PM Modi : पंतप्रधान मोदी जर्मनीहून यूएईसाठी रवाना, प्रेषित मोहम्मद यांच्यावरील वादानंतरचा दौरा महत्त्वाचा; नव्या राष्ट्रपतींची घेणार भेट
PM Modi UAE Visit : प्रधानमंत्री नरेंद्र मोदी जर्मनीहून (Germany) संयुक्त अरब अमिरातीसाठी (UAE) रवाना झाले आहेत. प्रेषित मोहम्मद यांच्यावरील वादानंतर पंतप्रधानांचा हा दौरा महत्त्वाचा मानला जात आहे.
PM Modi in UAE : प्रधानमंत्री नरेंद्र मोदी (PM Narendra Modi) जर्मनीहून (Germany) संयुक्त अरब अमिरातीसाठी (UAE) रवाना झाले आहेत. युएईमध्ये पंतप्रधान मोदी संयुक्त अरब अमिरातीचे माजी राष्ट्रपती शेख खलिफा बिन झायेद अल नाहयान यांच्या निधनाबद्दल वैयक्तिक शोक व्यक्त करतील. याशिवाय पंतप्रधान मोदी नवे राष्ट्रपती आणि अबुधाबीचे शासक म्हणून निवड झाल्याबद्दल पंतप्रधान मोदी शेख मोहम्मद बिन झायेद अल नाहयान यांची भेट घेऊन त्यांचं अभिनंदन करतील. त्यानंतर 28 जून रोजीच रात्री पंतप्रधान मोदी संयुक्त अरब अमिरातीहून भारतासाठी रवाना होतील.
माजी राष्ट्रपतींच्या निधनावर शोक व्यक्त करणार
माजी राष्ट्रपती शेख खलिफा बिन झायेद अल नाहयान यांचा13 मे रोजी मृत्यू झाला. 3 नोव्हेंबर 2004 रोजी त्यांनी संयुक्त अरब अमिरातीचे अध्यक्ष आणि अबू धाबीचे शासक म्हणून पदभार स्वीकारला होता. UAE आणि भारताचे संबंध चांगले आहेत. अशा स्थितीत या भेटीनंतर दोन्ही देशांमधील संबंध आणखी दृढ होणार असल्याचे स्पष्ट झाले आहे.
मोहम्मद पैगंबरांविषयी वादानंतर मोदींचा यूएई दौरा महत्त्वाचा
पंतप्रधान मोदी यांचा युएई दौरा महत्त्वाचा मानला जात आहे. इस्लाम धर्माचे संस्थापक प्रेषित मोहम्मद पैगंबर यांच्याबद्दल अपमानास्पद वक्तव्य केल्याप्रकरणी भाजपने प्रवक्त्या नुपूर शर्मा, दिल्ली भाजप नेते नवीन कुमार जिंदाल यांची पक्षातून हकालपट्टी केली. प्रेषित मोहम्मद पैगंबर यांच्याविषयी केलेल्या वक्तव्यानंतर बहारीन, कतार, कुवेत, इराण आणि ओमानसह अन्य आखाती देशांमध्ये भारताविरोधात संताप व्यक्त करण्यात आला होता. आखाती देशांसोबत भारताचे चांगले संबंध राहिले आहेत. अशा परिस्थितीत पंतप्रधानांच्या दौरा भारत आणि युएईमधील संबंध अधिक चांगले होण्यासाठी महत्त्वाचा आहे.
#WATCH | Prime Minister Narendra Modi departs for UAE after attending the G7 Summit in Germany
— ANI (@ANI) June 28, 2022
PM Modi will pay his condolences on the passing away of Sheikh Khalifa bin Zayed Al Nahyan, former UAE President & Abu Dhabi Ruler.
(Source: DD) pic.twitter.com/kn2HewB7Dy
पंतप्रधान मोदी G7 परिषदेत सहभागी
जर्मनीमध्ये G7 शिखर परिषदेत सहभागी होण्यासाठी पंतप्रधान मोदी जर्मनी दौऱ्यावर होते. परिषदेनंतर ते आता संयुक्त अमिरातीसाठी रवाना झाले आहेत.
महत्त्वाच्या इतर बातम्या
- G-7 Summit : पंतप्रधान मोदी जर्मनी आणि यूएई दौऱ्यावर, शिखर संमेलनात होणार सहभागी
- भाजप नेत्यांच्या बेताल वक्तव्याने कतार, बहरीनमध्ये संताप; जाणून घ्या आखाती देश भारतासाठी महत्त्वाचे का?
- G7 Summit: पंतप्रधान मोदींनी घेतली जो बायडन, जस्टिन ट्रुडो आणि इमॅन्युएल मॅक्रॉन यांची भेट, पाहा फोटो
Before You Go
Fadnavis Daughter X Post : सीजेपी आंदोलनावर मुख्यमंत्र्यांच्या कन्या दिविजा फडणवीसांची प्रतिक्रिया
महत्त्वाच्या बातम्या
