Exit Poll Results 2024 : एक्झिट पोल म्हणजे भाजपचा सायकॉलॉजीकल वारफेअर; मविआचे उमेदवार डॉ. प्रशांत पडोळेंची टीका
शेवटच्या टप्प्यातील मतदानाची रणधुमाळी संपताच एक्झिट पोलचे आकडे समोर आले आहेत. मात्र, हा एक्झिट पोल म्हणजे भाजपचा सायकॉलॉजीकल वारफेअर असल्याची टीका काँग्रेसचे उमेदवार डॉ. प्रशांत पडोळे यांनी केली आहे.
Bhandara Gondia Loksabha : अठराव्या लोकसभा निवडणुकांची शनिवारी सांगता झाली आहे. देशातील शेवटच्या टप्प्यातील मतदानाची रणधुमाळी काल संपल्यावर साऱ्यांची उत्सुकता असलेल्या एक्झिट पोलचे (Result 2024 Exit Poll) आकडे समोर आले आहेत. महाराष्ट्रात (Maharashtra) भाजप (BJP) सर्वात मोठा पक्ष असल्याचं एबीपी सी वोटरच्या एक्झिट (ABP Cvoter Exit Poll) पोलमध्ये समोर आले आहे. तर एबीपी सी वोटरच्या एक्झिट पोलनुसार, महाराष्ट्रात महायुती आणि महाविकास आघाडीत अटीतटीची लढाई असल्याचं दिसत आहे.
तर यावरून आता अनेक दावे-प्रतिदावे केले जात असतानाच महाविकास आघाडीचे काँग्रेसचे उमेदवार डॉक्टर प्रशांत पडोळे (Prashant Padole) यांनी भाजपवर सडकून टीका करत हा एक्झिट पोल म्हणजे भाजपचा (BJP) सायकॉलॉजीकल वारफेअर असल्याचे म्हटले आहे. सोबतच आपल्या विजयाची खात्री दर्शवत 5 जून रोजी काँग्रेस प्रदेशाध्यक्ष नाना पटोले (Nana Patole) यांच्या वाढदिवसानिमित्य महाराष्ट्र विजयाचं विषेश गिफ्ट देणार असल्याचा दावाही केला आहे. ते भंडारा येथे बोलत होते.
एक्झिट पोल नसून भाजपचा सायकॉलॉजीकल वारफेअर
लोकसभा निवडणुकीच्या संदर्भात एक्झिट पोल समोर आला आहे. मात्र हा एक्झिट पोल जनतेचा नसून तो भाजप सरकारचा आहे. भाजप निवडणुका साम, दाम, दंडभेद ने लढत असते. हा एक्झिट पोल नसून भाजपचा सायकॉलॉजीकल वारफेअर असल्याचे मत काँग्रेसचे उमेदवार डॉक्टर प्रशांत पडोळे यांनी व्यक्त केले आहे. निवडणूक मतदान मोजणी दरम्यान कार्यकर्ते, मतदान मोजणी प्रतिनिधी कसे डिप्रेशनमध्ये जावेत आणि ते डिप्रेशन मध्ये गेल्यावर मतमोजणी दरम्यान कसं लक्ष विचलित व्हावं, याचा प्रयत्न भाजप करत आहे. हा सत्ता परिवर्तन करण्याचा भाजपचा घाट आहे.
नाना पटोले हे मुख्यमंत्री होतील-डॉ. प्रशांत पडोळे
काँग्रेस प्रदेशाध्यक्ष नाना पटोले यांच्यासह सगळे कार्यकर्ते आणि महाविकास आघाडीच्या सर्व पदाधिकार्यांनी निवडणुकीत मेहनत घेतली आहे. मागील दहा वर्षात भाजपच्या तानाशाही सरकारनं देशात कुठलेच प्रश्न सोडविले नाहीत. बेरोजगारांची संख्या प्रचंड वाढलेली आहे. पाच जूनला नाना पटोले यांचा वाढदिवस असून भंडारासह महाराष्ट्रातील महाविकास आघाडीचे सर्व उमेदवार निवडून येतील आणि नाना पटोले यांना एक वेगळं वाढदिवसाचं गिफ्ट देतील. असा विश्वासही डॉ. प्रशांत पडोळे यांनी बोलताना व्यक्त केलाय. आगामी विधानसभा निवडणुकीतही महाराष्ट्रामध्ये काँग्रेसचे सरकार येईल आणि नाना पटोले हे मुख्यमंत्री बनतील असा मोठा दावाही भंडारा गोंदिया लोकसभाचे महाविकास आघाडीचे उमेदवार डॉक्टर प्रशांत पडोळे यांनी एबीपी माझा शी बोलताना व्यक्त केलाय.
इतर महत्वाच्या बातम्या
महत्त्वाच्या बातम्या
