Karnataka Election Results 2023 : माजी मुख्यमंत्र्यांची दोन्ही मुलं एकमेकांविरोधात उभे; एक काँग्रेसचा, दुसरा भाजपचा उमेदवार, कोण जिंकणार?

Karnataka Election Results 2023 : कर्नाटकचे माजी मुख्यमंत्री एस. बंगारप्पा (दिवंगत) यांचा एक मुलगा मधु बंगारप्पा यांना काँग्रेसकडून तर दुसरा मुलगा कुमार बंगारप्पा यांना भाजपकडून उमेदवारी मिळाली आहे.

Madhu Bangarapppa And Kumar Bangarappa

Karnataka Election Results 2023 : कर्नाटक विधानसभा निवडणुकीचे निकाल आज (13 मे) जाहीर होत आहेत. दुपारी 1 वाजेपर्यंतच्या कलांमध्ये काँग्रेसला (Congress) स्पष्ट बहुमत मिळालं आहे. कर्नाटकातील विधानसभेच्या (Karnataka Assembly Elections 2023) एकूण 224 जागांपैकी काँग्रेसला 130 पेक्षा जास्त जागा मिळताना दिसत आहेत, तर बहुमतासाठी 113 जागांची गरज आहे. या निवडणुकीत अनेक धक्कादायक निकाल पाहायला मिळाले तसंच काही रंजक लढतीही पाहायला मिळाल्या. कर्नाटकचे माजी मुख्यमंत्री एस बंगारप्पा यांच्या दोन मुलांनी या निवडणुकीत नशीब आजमावले आहे. विशेष म्हणजे दोघे सख्खे एकमेकांच्या विरोधात उभे आहे. एक जण काँग्रेसच्या तर दुसरा भाजपच्या (BJP) तिकीटावर निवडणूक लढत आहे. त्यामुळे या निवडणुकीत कोणाचा विजय होणार, याची उत्सुकता लागली आहे.

कर्नाटकचे माजी मुख्यमंत्री एस. बंगारप्पा (दिवंगत) यांचा एक मुलगा मधु बंगारप्पा (Madhu Bangarappa) यांना काँग्रेसकडून तर दुसरा मुलगा कुमार बंगारप्पा यांना भाजपकडून उमेदवारी मिळाली आहे. शिमोग्गा जिल्‍ह्यातील सोराब विधानसभा मतदारसंघ हा कर्नाटक निवडणूक 2023 मधील सर्वाधिक चर्चेत असलेला मतदारसंघ आहे. इथे प्रमुख लढत आहे कुमार बंगारप्पा आणि मधु बंगारप्पा या दोन सख्ख्या भावांमध्ये. हे दोघेही कर्नाटकचे माजी मुख्यमंत्री दिवंगत एस. बंगारप्पा यांचे पुत्र आहेत. निवडणूक निकालांच्या कलांमध्ये मधु बंगारप्पा आघाडीवर आहेत, तर कुमार बंगारप्पा पिछाडीवर आहेत.

2004 पासून दोन्ही भाऊ एकमेकांच्या विरोधात निवडणुकीच्या रिंगणात

2018 च्या विधानसभा निवडणुकीत या मतदारसंघात कुमार बंगारप्पा यांनी मधु बंगारप्पा यांचा 3,286 मतांनी पराभव केला होता. कुमार यांनी 2018 च्या निवडणुकीपूर्वी काँग्रेस सोडली आणि भाजपमध्ये प्रवेश केला, तर सोराबचे तत्कालीन आमदार मधु जेडीएसकडून पुन्हा निवडणुकीच्या रिंगणात होते. परंतु त्यावेळी त्यांचा पराभव झाला होता. यानंतर मधू बंगारप्पा यांनी 2021 मध्ये काँग्रेसमध्ये प्रवेश केला. विशेष म्हणजे हे दोघे भाऊ 2004 पासून एकमेकांच्या विरोधात निवडणूक लढवत आहेत आणि तेव्हा त्यांचे वडील एस बंगारप्पा देखील हयात होते.

काँग्रेस कार्यकर्त्यांचा जल्लोष 

कर्नाटक विधानसभा निवडणुकीच्या निकालात काँग्रेसने बहुमताचा आकडा पार केला आहे. त्यामुळे काँग्रेस कार्यकर्त्यांमध्ये जल्लोष सुरु केला आहे. देशात अनेक ठिकाणी काँग्रेस कार्यकर्त्यांनी गुलाल उधळून, फुलांचा वर्षाव करुन आणि ढोल ताशांच्या गजरात विजयाचा आनंद साजरा करण्यास सुरुवात केली आहे. 

#WATCH पश्चिम बंगाल: कर्नाटक विधानसभा चुनाव के नतीजों के रुझानों में कांग्रेस बहुमत का आंकड़ा पार कर चुकी है। कांग्रेस कार्यकर्ता सिलीगुड़ी में जश्न मना रहे हैं। pic.twitter.com/zBnf3u7Wc7

— ANI_HindiNews (@AHindinews) May 13, 2023