(Source: ECI/ABP News/ABP Majha)
Gram Panchayat Election Results 2022 LIVE Updates: नाशिकच्या दिंडोरी तालुक्यातील मतमोजणी प्रक्रिया पूर्ण
राज्यातील शेकडो ग्रामपंचायतींच्या निवडणुकांसाठी (Gram Panchayat Election Results 2022) काल, रविवारी मतदान झालं. आज या शेकडो गावांचे गाव कारभारी त्या त्या गावाला मिळणार आहेत.
LIVE
Background
Maharashtra Gram Panchayat Election Results 2022 : राज्यातील शेकडो ग्रामपंचायतींच्या निवडणुकांसाठी (Gram Panchayat Election Results 2022) काल, रविवारी मतदान झालं. आज या शेकडो गावांचे गाव कारभारी त्या त्या गावाला मिळणार आहेत. राज्यातील विविध 16 जिल्ह्यांमधील 547 ग्रामपंचायतींच्या सार्वत्रिक निवडणुकांत प्राथमिक अंदाजानुसार सरासरी सुमारे 76 टक्के मतदान झाल्याची माहिती आहे. यात ग्रामपंचायत सदस्य पदांसह थेट सरपंचपदासाठीदेखील मतदान पार पडले. या ग्रामपंचायतींचा निकाल आज जाहीर होणार आहे. पहिल्यांदाच थेट नागरिकांमधून सरपंचाची निवड होणार आहे. सकाळी दहा वाजल्यापासून मतमोजणीला सुरुवात होणार आहे. दुपारपर्यंत सर्व जागांवरील चित्र स्पष्ट होणार असल्याची शक्यता आहे.
राज्य निवडणूक आयोगाने 608 ग्रामपंचायतींच्या सार्वत्रिक निवडणुकांची 12 ऑगस्ट 2022 रोजी घोषणा केली होती. त्यातील 51 ग्रामपंचायतींच्या निवडणुका पूर्णत: बिनविरोध झाल्या आहेत. त्यामुळे काल प्रत्यक्षात 547 ग्रामपंचायतींसाठी सकाळी 7.30 ते सायंकाळी 5.30 या वेळेत मतदान झाले. दुपारी 3.30 पर्यंत सरासरी 66.10 टक्के मतदान झाले होते. काही ठिकाणी सायंकाळ उशिरापर्यंत मतदारांच्या रांगा लागल्या होत्या.
या जिल्ह्यातील ग्रामपंचायतींसाठी मतदान झालं
नंदुरबार: शहादा- 74 आणि नंदुरबार- 75.
धुळे: शिरपूर- 33.
जळगाव: चोपडा- 11 आणि यावल- 02.
बुलढाणा: जळगाव (जामोद)- 01, संग्रामपूर- 01, नांदुरा- 01, चिखली- 03 आणि लोणार- 02.
अकोला: अकोट- 07 आणि बाळापूर- 01.
वाशीम: कारंजा- 04.
अमरावती: धारणी- 01, तिवसा- 04, अमरावती- 01 आणि चांदुर रेल्वे- 01.
यवतमाळ: बाभुळगाव- 02, कळंब- 02, यवतमाळ- 03, महागाव- 01, आर्णी- 04, घाटंजी- 06, केळापूर- 25, राळेगाव- 11, मोरेगाव- 11 आणि झरी जामणी- 08.
नांदेड: माहूर- 24, किनवट- 47, अर्धापूर- 01, मुदखेड- 03, नायगाव (खैरगाव)- 04, लोहा- 05, कंधार- 04, मुखेड- 05, आणि देगलूर- 01.
हिंगोली: (औंढा नागनाथ)- 06. परभणी: जिंतूर- 01 आणि पालम- 04.
नाशिक: कळवण- 22, दिंडोरी- 50 आणि नाशिक- 17.
पुणे: जुन्नर- 38, आंबेगाव- 18, खेड- 05 व भोर- 02.
अहमदनगर: अकोले- 45.
लातूर: अहमदपूर- 01.
सातारा: वाई- 01 आणि सातारा- 08.
कोल्हापूर: कागल- 01.
इतर महत्वाच्या बातम्या
Gramanchayat Election : राज्यातील 547 ग्रामपंचायतींसाठी 76 टक्के मतदान, सोमवारी निकाल
Nashik Grampanchayat Election Update : नाशिकच्या दिंडोरी तालुक्यातील मतमोजणी प्रक्रिया पूर्ण
Nashik Grampanchayat Election Update : नाशिकच्या दिंडोरी तालुक्यातील मतमोजणी प्रक्रिया पूर्ण झाली आहे.
Grampanchayat Update : छत्रपती संभाजी महाराजांच्या स्वराज्य संघटनेने उघडले विजयाचे खाते, गणेशगाव ग्रामपंचायतीत रुपाली ठमके विजयी
Grampanchayat Update : छत्रपती संभाजी महाराज यांच्या स्वराज्य संघटनेने ग्रामपंचायतीमध्ये खात उघडले असून गणेशगाव ग्रामपंचायतीत रुपाली ठमके सरपंचपदी विजयी झाल्या आहेत. स्वराज्य संघटनेच्या प्रभावाखाली असलेली ग्रामपंचायत म्हणून गणेशगावची ओळख आहे.
Yawatmal Grampanchayat Election Update : करंजी- मोहदा सर्कलमधील दहा ग्रामपंचायतीपैकी आठ ग्रामपंचायतीवर राष्ट्रवादी काँग्रेसची एकहाती सत्ता
Yawatmal Grampanchayat Election Update : यवतमाळ जिल्ह्यात 72 ग्रामपंचायतीसाठी मतदान झाले तर मतमोजणी झाली असून आता पर्यंत 52 ग्रामपंचायतीचे निकाल हाती आले आहेत. यवतमाळ जिल्ह्यातील सर्वाधिक पांढरकवडा तालुक्यात एकूण 25 ग्रामपंचायतीचे निवडणुका होत्या. संपूर्ण जिल्ह्याचे लक्ष लागून असलेल्या यातील करंजी- मोहदा सर्कलमध्ये 10 ग्रामपंचायत पैकी 8 ग्रामपंचायतीवर एकमेव राष्ट्रवादी काँग्रेसने एकहाती सत्ता खेचून आणली. तर राळेगाव आणि उर्वरित पांढरकवडा तालुक्यात प्रस्थापित यांना धक्के बसले आहे. जिल्ह्यातील ग्रामपंचायत निवडणुक स्थानिक लोकप्रतिनिधी यांनी प्रतिष्ठेची केली होती. काँग्रेसचे माजी शिक्षणमंत्री प्रा. वसंत पुरके आणि भाजपचे माजी आदिवाशी विकास मंत्री डॉ. अशोक उईके या प्रस्थापित्यांना धक्का देत विजय मिळविला. यावेळी विजय उमेदवारांची जंगी मिरवणूक काढण्यात आली.
Nanded Grampanchayat Election Update : नांदेड जिल्हा ग्रामपंचायत निवडणूक अपडेट
Nanded Grampanchayat Election Update : नांदेड जिल्हा ग्रामपंचायत निवडणूक अपडेट
| काँग्रेस | 08 |
| राष्ट्रवादी | 06 |
| शिवसेना | 02 |
| शिंदे गट | 00 |
| भाजप | 05 |
| शेतकरी कामगार पक्ष | 04 |
| अपक्ष | 02 |
Gram Panchayat Election Results 2022 LIVE Updates: नंदुरबार तालुक्यातील ग्रामपंचायतीच्या निवडणुकीत अनेक प्रस्थापितांना मोठा धक्का
Gram Panchayat Election Results 2022 LIVE Updates:
नंदुरबार तालुक्यातील ग्रामपंचायतीच्या निवडणुकीत अनेक प्रस्थापितांना मोठा धक्का मिळालेला असल्याचं दिसून येत आहे. तालुक्यातील धमदाई येथे लहान भावाने मोठ्या भावाला पराभूत केला असून मोठा भाऊ भाजपात होता तर लहान भाऊ शिंदे गटात असल्याने यात शिंदे गटाने बाजी मारली आहे.
महत्त्वाच्या बातम्या
ट्रेंडिंग न्यूज
