Petrol-Diesel Rates : रशिया-युक्रेन युद्ध आणि विधानसभा निवडणुकांच्या रणधुमाळीनंतरही पेट्रोल-डिझेलचे दर स्थिर, तुमच्या शहरातील किमती काय?

Petrol-Diesel Rates : भारतीय तेल कंपन्यांनी जारी केलेल्या आकडेवारीनुसार, देशात पेट्रोल-डिझेलच्या किमतींमध्ये कोणताही बदल झालेला नाही. 

Petrol-Diesel Rates

Petrol-Diesel Rates, Russia Ukraine War Updates : रशिया आणि युक्रेनमध्ये गेल्या एकोणवीस दिवसांपासून युद्ध सुरु आहे. आंतरराष्ट्रीय बाजारात कच्च्या तेलाच्या किमतींमध्ये घसरण झाल्याचं पाहायला मिळत आहे. पण याचा परिणाम देशातील पेट्रोल-डिझेलच्या किमतींवर झालेला नाही. गेल्या काही दिवसांपासून निवडणुकांनंतर देशात पेट्रोल-डिझेलच्या किमती वाढणार असल्याची शक्यता वर्तवण्यात येत होती. परंतु, विधानसभा निवडणुकांचे निकाल लागून चार दिवस उलटल्यानंतरही देशात पेट्रोल-डिझेलच्या किमती स्थिर आहेत. भारतीय तेल कंपन्यांनी जारी केलेल्या आकडेवारीनुसार, देशात पेट्रोल-डिझेलच्या किमतींमध्ये कोणताही बदल झालेला नाही. 

रशिया-युक्रेन युद्धामुळे गेल्या काही दिवसांपासून गगनाला भिडलेले कच्च्या तेलाचे दर आता काहीसे घसरले आहेत. आंतरराष्ट्रीय बाजारात कच्च्या तेलाचे दर 140 डॉलरवरुन  110 डॉलर प्रति बॅरलवर आले आहेत. रशियाने-युक्रेनवर हल्ला केल्यानंतर अमेरिकेसह  युरोपातील अनेक देशांनी रशियावर अनेक निर्बंध लादले आहेत. मात्र, या निर्बंधांची अंमलबजावणी झालेली नाही. 

तब्बल चार महिन्यांपासून देशात इंधन दर स्थिर 

गेल्या वर्षी 3 नोव्हेंबर 2021 रोजी केंद्र सरकारनं पेट्रोलवरील उत्पादन शुल्क प्रति लिटर 10 रुपये आणि डिझेलवरील (Petrol-Diesel) उत्पादन शुल्क 5 रुपयांनी कमी केलं होतं. त्यानंतर देशभरात पेट्रोल आणि डिझेलच्या दरात कोणतीही वाढ झालेली नाही. उत्तर प्रदेश, पंजाबसह 5 राज्यांतील विधानसभा निवडणुकांमुळे (5 State Assembly Election) दरात वाढ झाली नसल्याचं म्हटलं जात आहे. पेट्रोल आणि डिझेलच्या दरात वाढ होण्याची शक्यता असतानाच पेट्रोलियम मंत्री हरदीप पुरी यांनी 9 मार्च रोजी मोठं वक्तव्य केलं होतं. ते म्हणाले की, इंधन दर यूपीए (UPA) सरकारनं नियंत्रणमुक्त केलं होतं आणि जेव्हा इंधन दर नियंत्रणमुक्त केले जाता, त्यावेळी त्यात मालवाहतूक शुल्क देखील जोडलं जातं. 

महाराष्ट्रातील प्रमुख शहरांतील पेट्रोल-डिझेलचे आजचे दर काय? 

प्रमुख शहरं	पेट्रोलची किंमत प्रति लिटर	डिझेलची किंमत प्रति लिटर
मुंबई	109.98 रुपये प्रति लिटर	94.14 रुपये प्रति लिटर
ठाणे	110.12 रुपये प्रति लिटर	94.28  रुपये प्रति लिटर
109.72 रुपये प्रति लिटर	92.50 रुपये प्रति लिटर
नाशिक	109.79 रुपये प्रति लिटर	92.57 रुपये प्रति लिटर
नागपूर	110.10 रुपये प्रति लिटर	92.90 रुपये प्रति लिटर
कोल्हापूर	109.66 रुपये प्रति लिटर	92.48 रुपये प्रति लिटर
अहमदनगर	110.12  रुपये प्रति लिटर	92.90 रुपये प्रति लिटर
अमरावती	111.14 रुपये प्रति लिटर	93.90 रुपये प्रति लिटर

देशात चार महानगरांतील पेट्रोल-डिझेलचे दर काय? 

• दिल्लीत पेट्रोल 95.41 रुपये आणि डिझेल 86.67 रुपये प्रति लिटर
• मुंबईत पेट्रोल 109.98 रुपये आणि डिझेल 94.14 रुपये प्रति लिटर
• चेन्नईत पेट्रोल 101.40 रुपये आणि डिझेल 91.43 रुपये प्रति लिटर
• कोलकाता पेट्रोल 104.67 रुपये आणि डिझेल 89.79 रुपये प्रति लिटर

पेट्रोल आणि डिझेलचे दर (Petrol Diesel Price ) कुठे आणि कसे पाहाल?

इंडियन ऑईलचं  IndianOil ONE Mobile App  तुमच्या मोबाईलवर डाऊनलोड करुन तुम्ही तुमच्या जवळच्या इंडियन ऑईल पेट्रोल पंपावरील इंधनाचे दर जाणून घेऊ शकता.

इंडियन ऑईलच्या वेबसाईटवर https://iocl.com/Products/PetrolDieselPrices.aspx पेट्रोल डिझेलचे दर (Petrol Diesel Price) सोप्या पद्धतीने पाहता येतील.

पेट्रोल आणि डिझेलच्या किंमती ( Petrol Diesel Price ) एसएमएसद्वारे देखील कळू शकतात. इंडियन ऑईलच्या वेबसाईटने दिलेल्या माहितीनुसार, RSP आणि स्पेस देऊन आपल्या शहराचा कोड टाकून 92249992249 या क्रमांकावर एसएमएस करायचा आहे. हा कोड इंडियन ऑईलच्या वेबसाईटवर मिळेल. (शहरांचे कोड इंडियन ऑईलच्या वेबसाईटवर देण्यात आले आहेत).