Maharashtra Breaking News 22 June 2022 : मुख्यमंत्री उद्धव ठाकरे यांना कोरोनाची लागण; राज्यातील महत्त्वाच्या घडामोडी एका क्लिकवर...
Maharashtra News LIVE Updates : दिवसभरातील ताज्या घडामोडी, महत्त्वाचे अपडेट्स, देशभरासह राज्यातील कोरोना संबंधित, राजकीय, सामाजिक, आर्थिक, क्रीडा तसेच इतर अपडेट्स या लाईव्ह ब्लॉगमध्ये...
LIVE
Background
Maharashtra News LIVE Updates : दिवसभरातील ताज्या घडामोडी, महत्त्वाचे अपडेट्स, देशभरासह राज्यातील कोरोना संबंधित, राजकीय, सामाजिक, आर्थिक, क्रीडा तसेच इतर अपडेट्स या लाईव्ह ब्लॉगमध्ये...
ब्रेकिंग न्यूज कधी पूर्वसूचना देऊन येत नाहीत.. हे खरं असलं तरी..पण आज दिवसभरात घडणाऱ्या काही पूर्वनियोजित घटना,कार्यक्रम असतातच.. त्याचाच दिवसभरात विस्तार होतो. त्या घटना-घडामोडींची पार्श्वभूमी-पूर्वपिठिका हाताशी असल्यावर या घटना-घडामोडी समजून घेणं सोपं होतं. आज दिवसभरातल्या कोणत्या महत्वाच्या बातम्यांवर आमचं लक्ष असेल किंवा महत्वाच्या घडामोडी आम्ही तुमच्यापर्यंत सविस्तर पोहोचवू याची ही थोडक्यात उजळणी... या नियोजित-घटना कार्यक्रमांसोबतच आयत्यावेळी येणाऱ्या घडामोडीही आम्ही तुमच्यापर्यंत पोहोचवू...
एकनाथ शिंदेंसह सेनेच्या 35 आमदारांचं बंड तीव्र, सूरतहून गुवाहाटीला एअरलिफ्ट
राज्यातल्या महाविकास आघाडी सरकारविरोधात नगरविकास मंत्री एकनाथ शिंदे यांच्यासह शिवसेनेच्या 35 आमदारांचं बंड आणखी तीव्र होताना दिसतंय. कारण या आमदारांना सुरतहून आता गुवाहाटीला नेण्यात येणार आहे. बंडाचं निशाण फडकावणारे शिवसेना नेते आणि नगरविकास मंत्री एकनाथ शिंदे यांना केवळ 35 आमदारांचाच नाही, तर 40 आमदारांचा पाठिंबा असल्याची माहिती एबीपी माझाच्या मिळाली आहे
भाजपनं राष्ट्रपतीपदासाठी द्रौपदी मुर्मू यांना दिली उमेदवारी
भारतीय जनता पक्षाने (BJP) राष्ट्रपतीपदाच्या निवडणुकीसाठी उमेदवार जाहीर केला आहे. पक्षाने द्रौपदी मुर्मू यांना उमेदवारी दिली आहे. राष्ट्रपती रामनाथ कोविंद यांचा कार्यकाळ 24 जुलै रोजी संपत आहे. विरोधी पक्षाचे उमेदवार म्हणून सिन्हा यांच्या नावाची घोषणा करण्यात आली आहे.
डेक्कन क्वीन एक्सप्रेस धावणार नव्या रुपात
भारतातील वैशिठ्यपूर्ण महत्त्वाच्या ट्रेनपैकी एक असलेली 'डेक्कन क्वीन गेली 92 वर्षे प्रवशांच्या सेवेत आहे. डेक्कन क्वीन ही भारतातील एकमेव गाडी आहे ज्यात डायनिंग कारची सुविधा आहे. म्हणजेच धावत्या ट्रेनमध्ये बसून आपण गरम गरम पदार्थ ऑर्डर करून घेऊ शकतो.आजपासून ही नवीन गाडी प्रवाशांच्या सेवेत दाखल होणार आहे.
माऊली आणि तुकोबांची पालखी आज पुण्यात मुक्कामी
ज्ञानोबा-तुकोबांच्या पालख्यांनी आळंदी आणि देहूमधून प्रस्थान केले आहे आज दोन्ही पालख्या पुणे मुक्कामासाठी मार्गक्रमण करणार आहेत. 22 जूनला संध्याकाळी माऊली आणि तुकोबांची पालखी पुण्यात मुक्कामी पोहोचेल. दोन दिवसांच्या मुक्कामानंतर 24 जूनला दोन्ही पालख्या पुढील प्रवासासाठी मार्गस्थ होतील.
मुख्यमंत्री उद्धव ठाकरे यांना कोरोनाची लागण
मुख्यमंत्री उद्धव ठाकरे यांना कोरोनाची लागण झाल्याची माहिती नाना पटोले यांनी दिली आहे.
Live Updates
— ABP माझा (@abpmajhatv) June 22, 2022
मुख्यमंत्री उद्धव ठाकरे कोरोना पॉजिटिव्ह#BreakingNews #Shivsena #Maharashtra#MaharashtraPoliticalCrisis
पाहा लाईव्ह अपडेट फक्त एबीपी माझावरhttps://t.co/npvqdHMt1t pic.twitter.com/ndwqKPfAYT
उद्धव ठाकरे यांना कोरोनाची लागण
उद्धव ठाकरे यांना कोरोनाची लागण झाली आहे.
शरद पवारांची बैठक संपली, गृहमंत्री आणि जयंत पाटीलांवर पवारांची नाराजी
राष्ट्रवादी काँग्रेसचे अध्यक्ष शरद पवार यांच्या सिल्व्हर ओक या निवासस्थानी राष्ट्रवादीची सुरु असलेली बैठक संपली. गृहमंत्री दिलीप वळसे-पाटील आणि जयंत पाटील यांच्यावर शरद पवार यांनी नाराजी व्यक्त केली.
Live Updates#BreakingNews : गृहमंत्री दिलीप वळसे-पाटील आणि जयंत पाटील यांच्यावर शरद पवारांची नाराजी... सिल्व्हर ओकवरील बैठक संपली#Maharashtra#MaharashtraPoliticalCrisis#EknathShinde #ShivSenahttps://t.co/npvqdHMt1t pic.twitter.com/KFv0dpLhWk
— ABP माझा (@abpmajhatv) June 22, 2022
नांदेड : पेरणी करताना वीज पडून तीन शेतकऱ्यांचा दुर्दैवी मृत्यू
नांदेड जिल्ह्यातील भोकर तालुक्यातील पाळज येथे बीज पेरणी करताना वीज पडून तीन शेतकऱ्यांचा दुर्दैवी मृत्यू झाल्याची घटना घडलीय. मंगळवारी सायंकाळी पाळज शिवारात ही घटना घडलीय. यामध्ये पाळज येथील शेतकरी सातमवार साईनाथ, रामनवार भोजन्ना चाटलावार आणि राज्यन्ना मुत्यन्ना या तीन शेतऱ्यांचा वीज पडून जागीच मुत्त्यू झालाय. ह्या घटनेमुळे पाळज गावावर मात्र शोककळा पसरली आहे.
माऊली आणि तुकोबांची पालखी आज पुण्यात मुक्कामी
ज्ञानोबा-तुकोबांच्या पालख्यांनी आळंदी आणि देहूमधून प्रस्थान केले आहे आज दोन्ही पालख्या पुणे मुक्कामासाठी मार्गक्रमण करणार आहेत. 22 जूनला संध्याकाळी माऊली आणि तुकोबांची पालखी पुण्यात मुक्कामी पोहोचेल. दोन दिवसांच्या मुक्कामानंतर 24 जूनला दोन्ही पालख्या पुढील प्रवासासाठी मार्गस्थ होतील.
महत्त्वाच्या बातम्या
ट्रेंडिंग न्यूज
