Gangubai Kathaiwadi : 'गंगूबाई काठियावाडी' सिनेमाच्या यशात अमूलही सहभागी, शेअर केले व्यंगचित्र

Gangubai Kathaiwadi : आलिया भट्टचा 'गंगूबाई काठियावाडी' सिनेमा सध्या सोशल मीडियावर धुमाकूळ घालत आहे.

@Amul_Coop

Gangubai Kathaiwadi Success : आलिया भट्टचा (Alia Bhatt) 'गंगूबाई काठियावाडी' (Gangubai Kathaiwadi) सिनेमा सध्या ट्रेडिंगमध्ये आहे. अमूल नेहमीच ट्रेंडिग विषयांच्या जाहीराती सोशल मीडियावर शेअर करत असतात. आलियाचा 'गंगूबाई काठियावाडी' सिनेमा सध्या बॉक्सऑफिसवर धुमाकूळ घालत आहे. या सिनेमाने आतापर्यंत  47.12 कोटींची कमाई केली आहे. त्यामुळे आता अमूलदेखील 'गंगूबाई काठियावाडी' सिनेमाच्या यशात सहभागी झाला आहे.

'खालिया बटर' असे विचारत अमूलने 'गंगूबाई काठियावाडी' सिनेमाचे पोस्टर शेअर केले आहे. खालिया बटर हे सिनेमात मुख्य भूमिका असलेल्या आलिया भट्टच्या नावासोबत मिळते जुळते आहे. या सिनेमाला प्रेक्षकांकडून सकारात्मक प्रतिसाद मिळत आहे. आलिया भट्टनेदेखील हे पोस्टर सोशल मीडियावर शेअर केले आहे.

The success of Bollywood’s new release, Gangubai Kathiawadi... pic.twitter.com/K2MlutgJ2W

— Amul.coop (@Amul_Coop) February 28, 2022

'गंगूबाई काठियावाडी' सिनेमाने चांगलाच धमाका केला आहे. हा सिनेमा बॉक्स ऑफिसवर धुमाकूळ घालतो आहे. संजय लीला भन्साळी दिग्दर्शित हा सिनेमा 25 फेब्रुवारीला प्रदर्शित झाला आहे. गेल्या चार दिवसांत या सिनेमाने 47.12 कोटींची कमाई केली आहे. 

'गंगूबाई काठियावाडी' या सिनेमाचे लेखन हुसैन जैदी यांच्या 'माफिया क्वीन्स ऑफ मुंबई' या पुस्तकावर आधारित आहे. या सिनेमात आलिया भट्टसह अजय देवगण, जिम सरभ आणि शंतनू महेश्वरीदेखील मुख्य भूमिकेत आहेत. विकेण्डलादेखील या सिनेमाने चांगलीच कमाई केली आहे. 

संबंधित बातम्या

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha