LIVE UPDATES | 33 कोटी वृक्षलागवड मोहिमेची चौकशी संदर्भात करण्याबाबत मुनगंटीवार यांचं विद्यमान वन मंत्र्यांना पत्र

Background

'आज दिवसभरात' या लाईव्ह ब्लॉगमध्ये देश-विदेशातील घडामोडींचा संक्षिप्त आढावा घेतला जातो. दिवसभर घडणाऱ्या घडामोडी, ब्रेक्रिंग न्यूज एकाच ठिकाणी, एकाच क्लिकवर वाचता येतात. राजकारणापासून मनोरंजनापर्यंत आणि टेक्नॉलॉजीपासून लाईफस्टाईलपर्यंत सर्व बातम्यांचे सुपरफास्ट अपडेट्स वाचकांना इथे मिळतील. त्यामुळे सुपरफास्ट अपडेट्स आणि दिवसभरातील ब्रेकिंग न्यूजसाठी लॉगऑन करा www.abpmajha.in

1. रामजन्मभूमी न्यासाप्रमाणेच मशिदीसाठी वेगळा ट्रस्ट का नाही?, शरद पवारांचां सरकारला सवाल, हा देश सर्वांचा असल्याचाही भाजपला टोला

2. पीकविमा काढायचा की नाही हे आता शेतकरी ठरवणार, केंद्रीय मंत्रिमंडळाच्या बैठकीनंतर मोदी सरकारचा निर्णय, शेतकऱ्यांना मोठा दिलासा

3. राज्य सरकार तब्बल पावणे दहा लाख विद्यार्थ्यांना मोफत चष्मा वाटणार,चष्म्याचा नंबर बदलल्यास सरकारच खर्च करणार, मंत्रिमंडळाच्या बैठकीत निर्णय

4. अखेर पुणे पोलिसांकडून एल्गारची कागदपत्रं एनआयएला सुपूर्द, आरोपपत्रांचे दस्तावेज, हार्डडिस्क, पुराव्यांवर एनआयए पुढील तपास करणार

5. फ्लोरा फाऊंटन परिसरातील तीन झाडांना अॅसिडचं इंजेक्शन, झारा कंपनीच्या शोरूमसाठी वृक्ष तोडल्याचा आरोप, पर्यावरणप्रेमी संघटनेची 'झारा'विरोधात तक्रार

6. अयोध्येतल्या मंदिरात रामलल्लासाठी बुलेटप्रूफ कॉटेज, राम मंदिर ट्रस्टच्या पहिल्या बैठकीत निर्णय, आराखड्याची एक्स्क्लुझिव्ह झलक माझावर

21:46 PM (IST)  •  20 Feb 2020

परभणी : पिकअप आणि मॅक्स जीप यांच्यात समोरासमोर जोराची धडक होऊन भीषण अपघात झाला. यात मॅक्स जीप मधील एक ठार, तर एक जण गंभीररित्या जखमी झाला आहे. अपघातानंतर मॅक्स जीप पलट्या होऊन तब्बल 300 मीटर पुढे गेली. जीपचा अक्षरशः चुराडा झालाय. पाथरी परभणी राष्ट्रीय महामार्ग 61 वर रात्रीच्या सुमारास प्रवाशी वाहतूक करणारी मॅक्स जीप एम एच 23 ई 3169 पाथरीकडून मानवतकडे जात होती. तर माल वाहतूक करणारा पिकअप एम एच 21 एक्स 2721 या दोन वाहनात समोरासमोर भीषण अपघात झाला.

22:42 PM (IST)  •  20 Feb 2020

आज दिशा कायद्याबाबत माहिती घेतली, पाच अधिकाऱ्यांची टीम बनवली आहे. ही टीम पुढच्या सात दिवसात अहवाल देईल. त्यानंतर कॅबिनेट पुढे प्रस्ताव येईल. त्यानंतर याबाबत अधिवेशनात चर्चा करू, असं अनिल देशमुख यांनी सांगितलं आहे. महाराष्ट्रातही दिशा कायद्यासाठी एक समिती नियुक्त करण्यात आली आहे.

18:00 PM (IST)  •  20 Feb 2020

मुंबईच्या विलेपार्ले परिसरातून तब्बल 80 कोटी रुपये किंमतीचं ड्रग्ज जप्त करण्यात आलंय. मॅऊ मॅऊ नावानं ओळखलं जाणारं अर्थात एमडी ड्रग्जचा 200 किलोचा साठी एका फॅक्टरीमधून जप्त करण्यात आलाय. तपासादरम्यान या ड्रग्जचं पुणे कनेक्शन देखील समोर आलंय. पुण्यातल्या एका कंपनीत हे एमडी ड्रग्ज तयार करण्यात आल्याची माहिती समोर आलीय.

20:05 PM (IST)  •  20 Feb 2020

ABP Majha LIVE | Live Streaming Of ABP Majha Marathi News | Marathi LIVE News

For latest breaking news ( #ABPMajhaLIVE #MarathiNews #ABPMajhaVideos #ABPमाझा ) log on to: https://abpmajha.abplive.in/ Social Media Handles: Facebook: http...

19:33 PM (IST)  •  20 Feb 2020

गोंदिया : गोंदिया शहरात 14 फेब्रुवारीला झालेल्या हत्येसंदर्भात पोलिसांनी आठ आरोपींना अटक केली. मृत सुरेश यादव याची गोळ्या झाळून हत्या करण्यात आली होती.