LIVE BLOG | लोकसभा निवडणुकासाठी काँग्रेसची 15 उमेदवारांची यादी जाहीर, अमेठीतून राहुल गांधी, रायबरेलीतून सोनिया गांधी लोकसभा निवडणूक लढवणार

Background

1. आचारसंहितेच्या आधी फडवणीस याचं गतीमान सरकार... एका दिवसात काढले तब्बल ५८ जीआर..  एका दिवसात शासन निर्णयांची हाफ सेंन्चुरी..
2. राफेल कराराची कागदपत्रं चोरीला, सरकारची सुप्रीम कोर्टात माहिती, पंतप्रधान नरेंद्र मोदींविरोधात एफआयआर दाखल करण्याची राहुल गांधींची मागणी
3. लोकसभेसाठी युतीच्या वादग्रस्त जागांचा तिढा सोडवण्यासाठी मुख्यमंत्री आज मातोश्रीवर, खोतकर वाद आणि सोमय्यांच्या विरोधावर चर्चेची चिन्हं
4. अहमदनगरच्या जागेचा तिढा आज सुटण्याची शक्यता, राष्ट्रवादीच्या बैठकीत सुजय विखे पाटलांच्या जागेबाबत शरद पवार निर्णय घेणार
5. राज्यातल्या 382 शहरांसह लगतच्या शासकीय जमिनीवरची अतिक्रमणे नियमित, सर्वांसाठी घरं योजनेसाठी सरकारचा मोठा निर्णय
6. मुंबईतल्या महालक्ष्मीमध्ये कार सर्व्हिस सेंटरला आग, महागड्या गाड्या आगीच्या भक्ष्यस्थानी, जीवितहानी नाही
7. केंद्राच्या स्वच्छ सर्वेक्षण स्पर्धेत महाराष्ट्राचा डंका, बेस्ट परफॉर्मन्सच्या यादीत अव्वल तीन राज्यांमध्ये महाराष्ट्राला स्थान, मुंबई-पुण्याची मात्र घसरण

23:01 PM (IST)  •  07 Mar 2019

पुणे : महानगरपालिकेच्या दारात आज मुस्लिम बांधवांनी मृतदेह ठेवून आंदोलन केलं. पुण्यातील खराडी - चंदन नगर परिसरात मुस्लीम समाजाला कब्रिस्थानसाठी जमिन मोकळी करून देण्यात यावी या मागणीसाठी हे आंदोलन करण्यात आलं.

22:17 PM (IST)  •  07 Mar 2019

काँग्रेसचे माजी नेते अजित सावंत यांचे निधन, गुरुदास कामत यांचे समर्थक म्हणून ओळख होती, प्रवक्ता म्हणून काँग्रेसची बाजू मांडायचे

22:17 PM (IST)  •  07 Mar 2019

वंचित बहुजन आघाडीचे नेते प्रकाश आंबेडकरांची नवी मुंबईत सभा, मुंबईत एसआरएची योजना काँग्रेस सरकारमध्ये विलासराव देशमुख यांनी सुरु केली होती. हे राहूल गांधी विसरले आहेत. झोपडपट्टीवासीयांची घरे बिल्डरांच्या घशात घालण्याचा डाव सुरु आहे : प्रकाश आंबेडकर

22:20 PM (IST)  •  07 Mar 2019

पनवेलमध्ये सनातनी सेंटर्स लोकांना भयभीत करत आहे. हे लोक नवीन टेररीस्ट टॅन्क उभी करत आहेत. यांच्याविरोधात कारवाई होत नाही : प्रकाश आंबेडकर

22:41 PM (IST)  •  07 Mar 2019

नवी मुंबईतील शिवसेना आणि राष्ट्रवादी काँग्रेसच्या राडा प्रकरणाने नवी मुंबईतील राजकीय वातावरण चांगलेच तापलं आहे. ऐरोली मधील महापालिकेच्या सभागृहाच्या उद्घाटन प्रसंगी शिवसेना आणि राष्ट्रवादी मद्ये हाणामारी झाली होती. या हाणामारीत राष्ट्रवादीचे आमदार संदीप नाईक यांची गाडी शिवसैनिकांनी फोडली होती. याप्रकरणात शिवसेनेचे दोन नगरसेवक एम. के. मढवी, त्यांचा मुलगा करणं मढवी आणि सहा कार्यकर्त्यांना अटक केली. तर राष्ट्रवादीचे 12 कार्यकर्ते अटक झाले. मात्र आमदार संदीप नाईक आणि जिल्हाध्यक्ष अनंत सुतार यांना मात्र अटक झाली नसून त्यांना अटक करण्यात यावी अशी मागणी शिवसेनेने केली आहे. जर या दोघांना अटक झाली नाही तर शिवसेना रस्त्यावर उतरून आंदोलन करेल, असा इशारा आज शिवसेनेने पत्रकार परिषदेत इशारा दिला आहे.