आनंद महिंद्रांकडून कॉर्पोरेट बोर्डरुममध्ये प्लास्टिकबंदी, ट्विटरवरील सल्ला अंमलात

'बोर्डरुममध्ये प्लास्टिकच्या बाटल्यांऐवजी स्टीलच्या बाटल्या असाव्यात, असं ट्वीट एका महिलेने आनंद महिंद्रा यांना उद्देशून केलं. त्यानंतर महिंद्रांनी कॉर्पोरेट बोर्डरुममध्ये प्लास्टिकबंदी करण्याचा निर्णय घेतला.

मुंबई : प्रसिद्ध उद्योजक आणि 'महिंद्रा ग्रुप'चे अध्यक्ष आनंद महिंद्रा यांनी आपल्या कॉर्पोरेट बोर्डरुममधून प्लास्टिक बाटल्या हद्दपार करण्याचा निर्णय घेतला आहे. महिंद्रा यांना ट्वीट करुन एका महिलेने नोंदवलेला आक्षेप या प्लास्टिकबंदीला निमित्त ठरला. 'दरवर्षी के. सी. एम. ई. टी शिष्यवृत्ती निवड हा माझ्यासाठी सर्वात उत्साहवर्धक कार्यक्रम असतो. या तरुणांची अफाट बुद्धिमत्ता आणि आत्मविश्वास हे अविश्वसनीय आहेत. या तरुणांच्या आशावादी दृष्टीकोनामुळे भविष्याबद्दलच्या सर्व चिंता दूर सारल्या गेल्या आहेत.' अशा आशयाचं ट्वीट शेअर करताना महिंद्रा यांनी दोन फोटोही सोबत जोडले होते.

The K.C.M.E.T scholarship selections are amongst the most energising engagements in my calendar. The incredible intelligence & self-belief displayed by these youngsters is staggering.All concerns about the future are shoved aside by the optimism these young people inspire pic.twitter.com/WYUd2IHwwU

— anand mahindra (@anandmahindra) July 16, 2019

आनंद महिंद्रा यांच्या ट्वीटला उत्तर देताना एका महिलेने प्लास्टिकच्या बाटल्यांबद्दल नाराजी दर्शवली. 'बोर्डरुममध्ये प्लास्टिकच्या बाटल्यांऐवजी स्टीलच्या बाटल्या असाव्यात, असं मला वाटतं. माझं फक्त एक निरीक्षण आहे सर' असं ट्वीट मीताली यांनी केलं.

I think the board room should have Steel Bottle instead of Plastic bottle.. Just an observation sir 😊

— Mitali (@filmibaaz) July 16, 2019

महिंद्रा यांनी या ट्वीटला तात्काळ उत्तरही दिलं. 'प्लास्टिकच्या बाटल्यांवर लगेच बंदी घालण्यात येईल. त्या दिवशी आम्हालाही ते बघून लाज वाटली होती' असं आनंद महिंद्रा म्हणाले.

Yes, plastic bottles will be banished. We were all embarrassed to see them that day... https://t.co/RwZA4tWoRE

— anand mahindra (@anandmahindra) July 16, 2019

यापूर्वीही महिंद्रा यांनी प्लास्टिकच्या बाटल्यांच्या वापराबाबत व्हिडिओ शेअर केला होता. दरवाजा बंद करण्यासाठी प्लास्टिकच्या बाटलीचा वापर केल्याच्या 'देसी जुगाडा'चं त्यांनी कौतुक केलं होतं.

My #whatsappwonderbox is filled with examples of modest, but out-of-the-box thinking applied to everyday problems. This person spent just ₹2 to rig this door closure versus ₹1500 for a hydraulic one! How do we channel this creativity so that we move from Jugaad to Jhakaas! pic.twitter.com/azla5WoyjI

— anand mahindra (@anandmahindra) June 27, 2019

An image in my #whatsappwonderbox that was meant to praise Indian jugaad skills but actually sums up a crisis we face.We’re clever about how we use resources efficiently but we’re denied access to abundant supply. If we don’t wake up & act soon, this is how all of us will shower pic.twitter.com/Uuio3X5SlP

— anand mahindra (@anandmahindra) July 12, 2019