Akola : रेल्वेतून उतरताना प्रवासी घसरला, गॅस कटरच्या सहाय्याने सुटका; अकोल्यात दीड तासांच्या थरारानंतर सुटकेचा निश्वास
Railway Accident : अकोला जिल्ह्यातील मूर्तिजापूर रेल्वे जंक्शनवर प्रवासी गाडीखाली अडकला आणि गॅस कटरने त्याची जीवघेणी सुटका करण्यात आली. या घटनेनंतर रेल्वे सुरक्षेवर मोठा प्रश्नचिन्ह उभा राहिला आहे.
Akola Railway Accident : रेल्वे प्रवाशांच्या (Railway Passengers) सुरक्षिततेला हादरवणारी धक्कादायक घटना सोमवारी अकोला जिल्ह्यातील मूर्तिजापूर रेल्वे जंक्शन (Murtijapur Railway Junction) येथे घडली. पुणे–अमरावती (Pune-Amravati Train) या गाडीतून प्रवास करणारा अकोल्यातील मुस्ताक खान मोईन खान हा प्रवासी प्लॅटफॉर्म क्रमांक दोनवर उतरतानाच घसरला आणि थेट गाडीखाली अडकला.
क्षणभरातच भीषण परिस्थिती निर्माण झाली. जखमी प्रवासी एवढा घट्ट अडकला होता की त्याला बाहेर काढणे अशक्यप्राय ठरत होते. तत्काळ रेल्वे पोलिसांनी जय गजानन आपत्कालीन पथकाला (Emergency Rescue Team) पाचारण केले. या पथकाने गॅस कटरच्या सहाय्याने गाडीचे पायदान कापून अडकलेल्या प्रवाशाची सुटका केली.
गंभीर दुखापत, तात्काळ रुग्णालयात दाखल
सुटकेच्या या प्रयत्नादरम्यान प्रवाशांचा श्वास रोखला गेला होता. पथकाच्या तत्परतेमुळे मुस्ताक खानचा जीव वाचवण्यात यश आले. या अपघातात प्रवाशाच्या दोन्ही पायांना गंभीर दुखापत झाली आहे. त्याला तातडीने श्रीमती लक्ष्मीबाई देशमुख उपजिल्हा रुग्णालय (Sub-District Hospital, Akola) येथे दाखल करण्यात आले असून उपचार सुरू आहेत.
प्रवाशांच्या सुरक्षेवर प्रश्नचिन्ह
या घटनेमुळे पुणे–अमरावती गाडी तब्बल 1 तास 20 मिनिटे प्लॅटफॉर्मवर उभी राहिली. अचानक गाडी थांबल्याने प्रवाशांमध्ये मोठा गोंधळ निर्माण झाला. या अपघातानंतर रेल्वे सुरक्षेच्या (Railway Safety) उपाययोजनांवर गंभीर प्रश्न उपस्थित झाले आहेत. स्थानिक प्रवाशांतूनही या घटनेमुळे मोठी चिंता व्यक्त होत आहे.
ही बातमी वाचा:
महत्त्वाच्या बातम्या
