Ahmedabad serial blast : 5 दोषी यूपीच्या आझमगडचे, मास्टरमाइंड अबू बशर शेखचाही समावेश
अहमदाबाद सीरियल बॉम्बस्फोट प्रकरणी विशेष न्यायालयाने मोठा निकाल दिला.
Ahmedabad serial blast: अहमदाबाद सीरियल बॉम्बस्फोट प्रकरणी विशेष न्यायालयाने मोठा निकाल दिला. निकाल देताना न्यायालयाने 49 पैकी 38 दोषींना फाशीची शिक्षा सुनावली आहे. त्याच वेळी, अन्य 11 दोषींना जन्मठेपेची शिक्षा सुनावण्यात आली आहे. अहमदाबाद साखळी बॉम्बस्फोट प्रकरणात दोषी ठरलेल्या 49 पैकी सात यूपीचे आहेत.
यूपीमधील आझमगडमधील पाच दोषी
शिक्षा सुनावण्यात आलेल्या आरोपींपैकी पाच जण उत्तर प्रदेशातील पूर्व जिल्ह्यातील आझमगड येथील रहिवासी आहेत. या पाच नावांमध्ये दहशतवादी मास्टरमाइंड अबू बशर शेख याच्या नावाचाही समावेश आहे. दहशतवादी नेता अबू बशर शेख व्यतिरिक्त, आझमगढच्या इतर दोषींमध्ये मोहम्मद आरिफ मिर्झा, मोहम्मद सैफ शेख, झिशान अहमद आणि सैफ-उर-रहमान अन्सारी यांचा समावेश आहे.
'दहशतवादी केंद्र'
उत्तर प्रदेशातील इतर जिल्ह्यातील तीन लोकांमध्ये मेरठचा झिया-उर-रहमान, बुलंदशहरचा मोहम्मद शकील लुहार आणि बिजनौरचा तन्वीर पठाण यांचा समावेश आहे. मात्र, आझमगडमधील तीन रहिवासी मोहम्मद हबीब फलाही, मोहम्मद साकीब आणि मोहम्मद झाकीर यांची निर्दोष मुक्तता करण्यात आली. 2008 च्या बाटला हाऊस एन्काउंटर आणि गुजरात बॉम्बस्फोटानंतर मुस्लिमबहुल सराय मीर परिसराला 'दहशतवादी केंद्र' म्हटले जात होते. अबू बशर शेख हा आझमगडमधील या भागातील आहे.
38 जणांना फाशीची शिक्षा
(यूएपीए) आणि आयपीसीच्या कलम 302 अंतर्गत न्यायालयाने शुक्रवारी 49 पैकी 38 दोषींना फाशीची शिक्षा सुनावली. अन्य अकरा जणांना जन्मठेपेची शिक्षा सुनावण्यात आली.
70 मिनिटांत 21 बॉम्बस्फोट
26 जुलै 2008 रोजी अहमदाबादमध्ये संध्याकाळी 6.45 वाजता पहिला बॉम्बस्फोट झाला. मणिनगरमध्ये हा स्फोट झाला. मणिनगर हा तत्कालीन मुख्यमंत्री नरेंद्र मोदी यांचा मतदारसंघ होता. यानंतर 70 मिनिटं आणखी 20 बॉम्बस्फोट झाले. या स्फोटांमध्ये 56 जणांचा मृत्यू झाला असून 200 हून अधिक लोक जखमी झाले आहेत. 2002 मधील गोध्रा घटनेचा बदला घेण्यासाठी इंडियन मुजाहिद्दीनने हे बॉम्बस्फोट घडवून आणले होते.
दहशतवाद्यांनी टिफिनमध्ये बॉम्ब टाकून तो सायकलवर ठेवला होता. हे स्फोट गर्दीच्या आणि बाजारपेठेत झाले. इंडियन मुजाहिदीन (IM) आणि स्टुडंट्स इस्लामिक मूव्हमेंट ऑफ इंडिया (SIMI) यांच्याशी संबंधित दहशतवाद्यांचा या स्फोटांमध्ये सहभाग होता. स्फोटांच्या 5 मिनिटांपूर्वी दहशतवाद्यांनी वृत्तसंस्थांना एक मेलही पाठवला होता. ज्यामध्ये 'तुम्हाला जे हवे ते करा, थांबवता येत असेल तर थांबवा." असं लिहिलं होतं.
Before You Go
Maharashtra Weather Rain Updates: पावसाचं पॅटर्न बदललं? जुलैमध्ये धो धो कोसळला, ऑगस्टमध्ये गायब; पुढे काय, हवामान विभागाची A टू Z माहिती
महत्त्वाच्या बातम्या
