एक्स्प्लोर

2018 मध्ये आई-बाबा झालेले दहा बॉलिवूड सेलिब्रेटी

Written By : एबीपी माझा वेब टीम | Updated at : 31 Dec 2018 05:41 PM (IST)

1/10

नेहा धुपिया : अभिनेत्री नेहा धुपिया आणि अभिनेता अंगद बेदी याच वर्षी मे महिन्यात विवाहबंधनात अडकले. नेहाने नोव्हेंबरमध्ये मेहरला जन्म दिला. त्याचवेळी आपण लग्नाआधीच प्रेग्नंट झाल्याचा खुलासा तिने केला.

2/10

उदिता गोस्वामी : पाप, झहर यासारख्या चित्रपटातून गाजलेली अभिनेत्री उदिता गोस्वामी दुसऱ्यांदा आई झाली. 21 नोव्हेंबरला तिने 'कर्म' या मुलाला जन्म दिला. तिचा पती मोहित सुरी प्रसिद्ध दिग्दर्शक आहे.

3/10

सनी लिओन : मार्च महिन्यात सनी लिओन दोन मुलांची आई झाली. अॅशर सिंग वेबर, नोआ सिंग वेबर अशी मुलांची नावं आहेत. यापूर्वी तिने निशाला दत्तक घेतलं होतं.

4/10

सुनिधी चौहान : सुनिधीला 1 जानेवारी 2018 रोजी मुलगा झाला. सुनिधीने संगीतकार हितेश सोनिकशी लग्न केलं आहे.

5/10

श्रेयस तळपदे : अभिनेता श्रेयस तळपदे 4 मे रोजी सरोगसीच्या माध्यमातून बाबा झाला. 14 वर्षांपूर्वी श्रेयस आणि दीप्ती विवाहबंधनात अडकले होते.

6/10

शाहीद कपूर : अभिनेता शाहीद कपूर 5 सप्टेंबरला दुसऱ्यांदा बाबा झाला. शाहीदने आपल्या बाळाचं 'झैन' असं नामकरण केलं

7/10

रंभा : 40 व्या वर्षी अभिनेत्री रंभा तिसऱ्यांदा आई झाली. कॅनडामध्ये 23 सप्टेंबरला रंभाने एका गोंडस मुलाला जन्म दिला.

8/10

नील नितीन मुकेश : अभिनेता नील आणि रुक्मिणी यांनी गेल्या वर्षी फेब्रुवारी महिन्यात उदयपूरमध्ये लग्न केलं होतं. 20 सप्टेंबरला त्यांची कन्या नुर्वीचा जन्म झाला

9/10

लिसा रे : मॉडेल आणि अभिनेत्री लिसा रे आई झाली. सरोगसीद्वारे तिने जून महिन्यात जुळ्या मुलींना जन्म दिला. मुलींचा जन्म जॉर्जियामध्ये झाला. सुफी आणि सोलिएल अशी दोन्ही मुलींची नावं आहेत.

10/10

गुल पनाग : अभिनेत्री गुल पनागने फेब्रुवारी महिन्यात निहालला जन्म दिला. मात्र सहा महिने तिने ही गोष्ट लपवून ठेवली होती. आपलं वैयक्तिक आयुष्य जपण्यासाठी तिने ही गोष्ट जगजाहीर केली नाही.