अग्निपथ योजनेंतर्गत वायुदलात हवाई दलात भरती प्रक्रिया सुरू, आतापर्यंत अनेक विद्यार्थ्यांनी केली नोंदणी

IAF Recruitment 2022:  अग्निपथ योजनेंतर्गत भारतीय हवाई दलात अग्निवीर-वायू बनण्यासाठी पहिल्याच दिवशी सुमारे 3800 अर्जदारांनी ऑनलाइन नोंदणी केली आहे.

Agnipath scheme

IAF Recruitment 2022:  अग्निपथ योजनेंतर्गत भारतीय हवाई दलात अग्निवीर-वायू बनण्यासाठी पहिल्याच दिवशी सुमारे 3800 अर्जदारांनी ऑनलाइन नोंदणी केली आहे. रात्री 12 वाजेपर्यंत हा आकडा 7500 पर्यंत पोहोचू शकेल, अशी हवाई दलाची अपेक्षा आहे. भारतीय वायुसेनेच्या (IAF) अग्निवीरांची नोंदणी आजपासून सुरू झाली आहे. ऑनलाइन नोंदणीसाठी, वायुसेनेने त्यांच्या CASB वर म्हणजेच अग्निपथ-वायू नावाच्या केंद्रीय वायुसेना निवड मंडळाच्या वेबसाइटवर एक वेगळी विंडो तयार केली आहे. या विंडोला भेट देऊन, उमेदवार अग्निवीर होण्यासाठी ऑनलाइन अर्ज करू शकतात.

24 जून ते 5 जुलै या कालावधीत देशातील तरुण अग्निवीर होण्यासाठी या वेबसाइटवर नोंदणी करू शकतात. हवाई दलाचा दावा आहे की, या वर्षाच्या अखेरीस म्हणजेच 30 डिसेंबर 2022 पर्यंत अग्निवीर-वायूची पहिली तुकडी आपले प्रशिक्षण सुरू करेल. अग्निपथ विंडोमध्येच अधिसूचना अपलोड करण्यात आली आहे. ज्यामध्ये उमेदवारांसाठी पात्रता, नियम आणि कायदे आणि सुविधांसह सर्व माहिती आहे. याशिवाय देशाला मिळालेल्या शौर्य पदकाचीही माहिती देण्यात आली आहे.

तत्पूर्वी लष्करी व्यवहार विभागाने म्हणजेच डीएमएने आधीच स्पष्ट केले आहे की, आर्मी, एअरफोर्स आणि नेव्हीमध्ये अग्निवीरांची भरती प्रक्रिया आजवर नियमित सैनिकांसाठी होती तशीच असेल.

एअर फोर्स इंडक्शन टाइम लाइन:

पहिला टप्पा 

• 24 जून ते 5 जुलै या कालावधीत वायु अग्निवीरांची नोंदणी सुरू झाली
• 24 ते 31 जुलै - ऑनलाइन स्टार परीक्षा (250 सेटवर)
• 10 ऑगस्ट - फेज II साठी कॉल लेटर

दुसरा टप्पा 

• 1 डिसेंबर 2022 - तात्पुरती निवड यादी
• 11 डिसेंबर 2022 - नावनोंदणी यादी आणि कॉल लेटर
• 22-29 डिसेंबर 2022-नोंदणी कालावधी

30 डिसेंबर 2022 - कोर्स सुरू

अर्जदारांना 1 जुलैपासून लष्कर आणि नौदलासाठी ऑनलाइन नोंदणीही करता येणार आहे. 1 जुलै रोजी, सैन्याची विविध भरती कार्यालये अग्निवीरांच्या भरती मेळाव्याची तारीख देखील जाहीर करतील. ऑगस्ट महिन्यापासून देशाच्या विविध भागात या भरती मेळाव्याचे आयोजन करण्यात येणार आहे. डिसेंबर महिन्यापर्यंत लष्कराच्या अग्निवीरांची पहिली तुकडी प्रशिक्षणासाठी पूर्णपणे तयार होईल आणि पुढील म्हणजे 23 जुलै 2023 पर्यंत, या तुकड्या प्रशिक्षण पूर्ण केल्यानंतर त्यांच्या संबंधित युनिटमध्ये अहवाल देण्यास सक्षम होतील. नौदलाचा दावा आहे की 21 नोव्हेंबरपर्यंत अग्निवीरांची पहिली तुकडी प्रशिक्षणासाठी ओडिशातील INS चिल्का नौदल तळावर दाखल होईल.