Maharashtra News Live Updates : पुणे-मुंबई द्रुतगती महामार्गावर मोठी वाहतूक कोंडी, बोरघाटात वाहनांच्या लांबच लांब रांगा
Maharashtra News LIVE Updates : दिवसभरातील ताज्या घडामोडी, महत्त्वाचे अपडेट्स, देशभरासह राज्यातील कोरोना संबंधित, राजकीय, सामाजिक, आर्थिक, क्रीडा तसेच इतर अपडेट्स या लाईव्ह ब्लॉगमध्ये...
LIVE
Background
Maharashtra News LIVE Updates : दिवसभरातील ताज्या घडामोडी, महत्त्वाचे अपडेट्स, देशभरासह राज्यातील कोरोना संबंधित, राजकीय, सामाजिक, आर्थिक, क्रीडा तसेच इतर अपडेट्स या लाईव्ह ब्लॉगमध्ये...
पंतप्रधान नरेंद्र मोदी (PM Narendra Modi) यांच्या आई हिराबेन मोदी (Heeraben Modi) यांचं निधन झालं आहे. वयाच्या 100 व्या वर्षी त्यांनी अखेरचा श्वास घेतला. गेल्या काही दिवसांपासून हिराबेन यांच्यावर यूएन मेहता रुग्णालयात उपचार सुरु होते. आज पहाटे साडेतीन वाजता उपचारादरम्यान हिराबेन मोदी यांचे निधन झाले.
पंतप्रधान नरेंद्र मोदी यांच्या आई हिराबेन मोदी यांचं निधन झालं आहे. अहमदाबादमधील यूएन मेहता रुग्णालयात (U N Mehta Hospital Ahmedabad) उपचारादरम्यान त्यांचं निधन झालं. हिराबेन यांचा 18 जून रोजी 100 वा वाढदिवस साजरा करण्यात आला होता. पंतप्रधान नरेंद्र मोदी यांनी ट्वीट करत याबाबतची माहिती दिली आहे. हिराबेन यांचा 18 जून रोजी 100 वा वाढदिवस साजरा करण्यात आला होता. आईच्या निधनाची माहिती मिळताच पंतप्रधान नरेंद्र मोदी हे अहमदाबादकडे रवाना झाले आहेत. हिराबेन यांना रुग्णालयात दाखल केल्यानंतर पंतप्रधान नरेंद्र मोदी यांनी अहमदाबादमध्ये रुग्णालयात येऊन आईची विचारपूस केली होती. हिराबेन यांना श्वास घेण्याचा त्रास होत असल्यानं रुग्णालयात दाखल करण्यात आलं होतं. आज त्यांचे उपचार सुरु असताना निधन झालं. आईच्या निधनानंतर पंतप्रधान नरेंद्र मोदींनी ट्विटरवरून शोक व्यक्त करत श्रद्धांजली वाहिली आहे. आईमध्ये नेहमीच एका त्रिमूर्तीचा भास व्हायचा असं मोदींनी आपल्या ट्वीटमध्ये म्हटलं आहे.
आज नागपूरच्या हिवाळी अधिवेशनाचा अखेरचा दिवस आहे. आजवरच्या परंपरेप्रमाणे शिंदे फडणवीस सरकार विदर्भातून जाता जाता काही पॅकेज जाहीर करतात का याकडे सर्वांचे लक्ष लागले आहे. काल विधानसभेत बोलताना मुख्यमंत्री एकनाथ शिंदे यांनी विकासाचा आराखडा सांगताना अनेक नव्या घोषणा केल्या आहेत. विधान परिषदेत सकाळी 10 वाजता विशेष बैठक आणि 11 वाजता अंतिम आठवडा प्रस्ताव मांडला जाईल. हिवाळी अधिवेशनाच्या शेवटच्या दिवशी आज सत्ता पक्षाची आणि विरोधकांची पत्रकार परिषद होईल.
महाराष्ट्र राज्य निवासी डॉक्टर्स राज्यव्यापी संघटनेचा 2 जानेवारीपासून संपाचा इशारा कायम
महाराष्ट्र राज्य निवासी डॉक्टर्स राज्यव्यापी संघटनेचा 2 जानेवारीपासून संपाचा इशारा कायम आहे. 2 जानेवारीपासून महाराष्ट्रातील सर्व शासकीय आणि पालिका महाविद्यालये, रुग्णालयातील निवासी डॉक्टरांकडून दिली जाणारी बाह्यरुग्ण सेवा आणि नियमित आंतररुग्ण सेवा बंद होणार आहे. मात्र, रुग्णांचे हाल न होऊ देण्यासाठी आपत्कालीन सेवा सुरुच ठेवणार असल्याचं निवासी डाॅक्टरांकडून स्पष्ट करण्यात आलं आहे. मागण्या मान्य होत नाही तोपर्यंत आंदोलन सुरुच ठेवणार असल्याचा संघटनेने इशारा दिलाय.
गेट ऑफ इंडिया येथून उद्या दुपारी दोन नंतर कोणतीही बोट सुटणार नाही, सुरक्षेच्या कारणास्तव निर्णय
सुरक्षेच्या कारणास्तव उद्या गेट ऑफ इंडिया येथून दुपारी दोन नंतर कोणतीही बोट सुटणार नाही. नवीन वर्षाचे औचित्य साधून पोलिसांनी बोटी चालकांना आदेश जारी केले आहे. दुपारी दोननंतर जेटी क्रमांक 1 ते जेटी क्रमांक 4 पर्यंत बोटी बंद राहतील.
शिंदे गटाच्या माजी नगरसेवकाने भाजप पदाधिकऱ्याला केली मारहाण
-शिंदे गटाच्या माजी नगरसेवकाने भाजप पदाधिकऱ्याला केली मारहाण
-ठाण्यातील वागळे इस्टेट येथील भाजप वागळे मंडळ सरचिटणीस प्रशांत जाधव यांच्यावर
बाळासाहेबांची शिवसेना पक्षाचे माजी नगरसेवक यांच्याकडून भ्याड हल्ला करण्यात आला आहे.
-शुक्रवारी संध्याकाळी ५ वाजण्याच्या सुमारास कशिश पार्क येथे ही घटना घडली असून जाधव यांना त्वरित ठाण्याचा सिव्हिल रुग्णालयात उपचारासाठी दाखल करण्यात आले आहे.
जिल्हा सामान्य रुग्णालयात जखमी प्रशांत जाधव यांचा जबाब नोंदवण्यासाठी वागळे पोलीस स्थानकातील पोलीस अधिकारी दाखल
सामान्य रुग्णालया बाहेर भाजप कार्यकर्ते मोठ्या संख्येने उपस्थित
संपूर्ण वादाची सीसीटीव्ही फुटेज आली समोर..
बेळगावात नववर्षाच्या स्वागतासाठी विविध ठिकाणी कार्यक्रमांचे आयोजन करण्यात आले असून ओल्ड मॅन तयार करण्याचे काम आता अंतिम टप्प्यात
पुणे-मुंबई द्रुतगती मार्गावर वाहतूक कोंडी
नववर्षाचं स्वागत करण्यासाठी मुंबईकर शहराबाहेर पडले आहेत. याचा ताण पुणे-मुंबई द्रुतगती मार्गावर आलाय. त्यामुळे बोरघाटात वाहनांच्या लांबचलांब रांगा पाहायला मिळत आहेत.