(Source: ECI/ABP News/ABP Majha)
Maharashtra Breaking News 6 August 2022 : राज्यभरातील महत्त्वाच्या बातम्या एका क्लिकवर...
Maharashtra News LIVE Updates : दिवसभरातील ताज्या घडामोडी, महत्त्वाचे अपडेट्स, देशभरासह राज्यातील कोरोना संबंधित, राजकीय, सामाजिक, आर्थिक, क्रीडा तसेच इतर अपडेट्स या लाईव्ह ब्लॉगमध्ये...
LIVE
Background
राष्ट्रीय-आंतरराष्ट्रीय तसेच स्थानिक पातळीवरील घडणाऱ्या सर्व घडामोडींची सर्वात पहिली बातमी 'एबीपी माझा' आपल्या प्रेक्षक-वाचकांना देण्याचा प्रयत्न करत आहे. त्यामध्ये आज राजकीय, सामाजिक, आर्थिक घडामोडींपासून ते खेळ आणि मनोरंजनाच्या बाबतीत अपडेट्स देण्याचा प्रयत्न असतो. आपल्या प्रेक्षक-वाचकांना अप-टू-डेट ठेवण्याचा एक भाग म्हणून आम्ही आज दिवसभरात काय-काय महत्त्वाच्या घडामोडी घडणार आहेत याची माहिती देत आहोत...
आज उपराष्ट्रपतीपदासाठी मतदान
देशाच्या नवीन उपराष्ट्रपतीपदासाठी आज मतदान होणार असून एनडीएकडून जगदीप धनकड आणि विरोधकांच्या कडून मार्गारेट अल्वा या उमेदवार आहेत. सध्याचे उपराष्ट्रपती वेंकय्या नायडू यांचा कार्यकाल 10 ऑगस्टला संपणार आहे. 11 ऑगस्टला नवे उपराष्ट्रपती शपथ घेतील.
या निवडणुकीसाठी संसदेच्या दोन्ही सभागृहातील सदस्य मतदान करतील. सकाळी 10 ते संध्याकाळी 5 या वेळेत मतदानप्रक्रिया पार पडेल. संध्याकाळी 7 वाजेपर्यंत मतमोजणी पूर्ण होऊन निकाल लागेल असा अंदाज आहे.
सध्याची दोन्ही सभागृहातील भाजप खासदारांची संख्या
लोकसभा भाजप खासदार- 303 (खासदार संजय धोत्रे तब्येत बरी नसल्यानं मतदान करु शकणार नाहीत)
लोकसभेतील एनडीएचे इतर सदस्य- 33
एनडीएचे लोकसभेतील एकूण खासदार- 336
राज्यसभेतील भाजप खासदार- 91
राज्यसभेतील एनडीएचे इतर सदस्य- 18
एनडीएचे राज्यसभेतील एकूण खासदार- 109
एनडीएचे एकूण खासदार - 445
भाजपला विजयासाठी 390 पेक्षा अधिक मतांची गरज आहे. शिवसेनेचे खासदार (उद्धव ठाकरे गट) या निवडणुकीत यूपीएच्या बाजूनं मतदान करणार आहे.
आज मुख्यमंत्री- उपमुख्यमंत्र्यांचा पुन्हा दिल्ली दौरा
राज्याचे मुख्यमंत्री एकनाथ शिंदे आणि उपमुख्यमंत्री देवेंद्र फडणवीस हे आजपासून दोन दिवसांच्या दिल्ली दौऱ्यावर जाणार आहेत. आज आझादी का अमृत महोत्सव बैठकीला ते उपस्थिती लावतील तर रविवारी निती आयोगाच्या बैठकीमध्ये ते सहभागी होतील. या दोन दिवसांच्या दौऱ्यात दिल्लीतील नेत्यांशी गाठीभेटी घेऊन मंत्रीमंडळ विस्तारावर चर्चा होण्याची शक्यता आहे.
संजय राऊतांच्या पत्नी वर्षा राऊत यांची ईडी चौकशी
पत्राचाळ घोटाळा प्रकरणी ईडीनं वर्षा राऊत यांना समन्स पाठवलंय. सकाळी 11 वाजता त्यांना ईडी कार्यालयात चौकशीसाठी बोलावण्यात आलं आहे. ईडीला वर्षा राऊत यांच्या नावावर असलेल्या मालमत्तेच्या संदर्भात चौकशी करायची आहे.
राज्यात पाच दिवस मान्सून सक्रिय होणार, पश्चिम महाराष्ट्र, कोकणाला ऑरेंज अलर्ट
येत्या 24 तासांत दक्षिण कोकण, दक्षिण मध्य महाराष्ट्र आणि विदर्भाच्या काही भागांत मुसळधार ते अतिमुसळधार पाऊस, मेघगर्जनेची शक्यता वर्तवण्यात आली आहे. रायगड, रत्नागिरी, सिंधुदुर्ग, पुणे, सातारा आणि कोल्हापुरात ऑरेंज अलर्ट देण्यात आला आहे.
नितेश राणे यांची पत्रकार परिषद
भाजप मुख्य प्रवक्ते केशव उपाध्ये यांची आणि नितेश राणेंची पत्रकार परिषद होणार आहे. आज दुपारी 1 वाजता भाजप प्रदेश कार्यालयात ही परिषद होणार आहे. नितेश राणे दीपक केसरकरांच्या आरोपांवर उत्तर देण्याची शक्यता आहे. तसेच, नितेश राणे उमेश कोल्हे प्रकरणाबाबत मोठा गौप्यस्फोट करणार आहेत अशी माहिती आहे.
आश्रम शाळेतील विद्यार्थ्याच्या मृत्यू प्रकरणी माजी आमदार आणि भाजप नेते विजयराज शिंदेंवर गुन्हा दाखल
आदिवासी आश्रम शाळेतील विद्यार्थ्याच्या मृत्यू प्रकरणी माजी आमदार आणि भाजप नेते विजयराज शिंदे यांच्यासह पाच जणांवर गुन्हा दाखल करण्यात आला आहे. 16 जुलै रोजी बुलढाण्यातील आदिवासी आश्रम शाळेत लोखंडी गेट अंगावर पडून आदिवासी विद्यार्थ्याचा मृत्यू झाला होता. या प्रकरणी तब्बल दोन आठवाड्यांनी पोलिसांनी संस्था चालक विजयराज शिंदे यांच्यासह पाच जणांवर गुन्हा दाखल केलाय. अनुदानित आदिवासी शाळेतील मुलांच्या सुरक्षेबद्दल हयगय केल्याच्या ठपका ठेवत हा गुन्हा दाखल केला आहे.
केदार दिघे यांना मुंबई सत्र न्यायालयाकडून अटकपूर्व जामीन मंजूर
केदार दिघे यांना मुंबई सत्र न्यायालयाकडून अटकपूर्व जामीन मंजूर
केदार दिघेंविरोधात बलात्काराच्या प्रकरणाशी संबंधित गुन्हा दाखल
तपासात सहकार्य करण्याची जामीनात प्रमुख अट
एन.एम. जोशी मार्ग पोलीस ठाण्यात दिघेंविरोधात गुन्हा दाखल करण्यात आला आहे
एका बलात्कार पीडितेला धमकावल्या प्रकरणी केदार दिघेंवर दाखल आहे गुन्हा
उद्धव ठाकरे गटाच्या सहा खासदारांचे उपराष्ट्रपती पदाच्या निवडणुकीत मतदान नाही
शिवसेना पक्षप्रमुख उद्धव ठाकरे यांच्या गटाच्या सहा खासदारांनी उपराष्ट्रपती पदाच्या निवडणुकीसाठी मतदान केले नाही.
Nashik Fire : नाशिक येथील द्वारका परिसरातील झोपडपट्टीला भीषण आग, बंब घटनास्थळी दाखल
Nashik Fire : नाशिक शहरातील द्वारका परिसरातील झोपडपट्टीला भीषण आग लागली असल्याची प्राथमिक माहिती आहे. अग्निशमन दलाचे चार बंब घटनास्थळी दाखल झाले असून आग विझवण्याचे काम सुरु आहे. त्याचबरोबर आगीची घटना समजल्यानंतर बघ्यांची गर्दी झाली आहे.
वर्षा राऊत यांची मागील तीन तासांपासून ईडी चौकशी सुरू
खासदार संजय राऊत यांच्या पत्नी वर्षा राऊत यांची मागील तीन तासांपासून ईडी चौकशी सुरू आहे. वर्षा राऊत यांची पत्राचाळ घोटाळा प्रकरणी आणि अलिबाग येथे मालमत्तेसंदर्भात चौकशी सुरू आहे. अलिबाग येथे जागा खरेदी करताना रोखीने व्यवहार झाले असल्याचा ईडीने आरोप केला आहे. वर्षा राऊत यांच्या अकाउंट मध्ये एक करोडपेक्षा जास्त पैसे आले आहेत. त्यासंदर्भात ही चौकशी केली जात आहे. सध्या संजय राऊत ईडीच्या कोठडीत आहेत.
#BreakingNews : खासदार संजय राऊत यांच्या पत्नी वर्षा राऊत यांची मागील तीन तासांपासून चौकशी सुरू... वर्षा राऊत यांची पत्राचाळ घोटाळा प्रकरणी आणि अलिबाग येथे मालमत्तेसंदर्भात चौकशी सुरू... #abpmajha #Maharashtra #SanjayRaut #ED https://t.co/npvqdHujNl pic.twitter.com/7NeyBcJ4O4
— ABP माझा (@abpmajhatv) August 6, 2022
महत्त्वाच्या बातम्या
ट्रेंडिंग न्यूज
