भाविकांच्या मिनी बसवर काळाचा घाला; 12 ठार 5 जखमी, अलकनंदा नदीत कोसळल्याने भीषण अपघात
अपघाताच्या घटनेची माहिती मिळताच, पोलीस अधीक्षक डॉ. विशाखा भदाणे यांनी घटनास्थळी धाव घेतली.
Badrinath Accident: उत्तराखंडच्य बद्रीनाथ महामार्गावर भीषण अपघाताची (Accident) घटना घडली आहे. या मार्गावरुन वेगाने जात असलेल्या मिनी बस ट्रॅव्हरलच्या चालकाचे वाहनावरील नियंत्रण सुटल्याने ते वाहन थेट अलकनंदा नदीत पडले. या बसमधून प्रवास करणाऱ्या प्रवाशांपैकी 12 जणांचा मृत्यू झाल्याची प्राथमिक माहिती आहे. रुद्रप्रयाग शहरापासून 5 किमी अंतरावर बद्रीनाथ महामार्गावरील रेंतोली जवळ ही दुर्घटना घडली असून स्थानिक नागरिक व प्रशासनाने घटनास्थळी धाव घेतली असून नदीत पडलेला टेम्पो बाहेर काढण्याचं काम सुरू आहे.
अपघाताच्या घटनेची माहिती मिळताच, पोलीस अधीक्षक डॉ. विशाखा भदाणे यांनी घटनास्थळी धाव घेतली. दरम्यान, बचाव पथकाला पाचारण करण्यात आले असून मिनी बससह अपघातील जखमींना पाण्यातून बाहेर काढण्यात आले आहे. जखमींना तात्काळ जवळील रुग्णालयात उपचारासाठी पाठवण्यात आलं आहे. मात्र, या दुर्घटनेत 12 जणांचा मृत्यू झाल्याची माहिती असून 5 जण जखमीआहेत. अद्याप मदतकार्य सुरू आहे.
VIDEO | Uttarakhand: Around eight people lost their lives after a tempo, they were travelling in, fell into a gorge on Rishikesh-Badrinath national highway. More details are awaited.
— Press Trust of India (@PTI_News) June 15, 2024
(Full video available on PTI Videos - https://t.co/n147TvqRQz) pic.twitter.com/DrcaPhTfBX
दरम्यान, देशाचे रस्ते वाहतूक व दळणवळणमंत्री नितीन गडकरी यांनी ट्विट करुन अपघाताबद्दल शोक व्यक्त केला आहे. रुद्रप्रयाग येथील दुर्घनटेची बातमी अत्यंत दु:खद आणि दुर्भाग्यपूर्ण आहे. शोकाकुल कुटुंबीयांसोबत माझ्या सहवेदना आहेत. जखमींच्या लवकर बरे होण्यासाठी मी प्रार्थना करतो, असेही गडकरी यांनी ट्विटमध्ये म्हटलं आहे.
उत्तराखंड के रुद्रप्रयाग में हुए सड़क हादसे में कई लोगों के हताहत होने का समाचार अत्यंत दु:खद और दुर्भाग्यपूर्ण है। शोकाकुल परिवारों के साथ मेरी संवेदनाएं हैं। घायलों के शीघ्र स्वस्थ होने की प्रार्थना करता हूं।
— Nitin Gadkari (@nitin_gadkari) June 15, 2024
हेही वाचा
महत्त्वाच्या बातम्या
