Petrol-Diesel Price : दिलासा की, खिशाला कात्री? गाडीची टाकी फुल्ल करण्यासाठी किती रुपये मोजाल?
Petrol-Diesel Price Today : भारतीय तेल कंपन्यांकडून देशातील पेट्रोल-डिझेलच्या किमती जाहीर करण्यात आल्या आहेत. तुमच्या शहरांतील आजचे दर काय?
Petrol-Diesel Price Today 27th August 2022 : भारतीय तेल कंपन्यांनी आजचे पेट्रोल-डिझेलचे (Petrol-Diesel) दर जारी केले आहेत. आज तेल कंपन्यांकडून देशातील पेट्रोल-डिझेलच्या दरांत कोणतीही वाढ किंवा घट करण्यात आलेली नाही. एकीकडे देशात पेट्रोल-डिझेलचे दर स्थिर आहेत. तर, दुसरीकडे आंतरराष्ट्रीय बाजारात कच्च्या तेलाच्या दरांत सातत्यानं चढ-उतार पाहायला मिळत आहे. देशात सर्वात शेवटी 22 मे रोजी पेट्रोल-डिझेलच्या किमतींमध्ये बदल करण्यात आला होता.
मोदी सरकारनं 21 मे रोजी पेट्रोल (Petrol) -डिझेलच्या (Diesel) दरांवरील उत्पादन शुल्कात कपात केली होती. तेव्हापासून देशात पेट्रोल 9.50 रुपये आणि डिझेल 7 रुपये प्रति लिटरनं स्वस्त झालं असून मेघालय आणि महाराष्ट्र वगळता देशातील इतर सर्व राज्यांतील पेट्रोल-डिझेलचे दर स्थिर आहेत.
पेट्रोल-डिझेलच्या किमती मेघालय सरकारनं वाढवल्या तर महाराष्ट्र सरकारनं कमी केल्या
गुरुवारी मेघालय सरकारनं पेट्रोल-डिझेलच्या किमतींमध्ये तब्बल 1.5 रुपयांची वाढ केली होती. मेघालयच्या बिरनीहाटमध्ये पेट्रोलचे दर 95.1 रुपये प्रति लिटर आणि शिलाँगमध्ये 96.83 रुपयांवर पोहोचलं आहे. राज्याचे महसूल मंत्री जेम्स पीके संगमा यांनी शेजारच्या आसाम राज्यामध्ये तेलाच्या किमतीत वाढ झाल्याचा हवाला दिला. तर राज्यात सत्तापालट झाल्यानंतर नवनिर्वाचित शिंदे-फडणवीस सरकारनं 14 जुलै रोजी पेट्रोल आणि डिझेलच्या दरांमध्ये अनुक्रमे 5 रुपये आणि 3 रुपयांची कपात केली होती. तेव्हापासून राज्यातही पेट्रोल डिझेलचे दर स्थिर आहेत.
आजचे दर काय?
इंडियन ऑइल कॉर्पोरेशन (IOCL) च्या अधिकृत वेबसाइट iocl.com नं जारी केलेल्या दरांनुसार, आज देशातील पेट्रोल-डिझेलच्या किमतींमध्ये कोणतीही वाढ अथवा घट केलेली नाही. नव्या पेट्रोल-डिझेलच्या दरांनुसार, आजही देशातील पेट्रोल-डिझेलच्या किमती स्थिर आहेत. देशाची आर्थिक राजधानी असणाऱ्या मुंबईत पेट्रोल 106.31 रुपये प्रति लिटर आणि डिझेल 94.27 रुपये प्रति लिटर दरानं विकलं जात आहे. तर देशातील राजधानीचं शहर असणाऱ्या दिल्लीत पेट्रोल 96.72 रुपये प्रति लिटर आणि डिझेल 89.62 रुपये प्रति लिटर दरानं विकलं जात आहे.
महाराष्ट्रातील इतर शहरांतील पेट्रोल-डिझेलचे दर
| शहर | पेट्रोलच्या किमती | डिझेलच्या किमती |
| मुंबई | 106.25 | 94.22 |
| पुणे | 105 | 92 |
| नागपूर | 106.03 | 92.58 |
| नाशिक | 106.74 | 93.23 |
| हिंगोली | 107.29 | 93.80 |
| परभणी | 108.92 | 95.30 |
| धुळे | 106.05 | 92.58 |
| नांदेड | 108.24 | 94.71 |
| रायगड | 105.96 | 92.47 |
| अकोला | 106.05 | 92.55 |
| वर्धा | 106.56 | 93.10 |
| नंदुरबार | 106.99 | 93.45 |
| वाशिम | 106. 37 | 93.37 |
| चंद्रपूर | 106.14 | 92.70 |
| सांगली | 105.96 | 92.54 |
| जालना | 107.76 | 94.22 |
पेट्रोल आणि डिझेलचे दर (Petrol Diesel Price ) कुठे आणि कसे पाहाल?
इंडियन ऑईलचं IndianOil ONE Mobile App तुमच्या मोबाईलवर डाऊनलोड करुन तुम्ही तुमच्या जवळच्या इंडियन ऑईल पेट्रोल पंपावरील इंधनाचे दर जाणून घेऊ शकता.
इंडियन ऑईलच्या वेबसाईटवर https://iocl.com/Products/PetrolDieselPrices.aspx पेट्रोल डिझेलचे दर (Petrol Diesel Price) सोप्या पद्धतीने पाहता येतील.
पेट्रोल आणि डिझेलच्या किंमती ( Petrol Diesel Price ) एसएमएसद्वारे देखील कळू शकतात. इंडियन ऑईलच्या वेबसाईटने दिलेल्या माहितीनुसार, RSP आणि स्पेस देऊन आपल्या शहराचा कोड टाकून 92249992249 या क्रमांकावर एसएमएस करायचा आहे. हा कोड इंडियन ऑईलच्या वेबसाईटवर मिळेल. (शहरांचे कोड इंडियन ऑईलच्या वेबसाईटवर देण्यात आले आहेत).
महत्त्वाच्या बातम्या
ट्रेंडिंग न्यूज
