विधानसभा निवडणुकीत बंदोबस्त करणाऱ्या पोलिसांना गुडन्यूज

मुंबई: विधानसभा निवडणुकीत बंदोबस्तात असणाऱ्या पोलिसांना राज्य सरकारने आनंदाची बातमी दिली आहे. 2014 च्या विधानसभा निवडणुकीत बंदोबस्तात असणाऱ्या पोलिसांना 1 महिन्याचं वेतन देण्याची घोषणा मुख्यमंत्र्यांनी केली आहे.   राज्यभरातील पोलिसांसाठीच्या एका महिन्याच्या वेतनासाठी 8 कोटी 96 लाख, तर मुंबई पोलिसांसाठी 1 कोटी रुपये देण्याची महत्वपूर्ण घोषणा मुख्यमंत्र्यांनी केली आहे. मुख्यमंत्र्यांनी ही माहिती ट्विटरच्या माध्यमातून दिली.  

CM announced grant of 1 month basic salary as a remuneration to all the police officials & employees working on election duty since 2014.

— CMO Maharashtra (@CMOMaharashtra) August 19, 2016

निवडणूक काळात राज्यभरातील पोलिसांवर बंधोबस्ताचा प्रचंड ताण असतो. त्या प्रमाणात त्यांना कमी मोबदला मिळतो. त्यामुळे मुख्यमंत्री देवेंद्र फडणवीस यांनी २०१४ च्या विधानसभा निवडणुकीत बंदोबस्तामध्ये तैनात पोलिसांना 1 महिन्याचं वेतन देण्याचा निर्णय घेतला आहे.