर तोडगा काढण्याचा सरकारचा मानस आहे. मराठा आरक्षण आंदोलनामुळे महाराष्ट्रातील शांतता सुव्यवस्था टिकवण्याकरता सर्वपक्षीयांचा सहयोग आवश्यक असल्याचं सरकारचं मत आहे. आंदोलनाला हिंसक वळण लागू नये याकरता सर्वपक्षीय लोकप्रतिनीधींनी आवाहन करणं गरजेचं असल्याचंही सरकारचं म्हणणं आहे.
Pune Maratha Protest: पुण्यातील गुलटेकडी मार्केटयार्डची बंदची हाक, सर्व व्यापारी सहभागी
Pune Maratha Protest: पुण्यातील महात्मा फुले मंडई आज मनोज जरांगे पाटील आणि मराठा आरक्षणाच्या मुद्द्याला पाठिंबा देण्यासाठी बंद ठेवण्यात आलेली आहे. तर मोर्चा काढत मामलेदार कचेरी इथे जाऊन निवेदन देण्यात येणार आहे. मराठा आरक्षण मिळाले तर आमच्या पोरा बाळांच्या शिक्षणाचा, नोकरीचा प्रश्न सुटेल अशी भावना व्यावसायिकांकडून व्यक्त करण्यात आली आहे. मात्र आता या आंदोलनाचा फटका हा सर्व सामान्य लोकांना बसताना दिसतोय कारण महात्मा फुले मंडई ही गजबजलेली असते मात्र आज ती बंद ठेवण्यात आली आहे.
Pawai Maratha Protest: पवईमध्ये मराठा समाजाचे आंदोलन
Pawai Maratha Protest: मुंबईच्या पवई परिसरातील सकल मराठा समाजाने आज पवई प्लाझा जोगेश्वरी लिंक रोड परिसरात ठिय्या आंदोलन केलं. यावेळी सकल मराठा समाजाकडून जरांगे पाटील यांच्या उपोषणाला पाठिंबा देत जर जरांगे पाटलांचा काही बरं वाईट झालं तर मराठा समाज हा आक्रमक होऊन रस्त्यावर उतरेल अशी भूमिका मांडण्यात आली तसेच पवईतील जनप्रतिनिधींना कुठलेही राजकीय कार्यक्रम जोपर्यंत मराठा आरक्षण मिळत नाही तोपर्यंत घेऊ नका असं आवाहन देखील पवई मराठा सकल समाजाकडून करण्यात आलं यावेळी मोठ्या प्रमाणात पोलीस बंदोबस्त तैनात करण्यात आला होता
Dharashiv Maratha Protest : आज सायंकाळी 5 वाजेपासून धाराशिव जिल्ह्यातील संचारबंदी शिथिल करण्यात आलेली आहे. तथापि जमावबंदी व शस्त्रबंदी लागू असणार
Maratha Reservation Protest : आज सायंकाळी 5 वाजेपासून धाराशिव जिल्ह्यातील संचारबंदी शिथिल करण्यात आलेली आहे. तथापि जमावबंदी व शस्त्रबंदी लागू असणार असल्याची माहिती प्रशासनाने दिली आहे.
Maratha Reservation Protest: विधानभवनाच्या पायऱ्यांवर ठाकरे, शरद पवार गटाचं आंदोलन; सुप्रीया सुळेही सहभागी
Mumbai Maratha Reservation Protest: विधानभवनाच्या पायऱ्यांवर ठाकरे आणि शरद पवार गटाच्या वतीनं आंदोलन सुरू आहे. या आंदोलनात राष्ट्रवादी (शरद पवार गट) खासदार सुप्रीया सुळे यादेखील उपस्थित असून आंदोलनात सहभागी झाल्या आहेत.
Chhatrapati Sambhajinagar Maratha Protest : छत्रपती संभाजीनगर ग्रामीण भागातील इंटरनेट बंद करण्याचे गृह विभागाचे आदेश
Maratha Reservation Protest : छत्रपती संभाजीनगर ग्रामीण भागातील इंटरनेट बंद करण्याचे गृह विभागाने आदेश दिले आहेत. जिल्हाधिकाऱ्यांनी सर्व टेलिकॉम कंपन्यांना या आदेशाचे पालन करण्याची सूचना केली आहे.
महत्त्वाच्या बातम्या
ट्रेंडिंग न्यूज
