Relationship Tips : सुखी वैवाहिक जीवनासाठी 'हे' 6 प्रश्न तुम्ही तुमच्या भावी पतीला जरूर विचारा, नंतर भविष्याचा निर्णय घ्या

Relationship Tips : भविष्यात सुखी संसाराचे हे नाते टिकून राहण्यासाठी आजच तुमच्या भावी जोडीदाराला काही प्रश्न नक्की विचारले पाहिजे. जाणून घ्या काय म्हणतात रिलेशनशिप तज्ज्ञ..

Relationship Tips lifestyle marathi news

Relationship Tips : एकदा तुम्ही लग्नाचा निर्णय घेतला, तर तुमचे जोडीदाराशी आयुष्यभराचे नाते निर्माण होते. त्यानंतर जर काही मतभेद निर्माण झाले तर ते नाते तोडणेही खूप कठीण असते. म्हणूनच तुमचं लग्न नुकतचं ठरलं असेल, भविष्यात सुखी संसाराचे हे नाते टिकून राहण्यासाठी आजच तुमच्या भावी जोडीदाराला काही प्रश्न नक्की विचारले पाहिजे. सुखी वैवाहिक जीवनासाठी 'हे' 6 प्रश्न तुम्ही तुमच्या भावी पतीला जरूर विचारा, नंतर भविष्याचा निर्णय घ्या. जाणून घ्या काय म्हणतात रिलेशनशिप तज्ज्ञ..

 

बदलत्या काळानुसार तरुण-तरुणीचे विचार जुळणे महत्त्वाचे

लग्नाचा निर्णय हा मुलगा आणि मुलगी तसेच संपूर्ण कुटुंबासाठी महत्त्वाचा असतो. त्यामुळेच या निर्णयात पालकांव्यतिरिक्त नातेवाईकही सहभागी होतात. बदलत्या काळानुसार आजकालचे तरुण तरुणी भविष्याबद्दल अत्यंत जागरूक असतात आणि नंतर उद्भवू शकणाऱ्या समस्यांबद्दल आधीच चर्चा करतात. अशा परिस्थितीत तुम्ही तुमच्या भावी आयुष्याच्या जोडीदाराशी कोणत्या मुद्द्यांवर चर्चा करावी? जाणून घ्या

 

करिअरवर बोला

तुम्हाला अभ्यास करायचा असेल, नोकरी करायची असेल किंवा लग्नानंतर घरी राहायचे असेल, या विषयावर त्याच्याशी अगोदर बोला आणि त्याचा प्राधान्यक्रमही जाणून घ्या. तुमचा अभ्यास आणि करिअर त्याच्यासाठी किती महत्त्वाचे आहे हे जाणून घेतल्याशिवाय पुढे जाऊ नका.

 

आर्थिक सुरक्षा

लग्नानंतर तुमचा घरखर्च आणि गुंतवणुकीबद्दल बोला. हे शक्य आहे की तुमच्या पतीवर घराची जबाबदारी असू शकते, अशा परिस्थितीत तुमच्या इच्छेनुसार खर्च आणि गुंतवणूक करण्यास त्याला जमू शकते अथवा नाही. लग्नानंतर बहुतेक वाद याच मुद्द्यावरून होतात. त्यामुळे या सर्व गोष्टी तुम्हा दोघांना अगोदरच स्पष्ट कराव्यात.

 

 

एकत्र कुटुंबात राहू शकाल का?

लग्नानंतर तुमच्या जबाबदाऱ्या काय आहेत? तुम्ही एकत्र कुटुंबात राहू शकाल का? तुम्ही त्या जबाबदाऱ्या सांभाळू शकाल का? असे प्रश्न मनात येतात. अशा परिस्थितीत, त्याच्या कुटुंबातील सदस्याबद्दल जाणून घेण्याचा प्रयत्न करा आणि स्वत: ला तुमची भूमिका साकारण्यासाठी तयार करा, जेणेकरून नंतर तुम्हाला फसल्यासारखे वाटू नये.

 

जबाबदारी निश्चित करा

हे शक्य आहे की तुमच्या कुटुंबाप्रती काही जबाबदाऱ्या नसतील किंवा तुम्ही एकुलते एक मूल असाल, अशा वेळी लग्नानंतर तुम्ही तुमच्या आई-वडिलांप्रती असलेल्या जबाबदाऱ्या कशा पार पाडाल? ही जबाबदारी पार पाडण्यासाठी तुमचा भावी पती तुम्हाला मदत करेल की नाही हे नक्की जाणून घ्या.

 

रितीरिवाज, प्रथा

प्रत्येक घराच्या चालीरीती आणि परंपरा वेगवेगळ्या असतात. तुम्ही त्यांना लग्न कोणत्या रितीरिवाजांनुसार होईल ते विचारू शकता, त्यानुसार लग्नाच्या आधी आणि नंतरची तयारी करू शकता, जेणेकरून कोणतीही अडचण येणार नाही.

 

जोडीदाराची निवड

जोडीदारामध्ये कोणती वैशिष्ट्ये पाहायची आहेत? त्याला त्याच्या रिकाम्या वेळात काय करायला आवडते? त्याचे छंद काय आहेत आणि त्याला काय आवडत नाही? याबद्दल जाणून घ्या. याच्या मदतीने तुम्ही केवळ स्वत:ची तयारी करू शकणार नाही, तर समोरच्या व्यक्तीच्या व्यक्तिमत्त्वाचेही आकलन करू शकाल.

 

आवडी आणि नापसंत

एका वृत्तवाहिनीने घेतलेल्या मुलाखतीनुसार, कौटुंबिक नातेसंबंध समुपदेशक शोभना सांगतात, आजकाल मुखवटा घालून जगण्याची परंपरा आहे, पण मुखवटा काढून भावी जीवनसाथीसमोर खऱ्या प्रश्नांवर बोलणे सर्वात महत्त्वाचे आहे. उदाहरणार्थ, त्याच्या घरातील वातावरण जुन्या विचारांचे आहे की आधुनिक? तसेच तुमच्या भावी जोडीदाराला त्याच्या/तिच्या इच्छा आणि कल्पनेबद्दल विचारा. तुम्ही त्याला विचाराल की तो लग्नासाठी तयार आहे का? त्याच्यावर कोणताही दबाव तर नाही ना? तुम्हाला त्याच्या आवडी-निवडी माहीत असाव्यात. घरखर्च कसा चालेल याबद्दल बोला? लक्षात ठेवा, भविष्यासाठी कोणतीही आश्वासने देऊ नका, ज्यामुळे नंतर समस्या उद्भवू शकतात. हे देखील समजून घ्या की सुखी वैवाहिक जीवनासाठी तुम्हा दोघांनाही सारखेच जुळवून घेण्याची सवय असणे आवश्यक आहे.

 

 

(टीप : वरील सर्व गोष्टी माहिती म्हणून वाचकांपर्यंत पोहोचवत आहोत. एबीपी माझा यातून कोणताही दावा करत नाही. )

हेही वाचा>>>