Mohan Bhagawat : मोहन भागवतांचे ज्ञानवापीबाबत मोठे वक्तव्य, 'प्रत्येक मशिदीत शिवलिंग का पाहता?'

Mohan Bhagawat : ज्ञानवापीचा मुद्दा आहे. तो इतिहास आपण रचलेला नाही. ना आज स्वत:ला हिंदू म्हणवणाऱ्यांनी, ना आजच्या मुस्लिमांनी. ते त्यावेळी घडले - मोहन भागवत

Mohan Bhagawat

Mohan Bhagawat : ज्ञानवापीचा (Gyanvapi Mosque) इतिहास आहे जो आपण बदलू शकत नाही. प्रत्योक मशिदीत शिवलिंग का पाहावे? भांडण का वाढवायचे? ज्ञानवापी मशिदीवरून (Gyanvapi Mosgue) सुरू असलेल्या वादाच्या पार्श्वभूमीवर, राष्ट्रीय स्वयंसेवक संघ (RSS) सरसंघचालक मोहन भागवत यांनी मोठे वक्तव्य केले आहे. आरएसएसच्या तृतीय वर्ष संघ शिक्षा वर्गाच्या समारोप समारंभात ते बोलत होते. आणखी काय म्हणाले भागवत?

आजच्या मुस्लिमांचे पूर्वजही हिंदूच होते - मोहन भागवत

ज्ञानवापीचा मुद्दा आहे. तो इतिहास आपण रचलेला नाही. ना आज स्वत:ला हिंदू म्हणवणाऱ्यांनी, ना आजच्या मुस्लिमांनी. ते त्यावेळी घडले. इस्लाम बाहेरून आला, आक्रमकांच्या हाती आला. त्या हल्ल्यात भारताचे स्वातंत्र्य हव्या असलेल्या लोकांचे मनोधैर्य खचण्यासाठी मंदिरे तोडली गेली, ते पुढे म्हणाले, हिंदू मुस्लिमांच्या विरोधात विचार करत नाही. आजच्या मुस्लिमांचे पूर्वजही हिंदूच होते. आम्ही 9 नोव्हेंबरला सांगितले की रामजन्मभूमी आंदोलन आहे, त्यात आम्ही सहभागी झालो. ते काम आम्ही पूर्ण केले. आता आपल्याला आंदोलन करण्याची गरज नाही. हिंदू कोणाच्या विरोधात नाही. मुस्लिमांनी विरुद्ध मानू नये, हिंदूंनीही मानू नये. असा काही मुद्दा असेल तर एकत्र बसून सहमतीने मार्ग काढा.

#WATCH | "...We shouldn't bring out a new matter daily. Why should we escalate dispute? We have devotion towards #Gyanvapi and we are doing something as per that, it is alright. But why look for a Shivling in every masjid?..." says RSS chief as he speaks on Gyanvapi mosque issue. pic.twitter.com/eYLmaEEQY4

— ANI (@ANI) June 2, 2022

प्रत्येक मशिदीत शिवलिंग का दिसते? 

ते पुढे म्हणाले, "रोज एक एक मुद्दा काढणे योग्य नाही. ज्ञानवापीबद्दल श्रद्धा आहेत, परंपरा आहेत. ठीक आहे... पण प्रत्येक मशिदीत शिवलिंग का पाहावे? ती सुद्धा पूजाच आहे..पण ज्यांनी ते स्वीकारले आहे, ते मुस्लिम बाहेरचे नाहीत. आमचा इथल्या कोणत्याही पूजेला विरोध नाही. प्रत्येकामध्ये पवित्रतेची भावना असते. भागवत म्हणाले की, भारत मातेला जगात विजयी करायचं आहे, त्यासाठी आपल्याला सर्वांना एकत्र यायचे आहे, ते म्हणाले, "आम्हाला कोणावरही विजय मिळवायचा नाही, पण जगात असे वाईट लोक आहेत ज्यांना आम्हाला जिंकायचे आहे." ते म्हणाले, “आपापसात भांडण होऊ नये. एकमेकांवर प्रेम हवे. विविधतेकडे वेगळेपणा म्हणून पाहिले जाऊ नये. आपण एकमेकांच्या दु:खात सहभागी झालो पाहिजे." ते म्हणाले की, विविधता ही एकतेची शोभा आहे, विभक्तीची नाही.

रशिया-युक्रेन युद्ध
रशिया-युक्रेन युद्धाचा संदर्भ देत आरएसएस प्रमुख म्हणाले, “सत्ता ही दंगलीचे कारण बनते. आपण पाहतो की लढा चालू आहे. रशियाने युक्रेनवर हल्ला केला आहे. पण युक्रेनमध्ये जाऊन रशियाला कोणीही रोखू शकत नाही, कारण रशियाची ताकद आहे.

भारताने संतुलित भूमिका स्वीकारली

भारताच्या भूमिकेवर बोलताना भागवत म्हणाले, भारताने संतुलित भूमिका स्वीकारली आहे. रशियाला विरोधही केला नाही आणि लढ्याला पाठिंबा दिला नाही.” ते म्हणाले, "जर भारत पुरेसा बलवान असता, तर त्याने युद्ध थांबवले असते, पण भारत अद्याप युद्ध थांबवण्याइतका शक्तिशाली नाही. परंतु हळूहळू भारताची ताकद आता वाढत आहे.

संबंधित बातम्या