BMC Election 2026: मुंबई महानगरपालिका निवडणुकीत ठाकरे गट ज्येष्ठ नेत्यांना उमेदवारी देणार नसल्याची चर्चा, किशोरी पेडणेकरांची पहिली प्रतिक्रिया, म्हणाल्या....
Mumbai BMC Election 2026 : उद्धव ठाकरे यांच्याकडून 60 वर्षांपेक्षा अधिक वय असलेल्या माजी नगरसेवकांना यावेळी उमेदवारी दिली जाणार नाही. यामुळे ठाकरे गटात प्रचंड मोठी उलथापालथ होण्याची शक्यता आहे
Mumbai BMC Election 2026 : राज्यात आगामी स्थानिक स्वराज्य संस्थेच्या निवडणुकांच्या अनुषंगाने जोरदार मोर्चेबांधणी सुरु आहे. अशातच महानगरपालिका निवडणुकीच्या (Mahanagarpalika Election 2026) पार्श्वभूमीवर उद्धव ठाकरे (Uddhav Thackeray) यांच्याकडून एक महत्त्वाचा निर्णय घेतला जाण्याची शक्यता आहे. त्यानुसार ठाकरे गटाकडून BMC निवडणुकीसाठी उमेदवारी देताना ज्येष्ठ नगरसेवकांऐवजी तरुण चेहऱ्यांना प्राधान्य दिले जाणार आहे. सूत्रांच्या माहितीनुसार, आगामी मुंबई महापालिका निवडणुकीत (Mahanagarpalika Election) शिवसेना ठाकरे गटात नवीन चेहऱ्यांना उमेदवारीसाठी प्राधान्य दिले जाणार आहे. तर 60 वर्षांपेक्षा अधिक वय असलेल्या माजी नगरसेवकांना यावेळी उमेदवारी दिली जाणार नाही. यामुळे ठाकरे गटात (Uddhav Thackeray) प्रचंड मोठी उलथापालथ होण्याची शक्यता आहे
दरम्यान, याच मुद्दयावर मुंबईच्या माजी महापौर आणि ठाकरे गटाच्या नेत्या किशोरी पेडणेकर (Kishori Pednekar) यांनी आपले मत व्यक्त करत भाष्य केलंय. माझी इच्छा आहे की नाही म्हणण्यापेक्षा जे व्यवस्थित कार्यरत आहेत. आज तुम्हाला 75 वर्षांचे पंतप्रधान चालतात. मला माहिती आहे हा डाव कोणाचा आहे. हा डाव सत्ताधाऱ्यांचाच आहे. चांगल्या चेहऱ्यांना बाद करायचे आणि मग नवीन चेहऱ्यांमध्ये धुडगूस घालायचा. असा थेट आरोप किशोरी पेडणेकर यांनी केला आहे.
Kishori Pednekar : बाहेरच्या वावड्यांना काहीही महत्त्वं नाही
नवीन चेहरे नक्कीच आले पाहिजेत, पण कुठे हे पळकुठे, गेलेत ना निघून. त्यांच्या जागेवर घेऊ या आपण नवीन चेहरे. कारण या सगळ्याचा मेळ तर घालावा लागेल. कायदे, नियम माहिती पाहिजेत. कुठलीही महानगरपालिका एका टर्ममध्ये कळत नाही, हा माझा स्व:ताचा अनुभव आहे. त्यासाठी एक टर्म पूर्ण अभ्यास करावा लागतो. भाजपच्या कोकलणाऱ्या नेत्यांना उत्तर द्यावे लागेल. शेवटी निर्णय पक्षप्रमुख घेणार आहेत. त्यामुळे बाहेरच्या वावड्यांना काहीही महत्त्वं नसल्याचेही किशोरी पेडणेकर म्हणाल्या.
Mumbai BMC Election 2026 : ठाकरेंच्या सेनेचे किमान 70 टक्के नवे चेहरे
ज्येष्ठ नगरसेवकांना उमेदवारी दिली जाणार नसली तरी माजी नगरसेवकांच्या मतांचा आदर राखत त्यांच्या पसंतीचा उमेदवार देण्याचा विचार ठाकरे गटाकडून सुरु आहे. यामुळे पक्षात नवे व जुने कार्यकर्ते यांचा समन्वय राखून ठाकरेंच्या सेनेचे किमान 70 टक्के नवे चेहरे उमेदवार असतील. त्यानुसार मनसे आणि शिवसेना या दोन्ही पक्षांचे नेते आणि पदाधिकारी रणनीती आखत आहेत. त्यामुळे आता या निर्णयावर नेमकं पक्षप्रमुख काय भूमिका घेतात हे पाहणे महत्वाचे ठरणार आहे.
आणखी वाचा
मला तुमची खुर्ची नको, मी तुमची खाट टाकेन! राज ठाकरेंची राजकीय अंत्ययात्रा काढू : संजय राऊत
महत्त्वाच्या बातम्या
