Kinnaur Landslide : हिमाचलमध्ये प्रवाशांनी भरलेल्या बसवर दरड कोसळली, दरडीखाली 30 जण अडकल्याची शक्यता
हिमाचल प्रदेश किन्नौर जिल्ह्यातील महामार्गावर दरड कोसळल्याने मोठा अपघात झाला आहे. या अपघातात दरडीखाली प्रवासी बस आणि काही लहान वाहने ढिगाऱ्याखाली अडकली आहेत
शिमला : हिमाचल प्रदेशच्या किन्नौर जिल्ह्यात आपल्याकडे झालेल्या तळीये दुर्घटनेची पुनरावृत्ती झाली आहे. किन्नौर जिल्ह्यातील महामार्गावर दरड कोसळल्याने मोठा अपघात झाला आहे. या अपघातात दरडीखाली प्रवासी बस आणि काही लहान वाहने ढिगाऱ्याखाली अडकली. या दरड दुर्घटनेत मोठी जीवितहानी झाल्याची शक्यता आहे.
दुपारी पावणे एकच्या सुमारास ही दुर्घटना घडल्याचं कळतंय. बचावकार्य सुरू असून एक मृतदेह हाती लागला आहे. घटनास्थळी मोठे दगड कोसळत असल्याने बचावकार्यात अडथळा येत आहे. प्रवासी बस मधील 25-30 प्रवासी अद्याप बेपत्ता आहे. त्यातील सहा जणांना वाचवण्यात यश आले आहे.
मुख्यमंत्री जयराम ठाकुर यांनी घेतली अपघाताची माहिती
किन्नोर येथे झालेल्या अपघातानंतर मुख्यमंत्री जयराम ठाकुर यांनी प्रशासकीय अधिकाऱ्यांना बचाव कार्य वेगाने करण्याच्या सूचना दिल्या आहे. मुख्यमंत्री जयराम ठाकुर म्हणाले, "मी पोलिसांना आणि स्थानिक प्रशासनाला बचाव कार्य वेगाने करण्याचे आदेश दिले आहेत. एनडीआरएफ ला देखील अलर्ट दिला आहे. एक प्रवासी बस आणि कार अडकल्याची माहिती मिळाली आहे. या बद्दलची सविस्तर माहिती अद्याप मिळालेली नाही. किन्नोर येथे झालेल्या अपघातानंतर गृहमंत्री अमित शहा यांनी मुख्यमंत्र्यांनी फोन करून अपघाताची माहिती घेतली. तसेच घटनास्थली लवकरात लवकर सुविधा पोहचवण्याचे आदेश दिले आहे.
एनडीआरएफ आणि आरोग्य विभागाला अलर्ट
मिळालेल्या माहितीनुसार बसमध्ये किती प्रवासी आहेत हे सरकारकडून जाणून घेण्याचा प्रयत्न केला आहे. त्यामुळे ज्या स्थानकावरून बस निघाली त्या ठिकाणावरून बसमधील प्रवाशांची यादी मागवण्यात आली आहे. एनडीआरएफ आणि आरोग्य विभागाला अलर्ट देण्यात आला आहे.
बचावकार्यात अडथळे
कमिशनर आबिद हुसैन सादिक म्हणाले, घटनास्थळी बचावकार्य वेगाने सुरू आहे. परंतु अजूनही दगड कोसळत असल्याने बचावकार्यात अडथळे येत आहे. अद्याप घटनेची सविस्तर माहिती पुढे आलेली नाही. स्थानिक प्रशासन आणि पोलिस वेगाने काम करत आहे
महत्त्वाच्या बातम्या
