Winter Session : धनकड म्हणाले, शेतकऱ्यांचा मुलगा सहन होईना, मी कामगाराचा मुलगा, खरगेंचा सुद्धा जोरदार पलटवार; राज्यसभेत रणकंदन
राज्यसभेत विरोधकांनी सभापती जगदीप धनखड यांच्याविरोधात अविश्वास प्रस्तावाची नोटीस दिली आहे. धनखड आणि काँग्रेस अध्यक्ष मल्लिकार्जुन खरगे यांच्यात जोरदार वादावादी झाली.
नवी दिल्ली : संसदेत संविधानावर पक्ष आणि विरोधकांमध्ये चर्चेपूर्वी आज (13 डिसेंबर) शुक्रवारी राज्यसभेत प्रचंड गदारोळ झाला. सभापती जगदीप धनखड यांच्याविरोधात विरोधकांनी अविश्वास प्रस्तावाची नोटीस दिली आहे. याविरोधात भाजप खासदार राधामोहन दास अग्रवाल यांनी विशेषाधिकार भंगाची नोटीस दिली. त्यावरून गदारोळ सुरू झाला.
राज्यसभा सोमवारपर्यंत तहकूब
राज्यसभेत विरोधकांनी सभापती जगदीप धनखड यांच्याविरोधात अविश्वास प्रस्तावाची नोटीस दिली आहे. धनखड आणि काँग्रेस अध्यक्ष मल्लिकार्जुन खरगे यांच्यात जोरदार वादावादी झाली. दोन्ही बाजूंच्या खासदारांनीही गदारोळ सुरू केला. यानंतर धनखर यांनी राज्यसभेचे कामकाज सोमवारपर्यंत तहकूब केले. धनखड आणि राज्यसभेतील विरोधी पक्षनेते मल्लिकार्जुन खरगे यांच्यात जोरदार वादावादी झाली. अध्यक्ष जगदीप धनखड म्हणाले, 'मला खूप त्रास झाला. मी शेतकऱ्याचा मुलगा आहे, मी झुकणार नाही. विरोधकांनी संविधानाचे तुकडे केले. उत्तरात खरगे म्हणाले की, तुम्ही शेतकरी आणि मी मजुराचा मुलगा आहे. तुम्ही आमच्या पक्षाच्या नेत्यांचा अपमान करत आहात.
#WATCH | Ruckus in Rajya Sabha over no confidence motion against Chairman Jagdeep Dhankhar
— ANI (@ANI) December 13, 2024
Chairman Jagdeep Dhankhar says, "I am a farmer's son, I will not show weakness. I will sacrifice my life for my country. You (opposition) have only one job 24 hours a day, why is a… pic.twitter.com/REIFQlD1GR
राज्यघटनेला 75 वर्षे पूर्ण झाल्याबद्दल लोकसभेत विशेष चर्चा
राज्यघटनेला 75 वर्षे पूर्ण झाल्यानिमित्त आज लोकसभेत विशेष चर्चा होणार आहे. 12 वाजता संरक्षण मंत्री राजनाथ सिंह सुरुवात करतील. या चर्चेत वायनाडच्या खासदार प्रियांका गांधी संसदेत भाषण देऊ शकतात. 14 डिसेंबरला संध्याकाळी पंतप्रधान नरेंद्र मोदी या चर्चेला उत्तर देणार आहेत. सूत्रांनी दिलेल्या माहितीनुसार, या चर्चेत काँग्रेस खासदार राहुल गांधी यांच्याशिवाय प्रियंका, द्रमुक नेते टीआर बालू, तृणमूल खासदार कल्याण बॅनर्जी आणि महुआ मोइत्रा सहभागी होणार आहेत. भाजप आणि काँग्रेस या दोन्ही पक्षांनी आपल्या खासदारांच्या उपस्थितीसाठी व्हिप जारी केला आहे.
अमित शाह राज्यसभेत चर्चेला सुरुवात करतील
16 आणि 17 डिसेंबरला राज्यसभेत चर्चा होईल. याची सुरुवात गृहमंत्री अमित शहा करणार आहेत. 17 डिसेंबर रोजी पंतप्रधान नरेंद्र मोदी राज्यसभेत चर्चेला उत्तर देणार आहेत. काँग्रेस अध्यक्ष मल्लिकार्जुन खरगे हे विरोधकांच्या वतीने येथे भाषण करणार आहेत.
दोन्ही पक्षांनी बैठका घेतल्या, खासदारांना व्हीप जारी केला
दरम्यान, राज्यघटनेवर चर्चा करण्यासाठी भाजप आणि काँग्रेस या दोन्ही पक्षांनी गुरुवारी त्यांच्या वरिष्ठ नेत्यांची बैठक घेतली होती. दोन्ही पक्षांनी याबाबत व्हिपही जारी केला आहे. पंतप्रधान मोदींनी अमित शाह, राजनाथ सिंह आणि भाजप अध्यक्ष जेपी नड्डा यांची भेट घेतली. यापूर्वी शाह यांनी संसदेत त्यांच्या कार्यालयात पियुष गोयल, किरेन रिजिजू यांच्यासह वरिष्ठ मंत्र्यांची बैठक घेतली होती. त्याचवेळी काँग्रेस मुख्यालयात पक्षाचे अध्यक्ष मल्लिकार्जुन खरगे, राहुल गांधी, केसी वेणुगोपाल, जयराम रमेश आणि इतर वरिष्ठ नेत्यांची बैठक झाली होती.
इतर महत्वाच्या बातम्या
महत्त्वाच्या बातम्या
