Belgaum News : बेळगावमधील सौंदत्तीत तीन वाहनांचा भीषण अपघात, चार जण ठार  

Belgaum News : बेळगाव जिल्ह्यातील सौंदत्ती तालुक्यातील बुदीकोप्प क्रॉस येथे ट्रक, कार आणि दुचाकी वाहनांचा भीषण अपघात झालाय. या अपघातात चार जण ठार झाले.

Belgaum car accident

Belgaum News Update : बेळगाव जिल्ह्यातील सौदत्ती तालुक्यातील बुदीकोप्प क्रॉस येथे ट्रक, कार आणि दुचाकी वाहनांचा भीषण अपघात झालाय. या अपघातात चार जण ठार झाले.तर दोघे जण गंभीर जखमी झाले आहेत. रविवारी दुपारी हा अपघात झालाय.  निखिल कदम (वय 24), रुक्मिणी हलकी (४८), अक्षता हलकी (22) आणि हणूमवा चिक्कलकट्टी अशी अपघातात ठार झालेल्या व्यक्तींची नावे आहेत.  

कारमधून प्रवास करणारे तिघे जण तर दुचाकीवरून जाणारी एक वृद्धा  असे चार जण या अपघातात ठार झाले. कारमधून बेळगावमधील कुडची पोलिस स्थानकाचे सहाय्यक पोलिस उपनिरीक्षक वाय.एम.हलकी, त्यांची पत्नी रुक्मिणी ,कन्या आणि कार चालक प्रवास करत होते. कार यर गट्टीकडे जात होती तर ट्रक सिमेंट भरून गोव्याकडे निघाला होता. ट्रकने दुचाकी आणि कारला धडक दिल्याने हा भीषण अपघात घडला. यात  वाय.एम.हलकी यांच्या कार चालकासह इतर तिघांचा मृत्यू झाला. तर दुचाकी वरून जाणारे दोघे गंभीर जखमी झाले. जखमींना उपचारासाठी जवळच्या रूग्णालयात दाखल करण्यात आले आहे.  

बेळगाव जिल्हा पोलिस प्रमुख संजीव पाटील यांनी अपघातस्थळी भेट दिली. अपघातामुळे रस्त्यावर वाहनांच्या रांगा लागल्या होत्या. जेसीबीने अपघातग्रस्त कार रस्त्याच्या बाजूला करून पोलिसांनी वाहतूक सुरळीत केली.  

अपघात झाल्यावर कारमध्ये अडकून पडलेल्या व्यक्तींना बाहेर काढण्यासाठी पोलीस आणि मदतीसाठी जमलेल्या लोकांना बरेच परिश्रम घ्यावे लागले. अपघातात अन्य तीन जण गंभीर जखमी झाले आहेत. त्यांना उपचारासाठी हॉस्पिटलमधे दाखल करण्यात आले आहे. अपघातात पत्नी आणि मुलगी ठार झाल्यामुळे सहाय्यक पोलिस उपनिरीक्षक वाय.एम.हलकी यांना धक्का बसला असून त्यांनी केलेला आक्रोश पाहून उपस्थितांची मने हेलावली. जिल्हा पोलिस प्रमुख संजीव पाटील यांनी अपघातस्थळी भेट दिली. अपघातामुळे रस्त्यावर वाहनांच्या रांगा लागल्या होत्या. जेसीबीने अपघातग्रस्त कार हलवून पोलिसांनी वाहतूक सुरळीत केली. 

महत्वाच्या बातम्या