LIVE BLOG : नवी दिल्लीतील एम्स रुग्णालयाला आग, अग्निशामक दलाच्या दहा गाड्या घटनास्थळी दाखल

Background

राज्यातील आणि देशातील महत्त्वाच्या बातम्यांच्या आढावा 
1. सुरक्षा परिषदेत पाकिस्तान पुन्हा तोंडावर, काश्मीर मुद्यावरुन फक्त चीनचा पाठिंबा, इतर देश भारतासोबत

2. उरणमध्ये ओएनजीसीच्या गॅस प्रोसेसिंगमध्ये तांत्रिक बिघाड, सीएनजी बस, टॅक्सी आणि कार चालकांना फटका बसण्याची शक्यता

3. राष्ट्रवादीची ऑफर धुडकावून काँग्रेसप्रवेश हीच राणेंची घोडचूक, राणेंच्या आत्मचरित्राच्या प्रकाशनावेळी पवारांचं विधान, तर राणेंचा उद्धव ठाकरेंवर हल्लाबोल

4. पुरामुळं ब्रेक मिळालेल्या राजकीय घडामोडींना वेग, रात्री उशिरा भाजपच्या प्रचारसमितीची बैठक, तर मुंबईत पवारांच्या निवासस्थानी सकाळी राष्ट्रवादी नेत्यांची बैठक

5.अंतर्वस्त्र उद्योगालाही आर्थिक मंदीची झळ, अर्थतज्ज्ञ ग्रीनस्पॅन यांच्या थिअरीनुसार भारतीय अर्थव्यवस्थेसाठी धोक्याची घंटा, माझाचा स्पेशल रिपोर्ट

6. भारतीय क्रिकेट संघाच्या प्रशिक्षकपदी रवी शास्त्रीच कायम, बीसीसीआयकडून 2021 पर्यंत नियुक्ती

15:45 PM (IST)  •  17 Aug 2019

गणपतीपुळे येथे पर्यटक बुडाले दोन महिला, एका पुरुषाचा समावेश, गणपतीपुळे समुद्रावर समुद्राचा आनंद घेण्यासाठी समुद्रात गेलेल्या पर्यटकांपैकी तीन पर्यटक बुडाले आहेत.सदर पर्यटक हे कसबा बावडा, कोल्हापूर येथील आहे, मूळ गाव हुबळी, कर्नाटक असल्याची माहिती मिळाली आहे. काजल मचले, सुमन मचले मृतदेह मिळाले, तर उमेश अशोक बागडे, वय 28 हा बेपत्ता आहे. या दुर्घटनेतून किसन मचले,पूजा बागडे, निर्मला मचले, ऐश्वर्या मिनेकर हे वाचले आहेत.

17:25 PM (IST)  •  17 Aug 2019

नवी दिल्लीतील एम्स रुग्णालयाला आग, अग्निशामक दलाच्या दहा गाड्या घटनास्थळी दाखल

19:39 PM (IST)  •  17 Aug 2019

नांदेड : कॉंग्रेसचे माजी नगरसेवक गोविंद कोकुलवार यांच्यावर गोळीबार, शहरातील चौफाळा येथे त्यांच्या संपर्क कार्यालयाबाहेर अज्ञात व्यक्तीकडून गोळीबार, घटनेत पाठीत लागली गोळी, कारण अस्पष्ट, घटनास्थळी पोलीस दाखल

23:03 PM (IST)  •  17 Aug 2019

मुंबईच्या मानखुर्द विभागात असलेल्या महाराष्ट्र नगरचा रस्ता चिखलमय झाला आहे. या ठिकाणी मेट्रोच्या कारशेडची निर्मिती सुरू असून यामुळे या रस्त्यावर मोठ्या प्रमाणात खड्डे आणि चिखल होत आहे. या विरोधात स्थानिक शिवसेनेचे आमदार तुकाराम काते यांनी काल चिखलात बसून आंदोलन केले होते. आज देखील या रस्त्याची अवस्था तशीच असल्याने आमदारांनी या ठिकाणी ठिय्या केला.

16:18 PM (IST)  •  17 Aug 2019

देहूच्या इंद्रायणी नदीत बुडून एकाचा मृत्यू झालाय. कमलाकर रानडे असं त्यांचं नाव असून एका कंपनीत ते चालक म्हणून काम करत होते. आज सकाळी साडे दहा वाजता इतर कर्मचाऱ्यांना कंपनीत सोडून तो मित्रासोबत नदीत पोहायला उतरला. मात्र तो बाहेर आलाच नाही, सोबतच्या मित्राने ही बाब पोलिसांना सांगितली.