Weather Update : काश्मीरमध्ये बर्फवृष्टीचा ऑरेंज अलर्ट, सलग दुसऱ्या दिवशी दिल्ली विमानतळावर 400 उड्डाणांना उशीर; 19 वळवली, 45 रद्द
Weather Update : हिमाचल प्रदेशात कडाक्याची थंडी असूनही, सिमला गेल्या 19 वर्षांतील सर्वात उष्ण जानेवारी राहिला. शुक्रवारी येथे सर्वाधिक 22 अंश सेल्सिअस तापमानाची नोंद झाली.
Weather Update : संपूर्ण उत्तर भारतात धुक्याने कहर केला आहे. IMD ने दिलेल्या माहितीनुसार शनिवारी देशातील 7 विमानतळांवर झिरो दृश्यमानतेची (व्हिजिबिलिटी) नोंद झाली. त्यामुळे सलग दुसऱ्या दिवशी दिल्लीच्या इंदिरा गांधी आंतरराष्ट्रीय (IGI) विमानतळावर 400 उड्डाणे उशीर झाली. याशिवाय 19 उड्डाणे वळवावी लागली, तर 45 रद्द करण्यात आली. वळवलेल्या उड्डाणांमध्ये 13 देशांतर्गत, 4 आंतरराष्ट्रीय आणि 2 नॉन-शेड्युल्ड फ्लाइट्सचा समावेश आहे. याआधी शुक्रवारीही धुक्यामुळे दिल्लीत 400 हून अधिक उड्डाणे थांबवण्यात आली होती. IGI विमानतळावर दररोज सुमारे 1300 उड्डाणे चालतात.
सायंकाळी 6 ते शनिवारी पहाटे 3 वाजेपर्यंत शून्य दृश्यमानता
शुक्रवारी सायंकाळी 6 ते शनिवारी पहाटे 3 वाजेपर्यंत सुमारे 9 तास पालममध्ये शून्य दृश्यमानता होती, जो या हंगामातील सर्वात मोठा कालावधी होता. त्याचवेळी धुक्यामुळे 81 गाड्या उशिराने धावत असल्याचे उत्तर रेल्वेने सांगितले. यातील 59 गाड्या 6 तास तर 22 गाड्या सुमारे 8 तास उशिराने धावल्या. दिल्लीशिवाय पालम, सफदरजंग, अमृतसर, आग्रा, हिंडन, चंदीगड आणि ग्वाल्हेर विमानतळांवरही शून्य दृश्यमानता होती. पहिले फ्लाइट सुबार 11:13 वाजता श्रीनगर विमानतळावर उतरू शकले. रविवारी रात्री उशिरा ते सोमवार सकाळपर्यंत काश्मीर आणि चिनाब खोऱ्यात जोरदार बर्फवृष्टी होण्याची शक्यता हवामान खात्याने वर्तवली आहे. त्यामुळे रविवारी ऑरेंज अलर्ट जारी करण्यात आला आहे. चिल्लई कलान या राज्यातील कडाक्याच्या थंडीचा कालावधी संपून अवघे 15 दिवस उरले आहेत. चिल्लई कलान 30 जानेवारीला संपणार आहे. यानंतर 20 दिवस 'चिल्लाई-खुर्द' आणि 10 दिवस 'चिल्लई-बच्चा'चा कालावधी असेल.
हिमाचलमध्ये कडाक्याची थंडी असूनही शिमला सर्वात उष्ण
हिमाचल प्रदेशात कडाक्याची थंडी असूनही, सिमला गेल्या 19 वर्षांतील सर्वात उष्ण जानेवारी राहिला. शुक्रवारी येथे सर्वाधिक 22 अंश सेल्सिअस तापमानाची नोंद झाली. यापूर्वी 2006 मध्ये सर्वाधिक कमाल तापमान 21.4 डिग्री सेल्सियस नोंदवले गेले होते. हवामान खात्याने रविवारी शिमला, किन्नौर, लाहौल आणि स्पीती, चंबा, कांगडा, कुल्लू आणि मंडी येथे बर्फवृष्टी आणि पावसाचा ऑरेंज अलर्ट जारी केला आहे. 5 आणि 6 जानेवारी रोजी राज्यातील उंच पर्वतीय भागात बर्फवृष्टी आणि पाऊस होऊ शकतो. 7 जानेवारीपर्यंत सखल भागात पावसाची शक्यता आहे. 8 जानेवारी रोजी संपूर्ण राज्यात हवामान निरभ्र राहण्याचा अंदाज आहे. दुसरीकडे, थंडीच्या अलर्टमुळे झारखंडमध्ये 7 ते 13 जानेवारी दरम्यान 8वीपर्यंतच्या शाळा बंद ठेवण्यात आल्या होत्या.
इतर महत्वाच्या बातम्या
महत्त्वाच्या बातम्या
