Pahalgam Terror Attack : काश्मिरी ड्रायव्हर आदिलनं ना धर्म पाहिला, ना जात पाहिली; त्यानं आपल्या 'मेहमान' मराठी कुटुंबासाठी फक्त माणूसकी पाहिली! संकटात घरी नेत पाहुणचार

आदिलने (Kashmiri Cab Driver Adil) कॅमेऱ्यासमोर आपली वेदना व्यक्त करत म्हटले की, 'एका व्यक्तीने चूक केली, पण त्याची शिक्षा सर्वांना भोगावी लागेल', त्याच्या या विधानावर सोशल मीडियात अनेक कमेंट येत आहेत.

Pahalgam Terror Attack Kashmiri Cab Driver Adil

Source : ABP Majha

Pahalgam Terror Attack : पहलगाम दहशतवादी हल्ल्याच्या (Pahalgam Terror Attack) जखमा या हल्ल्यात आपल्या प्रियजनांना गमावलेल्या कुटुंबांसाठी शतकानुशतके कायम राहतील. महाराष्ट्र, उत्तर प्रदेश, बिहार, तामिळनाडू, केरळ किंवा देशातील इतर कोणत्याही राज्यात बसलेला एक सामान्य नागरिक त्या 28 मृतांच्या कुटुंबियांना सध्या किती वेदना होत असतील याची कल्पनाही करू शकत नाही. या हल्ल्यानंतर सरकारने पाकिस्तानविरुद्ध कडक कारवाई केली आहे. पहलगाम हल्ल्यानंतर भारत सरकारने सिंधू पाणी करार थांबवला आहे आणि भारतातील पाकिस्तान उच्चायुक्तालय बंद करण्याचे आदेश दिले आहेत, जे एका आठवड्यात रिकामे करावे लागेल. पाकिस्तानी राजदूतांना उच्चायुक्तालयातून परत पाठवले जाईल. याशिवाय पाकिस्तानी नागरिकांनाही व्हिसा मिळणार नाही आणि अटारी-वाघा सीमा देखील बंद करण्यात आली आहे.

'एका व्यक्तीने चूक केली, पण त्याची शिक्षा सर्वांना भोगावी लागेल'

पण काश्मीरमधील पहलगाममधील हा दहशतवादी हल्ला प्रत्येक सामान्य काश्मिरी व्यक्तीवर प्रश्न उपस्थित करत आहे जो कदाचित त्यात सहभागी नसेल. अशा परिस्थितीत, महाराष्ट्रातील नाशिकमधील एका मराठी कुटुंबाचे प्राण वाचवणाऱ्या काश्मिरी ड्रायव्हर आदिलने (Kashmiri Cab Driver Adil) कॅमेऱ्यासमोर आपली वेदना व्यक्त करताना म्हटले की, 'एका व्यक्तीने चूक केली, पण त्याची शिक्षा सर्वांना भोगावी लागेल', त्याच्या या विधानावर सोशल मीडियावर अनेक कमेंट येत आहेत.

आदिल कश्मीर में ही कैब चालता है, जब पहलगाम में आतंकी हमला हुआ तो आदिल ने महाराष्ट्र की एक फैमिली को बचाकर अपने घर ले गया।
आदिल ने उन्हें खाना खिलाया और पूरी सुरक्षा दी, आदिल ने कहा कि "गलती एक ने की, सजा पूरा कश्मीर भुगतेगा। हम इसका सपोर्ट नहीं करते। ये पूरी इंसानियत का कत्ल है।" pic.twitter.com/yK5vJbWZlV

— Roshan Lal Saini (@roshan_saini04) April 24, 2025

सर्वांना किंमत मोजावी लागेल!

या व्हिडिओमध्ये, महाराष्ट्रातील नाशिकहून पर्यटनासाठी गेलेल्या मराठी कुटुंबाने सांगितले आहे की, काश्मिरी ड्रायव्हरने त्यांना केवळ त्याच्या घरात जागा दिली नाही तर त्यांना जेवणही दिले आणि त्यांची सुरक्षितताही सुनिश्चित केली. या काश्मिरी ड्रायव्हरचे नाव आदिल आहे. आदिल व्हिडिओमध्ये पुढे स्पष्ट करतो की या हल्ल्याचा परिणाम संपूर्ण जम्मू आणि काश्मीरच्या अर्थव्यवस्थेवर होईल, याचा परिणाम रस्त्यावरील विक्रेत्यांपासून ते हॉटेल मालकांपर्यंत सर्वांच्या व्यवसायांवर होईल.

इथे जे काही घडले तो मानवतेचा खून 

तो पुढे म्हणतो की 'एका व्यक्तीने चूक केली पण सर्वांना शिक्षा भोगावी लागेल', आम्ही अशा गोष्टींचे समर्थन करत नाही, इथे जे काही घडले तो मानवतेचा खून आहे. ड्रायव्हर पुढे म्हणतो की या हल्ल्यामुळे काश्मीरची बदनामी होईल आणि त्याचा आमच्या कामावर परिणाम होईल, आमची अर्थव्यवस्था उद्ध्वस्त होईल, आमचे काम उद्ध्वस्त होईल. आता आपण तोंड कसे दाखवणार? कॅमेऱ्यासमोर हे सर्व सांगत असताना, तो काश्मिरी माणूस खूप दुःखी दिसतो. काश्मीरच्या जीडीपीमध्ये म्हणजेच त्यांच्या अर्थव्यवस्थेत पर्यटनाची मोठी भूमिका आहे. पण पाकिस्तान पुरस्कृत दहशतवादामुळे, या दहशतवादात कधीही सहभागी न झालेला सामान्य काश्मिरी देखील आपली रोजची भाकर गमावेल, अशी भीती आहे. 

हेदेखील वाचा

पहलगामला कोणतीच सुरक्षा नव्हती, दोन-तीन चॉपरनं जाऊन माणसांना वाचवायला हवं होतं; मोने कुटुंबीयांनी सांगितली हादरवणारी कहाणी

कपाळावरच्या टिकल्या काढून फेकल्या..., महिलांनी मोठ्या मोठ्याने अजान म्हटलं, तरी गोळ्या घातल्या, कौस्तुभ गणबोटेंच्या पत्नीने सांगतली जीव वाचवण्यासाठी केलेली धडपड