LIVE BLOG : पावसाचा जोर असल्याने रविवारच्या काही एक्सप्रेस रद्द

Background

मुंबई शहर आणि उपनगरात मुसळधार पाऊस पडत आहे. ठाणे, नवी मुंबई परिसरातही पहाटेपासून पावसाची संततधार सुरु आहे. त्यामुळे अनेक सखल भागात पाणी साचण्यास सुरुवात झाली आहे. रस्ते वाहतुकीवरही यामुळे परिणाम झाला आहे.

गेल्या 24 तासात मुंबईत 50 ते 100 मिमी तर उपनगरांमध्ये 150 ते 180 मिमी पावसाची नोंद झाली आहे. सांताक्रुझमध्ये 192 मिमी तर कुलाब्यात 73 मिमी पावसाची नोंद झाली आहे.

कल्याण, बदलापूर अंबरनाथ परिसरात शुक्रवारपासून जोरदार पावसाच्या सरी बरसत आहेत. त्यामुळे जनजीवन विस्कळीत झालेलं पाहायला मिळत आहे. याठिकाणी पावसाचा जोर अद्यापही कायम आहे. मुसळधार पावसामुळे अंबरनाथ रेल्वे स्थानकात पाणी साचलं आहे.

20:45 PM (IST)  •  27 Jul 2019

मध्य रेल्वे मुंबई विभागामध्ये भरपूर पाऊस असल्यामुळे दिनांक 28.07.19 ला काही एक्सप्रेस रद्द केल्या आहेत. गाडी क्रमांक 12118 अप आणि 12117 डाऊन मनमाड लोकमान्य टिळक टर्मिलन्स गोदावरी एक्सप्रेस दिनांक 28.07.19 ला रद्द करण्यात केलीली आहेत. गाडी क्रमांक 22102 अप आणि 22101 मनमाड मुंबई राज्यराणी एक्सप्रेस दिनांक 28.07.19 ला रद्द करण्यात आलेली आहे . गाडी क्रमांक 51153 डाऊन मुंबई भुसावळ पैसेजर गाडी दिनांक 28.07.19 ला रद्द करण्यात आलेली आहे

14:23 PM (IST)  •  27 Jul 2019

#MahalaxmiExpress वांगणी येथे महालक्ष्मी एक्स्प्रेसमधून रेस्क्यू केलेल्या प्रवाशांची बदलापूर स्थानकात व्यवस्था, सह्याद्री मंगल कार्यालयात जेवणाची व्यवस्था