BJP: भाजपा पदाधिकाऱ्याची वारंवार शरीरसुखाची मागणी, ठार मारण्याचीही धमकी; गुन्हा दाखल झाल्याने कार्यकर्त्यांचा मोर्चा
Maharashtra News LIVE Updates : दिवसभरातील ताज्या घडामोडी, महत्त्वाचे अपडेट्स, देशभरासह राज्यातील राजकीय, सामाजिक, आर्थिक, क्रीडा तसेच इतर अपडेट्स या लाईव्ह ब्लॉगमध्ये...
LIVE
Background
Maharashtra News LIVE Updates : दिवसभरातील ताज्या घडामोडी, महत्त्वाचे अपडेट्स, देशभरासह राज्यातील राजकीय, सामाजिक, आर्थिक, क्रीडा तसेच इतर अपडेट्स या लाईव्ह ब्लॉगमध्ये...
भीमा कोरेगाव चौकशी आयोगाची मुंबईतील सह्याद्री राज्य अतिथीगृहात सुनावणी सुरू आहे. आज अॅड. प्रकाश आंबेडकर आपलं प्रतिज्ञापत्र सादर करु शकतात. सोबत इतर दोन साक्षीदारांचीही साक्ष नोंदवली जाणार आहे. तर दुसरीकडे सॅम डिसूजाच्या अटकपूर्व जामीन अर्जावर मुंबई सत्र न्यायालयात सुनावणी होणार आहे. समीर वानखेडे यांच्यावर सीबीआयनं दाखल केलेल्या कथित खंडणी वसुली प्रकरणात सॅम डिसुजा सहआरोपी आहे. हायकोर्टानं डिसूजाला अटकेपासून दिलासा देण्यास नकार देत रितसर अटकपूर्व जामीन अर्ज करण्याचे निर्देश दिले होते.
राष्ट्रवादी काँग्रेसचे अध्यक्ष शरद पवार यांच्याबद्दल निलेश राणे यांनी केलेल्या वक्तव्याच्या निषेधार्थ सकाळी 11 वाजता माता रमाबाई आंबेडकर मार्ग पोलीस स्टेशन येथे "जेलभरो" आंदोलन करण्यात येणार आहे. रिपोर्टर - निलेश
महाराष्ट्रात मान्सूनचं आगमन लांबणार
केरळात मान्सून दाखल झाल्याचं भारतीय हवामान विभागाकडून जाहीर करण्यात आलं आहे. दरवर्षी 7 जून रोजी मान्सून महाराष्ट्रात दाखल होत असतो. मात्र आलेल्या बिपारजॉय चक्रीवादळामुळे बाष्प ओढल्या गेल्याने मान्सून महाराष्ट्र आणि मुंबईत कधी दाखल होणार याबाबत अनिश्चितता आहे. मात्र साधारण 15 जूनपर्यंत महाराष्ट्र आणि 15 ते 17 जूनपर्यंत होत मुंबईत दाखल होऊ शकतो अशी माहिती आहे.
पुण्यातील पालखी मार्गाची मंत्री रविंद्र चव्हाण करणार पाहणी
सार्वजनिक बांधकाम मंत्री रवींद्र चव्हाण पालखी मार्गाची सकाळी 11 वाजता, सासवड ते पंढरपूर रस्तेमार्गे पाहणी करणार आहेत. यावेळी ते पालखी थांबा आणि मुक्कामाच्या ठिकाणाचा आढावा घेणार आहेत. वारकऱ्यांसाठी असलेल्या सर्व सोयी सुविधांची पाहणी करणार आहेत.
हिंगोली – संत शिरोमणी नामदेव महाराज यांची पालखी पंढरपूरच्या दिशेने रवाना होणार आहे. संत नामदेव महाराजांचे जन्मगाव असलेल्या नरसी नामदेव येथून निघणार असून या पालखीमध्ये जवळपास 200 वारकरी सहभागी होणार आहेत.
नाशिक ते पंढरपूर सायकल वारी
सायकल वारी आज नाशिकहून पंढरपूरकडे प्रस्थान करणार असून यंदाचे त्यांचे हे अकरावे वर्ष आहे. आज सकाळी 6 वाजता गोविंदनगर परिसरात जवळपास तीनशे सायकलिस्ट एकत्र येऊन आरती करणार आणि त्यानंतर वारीला सुरुवात होणार आहे. पहिल्याच दिवशी पावणे दोनशे किलोमीटर अंतर पार केल्यानंतर अहमदनगरला मुक्काम असणार आहे. 10 जूनला पंढरपूरला नाशिकसह राज्यभरातून जवळपास 4 हजार सायकलिस्ट एकत्र येणार असून 11 जूनला सकाळी प्रभात फेरी काढली जाईल आणि त्यानंतर विठूरायाचे दर्शन घेऊन रात्री सायकलिस्ट माघारी फिरतील. नाशिकचे सायकलिस्ट 200 झाडे सोबत घेऊन पंढरपूरला वृक्षारोपण करणार आहेत.
सोलापूर – नांदेड, लातूर आणि मुंबई येथे दलित अत्याचाचाराच्या घटना गेल्या काही दिवसापासून घडतायत. याच्याच निषेधार्थ अन्याय अत्याचार विरोधी कृती संघटनेच्या वतीने डॉ. बाबासाहेब आंबेडकर चौक ते जिल्हाधिकारी कार्यालयापर्यंत आक्रोश मोर्चा काढण्यात येणार आहे.
नाशिक – आरोग्य विज्ञान विद्यापीठचा रौप्य महोत्सवी दोन दिवसीय कार्यक्रमाला आजपासून सुरुवात होणार आहे. आजच्या सत्रात किरण बेदी उपस्थित राहणार असून त्या विद्यार्थ्यांना मार्गदर्शन करणार आहेत.
अहमदनगर – पालकमंत्री राधाकृष्ण विखे पाटील यांच्या उपस्थितीत आज अहमदनगर जिल्हाधिकारी कार्यालयमध्ये आषाढी वारी नियोजन, तयारी आढावा बैठक होणार आहे.
जळगाव – आदिवासी एकता परिषदेच्या निमित्ताने वंचित बहुजन आघाडीचे नेते प्रकाश आंबेडकर आज जिल्हा दौऱ्यावर आहेत. सकाळी 11 वाजता भुसावळ येथे पत्रकार परिषदा होणार आहे. संध्याकाळी 5 वाजता फैजपूर येथे सभा होणार आहे.
धाराशिव – छोट्या छोट्या बाबी लक्षात घेवून महाराष्ट्राची कुलस्वामिनी श्री. तुळजाभवानी मंदिरात भाविकांनी अर्पण केलेले सोने-चांदी वितळवण्यासाठी मोजदाद करण्याचे काम सूरू झाले आहे. दहा वर्षापासून हे काम झालेले नव्हते. आरबीआय सोने वितळवून घेईल. श्री तुळजाभवानी मंदीराकडे भाविकांनी दानपेटी आणि पावती माध्यमातून सुमारे 200 किलो सोने, चार हजार किलो चांदी अपर्ण केले असण्याची शक्यता आहे. हे सगळे ऐवज मोजण्यासाठी जवळपास एक महिनाभर लागेल.
Samruddhi Mahamarg : समृद्धी महामार्गावर प्रवास करताय? टायर तपासून घ्या, परिवहन विभागाकडून मोफत टायर तपासणी केंद्र सुरू
राज्य उत्पादन शुल्क विभागाच्या भरती प्रक्रियेस तात्पुरती स्थगिती; विभागाच्या अधिपत्याखालील 512 पदे भरण्यात येणार होती
लघुलेखक (निम्नश्रेणी), लघुटंकलेखक, जवान व जवान नि वाहन चालक (गट क) आणि चपराशी (गट ड) संवर्गातील सरळसेवेची रिक्त पदे भरण्याकरीता राज्य उत्पादन शुल्क विभागाच्या https://stateexcise.maharashtra.gov.in या अधिकृत संकेतस्थळावर 30 मे 2023 रोजी जाहिरात प्रसिद्ध करण्यात आली होती. या भरती प्रक्रियेतील जवान संवर्ग हा राज्यस्तरीय संवर्ग घोषित करून ही भरती प्रक्रिया व वाढीव पदे व त्या अनुषंगाने संभाव्य रिक्त पदे विचारात घेवून एकत्रितपणे भरती प्रक्रिया राबविणे आवश्यक आहे. त्यानुसार कार्यवाही करण्यात येत आहे. त्यामुळे या भरती प्रक्रियेस तात्पुरत्या स्वरूपात शासन निर्देशान्वये स्थगिती देण्यात येत आहे, असे राज्य उत्पादन शुल्क विभागाने कळविले आहे.
BJP: भाजपा पदाधिकाऱ्याची वारंवार शरीरसुखाची मागणी, ठार मारण्याचीही धमकी; गुन्हा दाखल झाल्याने कार्यकर्त्यांचा मोर्चा
Congress Mumbai President: भाई जगताप यांना विधान परिषद निवडणूक भोवली? मुंबई काँग्रेस अध्यक्षपदावरून गच्छंती, वर्षा गायकवाडांकडे धुरा
Maharashtra ST : संसाराबरोबर एसटीचा प्रवास सुरु, एसटी इतिहासातील सुवर्ण दिवस, महिला चालकांनी चालवली पहिली एसटी बस !
महत्त्वाच्या बातम्या
ट्रेंडिंग न्यूज
