Maharashtra News LIVE Updates:शिवसेना शिंदे गटाची मुंबई उच्च न्यायालयात याचिका, भरत गोगावले यांच्याकडून विधानसभा अध्यक्षांच्या निकालाला आव्हान
Maharashtra News LIVE Updates: दिवसभरातील ताज्या घडामोडी, महत्त्वाचे अपडेट्स, देशभरासह राज्यातील राजकीय, सामाजिक, आर्थिक, क्रीडा तसेच इतर अपडेट्स लाईव्ह ब्लॉगमध्ये...
LIVE
Background
Maharashtra News LIVE Updates: दिवसभरातील ताज्या घडामोडी, महत्त्वाचे अपडेट्स, देशभरासह राज्यातील राजकीय, सामाजिक, आर्थिक, क्रीडा तसेच इतर अपडेट्स लाईव्ह ब्लॉगमध्ये...
एकाच दिवशी देशाचे दोन मोठे नेते सोलापुरात, 19 जानेवारीला शरद पवारही दौऱ्यावर
नाशिक आणि मुंबई दौऱ्यानंतर पुढच्याच आठवड्यात पुन्हा एकदा पंतप्रधान मोदी महाराष्ट्र दौऱ्यावर येतायत. सोलापूर शहरात 19 जानेवारी रोजी त्यांचा रोड शो आणि रे कॉलनीच्या कार्यक्रमासाठी येत आहेत. त्याच दिवशी राष्ट्रवादीचे अध्यक्ष शरद पवार यांनी सांगोला आणि मंगळवेढा येथे कार्यक्रम घेतल्याने सोलापूर जिल्ह्याचे राजकीय वातावरण चांगलचं तापलं असल्याचं पाहायला मिळतं आहे.
Rahul Narvekar : मी कुणाला संतुष्ट करायला निकाल दिला नाहीये, ठाकरे गटाच्या याचिकेनंतर राहुल नार्वेकरांची प्रतिक्रिया
Rahul Narvekar : मी कुणाला संतुष्ट करायला निकाल दिला नाही, सर्वोच्च न्यायालयाने दिलेल्या निर्देशांनुसारच निकाल दिला. भारतातील कोणत्याही नागरिकाला सर्वोच्च न्यायालयात जाण्याची मुभा आहे, अशी प्रतिक्रिया विधानसभा अध्यक्ष राहुल नार्वेकर यांनी दिलीये. विधानसभा अध्यक्षांच्या निकालानंतर ठाकरे गटाकडून सर्वोच्च न्यायालयात निकालाला आव्हान देणारी याचिका दाखल करण्यात आलीये. त्यावर आता राहुल नार्वेकरांची प्रतिक्रिया समोर आलीये.
MLA Disqualification Case : शिवसेना शिंदे गटाची मुंबई उच्च न्यायालयात याचिका, भरत गोगावले यांच्याकडून विधानसभा अध्यक्षांच्या निकालाला आव्हान
MLA Disqualification Case : आमदार अपात्रतेसंदर्भात शिंदे गटाकडून मुंबई उच्च न्यायालयात याचिका दाखल करण्यात आलीये. भरत गोगावले यांनी विधानसभा अध्यक्ष राहुल नार्वेकर यांच्या निकालाला आव्हान दिलंय. शिंदे गट हीच खरी शिवसेना असल्याचं सिद्ध होतंय तर त्यांचा व्हीप न मानणा-या टाकरे गटाच्या आमदारांना अपात्र का केलं नाही? असा सवाल या याचिकेतून उपस्थित करण्यात आलाय.
PM Modi Solapur Visit : एकाच महिन्यात दुसरा महाराष्ट्र दौरा, पंतप्रधान मोदी 19 जानेवारीला सोलापुरात
PM Modi Solapur Visit : देशातील सर्वात मोठ्या गृह प्रकल्पाचे लोकार्पण करण्यासाठी पंतप्रधान नरेंद्र मोदी हे 19 जानेवारी रोजी सोलापूर दौऱ्यावर येणार आहेत. सोलापुरातील रे नगर येथे 365 एकर जागेवर या प्रकल्प उभारण्यात आलाय. यावेळी पंतप्रधान मोदी हे सुमारे 30 हजार पैकी 15 हजार तयार घरांचे वाटप करणार आहेत. गृहनिर्माण मंत्री अतुल सावे यांनी म्हाडाच्या माध्यमातून उभारलेल्या या महत्त्वकांक्षी प्रकल्पाचे उद्घाटन पंतप्रधान मोदी यांच्या हस्ते करण्यात येईल.
MLA Disqualification Case : विधानसभा अध्यक्षांकडे राष्ट्रवादीच्या अपात्रतेसंदर्भात या आठवड्यापासून सुनावणी होणार
MLA Disqualification Case : विधानसभा अध्यक्षांकडे राष्ट्रवादीच्या अपात्रतेसंदर्भात या आठवड्यापासून सुनावणी असून दोन्ही गटाकडून फेरसाध नोंदवली जाणार आहे. अजित पवार गटाकडून भुजबळ आणि अनिल पाटील यांची फेरसाक्ष होईल आणि शरद पवार गटाकडून जितेंद्र आवड आणि जयंत पाटील यांची फेरसाक्ष होणार आहे.
महत्त्वाच्या बातम्या
ट्रेंडिंग न्यूज
