Chembur Accident : धक्कादायक! इमारतीच्या 6व्या मजल्यावरून सहा कामगार खाली कोसळले, एकाचा जागीच मृत्यू; चेंबूरच्या सुभाष नगर भागातील घटना
Chembur Accident News : चेंबूरच्या सुभाष नगर भागात एक अतिशय धक्कादायक घटना घडलीय. यात इमारतीच्या 6व्या मजल्यावरून चक्क 6 कामगार खाली पडल्याची घटना समोर आलीय.
Chembur Accident News : चेंबूरच्या सुभाष नगर भागात एक अतिशय धक्कादायक घटना घडलीय. यात इमारतीच्या 6व्या मजल्यावरून चक्क 6 कामगार खाली पडल्याची घटना समोर आलीय. कामगारांनी सेफ्टी किट न वापरल्याने हि घटना घडल्याची (Chembur Accident) माहिती समोर आली आहे. घटनेनंतर परिसरात एकच (Accident News) खळबळ उडाली असून यातील सर्व कामगारांना तात्काळ राजावाडी रुग्णालयात दाखल करण्यात आलं आहे. तर या अपघातात एका कामगाराच निधन झाल्याची माहिती आहे.
Chembur Accident News : सहाव्या मजल्यावर विटांचं काम करत असताना घडली घटना
मिळालेल्या माहितीनुसार, इमारतीच्या सहाव्या मजल्यावर विटांचं काम करत असताना अचानक हे कामगार कोसळले. या भीषण अपघातात यातील एका कामगाराच निधन झाल्याची माहिती आहे. तर इतर पाच कामगारांवर राजावाडी रुग्णालयात उपचार सुरु असून घटनेचा अधिक तपास पोलीस करत आहेत. यात रामल्लू या 55 वर्षांच्या कामगाराचा यात मृत्यू झाल्याची माहिती आहे. तर गुणधर राय )(वय 22 वर्ष) हे एमआयसीयूमध्ये दाखल असून त्यांची प्रकृती गंभीर आहे. तर उसराय (वय 30 वर्ष), रमेश राय - (वय 25 वर्ष), विजय (वय 25 वर्ष) संदीप (वय 27 वर्ष) यांच्यावर राजावाडी रुग्णालयात उपचार सुरू आहे.
Chembur Accident : कुठलेहि सेफ्टी मेजर्स न पाळता कामं सुरु; नफा कमावणे हाच एकमेव उद्देश
सुभाष नगर भागात म्हडाच्या 80% पुनर्निर्माण इमारतींचं काम सुरु आहे. काही दिवसांपूर्वीही 16 नंबर इमारतीत अशीच एका कामगाराच्या अपघाताची घटना या भागात घडली त्यात त्याचा मृत्यू झालाय. कुठलेहि सेफ्टी मेजर्स न पाळता हे कामं केली जात आहे. केवळ नफा कमावणे हाच एकमेव उद्देश यातून दिसतोय. 36 नंबर इमारतीत हि घटना घडलीय. 6 कामगारांवर कुठलेही सेफ्टी बेल्ट नसल्याचे दिसून आले आहे. अशी माहिती सामाजिक कार्यकर्ते सुभाष मराठे यांनी दिली आहे.
इतर महत्वाच्या बातम्या
महत्त्वाच्या बातम्या
