Health Tips : लहान मुलांना कफ सिरप देण्याचं योग्य वय कोणतं? जाणून घ्या काय म्हणतात तज्ञ

Health Tips : पालक अनेकदा मुलांना खोकल्यापासून बचाव करण्यासाठी त्यांना कफ सिरप देतात. पण, नेमकं कोणत्या वयात लहान मुलांना कफ सिरप देणं योग्य आहे? याबाबत अनेकांना माहीत नसते.

Health Tips

Health Tips : मोठ्यांच्या तुलनेत लहान मुलांची रोगप्रतिकारक शक्ती (Immunity) फारच कमकुवत असते. याच कारणास्तव मुलं वारंवार आजारी पडतात. मुलांची प्रतिकारकशक्ती कमी असल्या कारणने त्यांना वारंवार खोकला येतो. तसेच, वातावरणातल बदल आणि वाढतं प्रदूषण हे देखील यामागचं मुख्य कारण आहे. अशा परिस्थितीत पालक अनेकदा मुलांना खोकल्यापासून बचाव करण्यासाठी त्यांना कफ सिरप देतात. पण, नेमकं कोणत्या वयात लहान मुलांना कफ सिरप देणं योग्य आहे? कफ सिरप देताना कोणत्या गोष्टींची काळजी घेतली पाहिजे? याचा तुम्ही कधी विचार केला आहे का? नसेल, तर या ठिकाणी याच संदर्भात अधिक माहिती जाणून घेऊयात. 

लहान मुलांनी कफ सिरप प्यावे की पिऊ नये? 

आरोग्य तज्ज्ञांच्या मते, लहान मुलांना जर खोकला आला असेल तर त्यांना त्यापासून आराम मिळवण्यासाठी कफ सिरप देणं अत्यंत योग्य आहे. याचं कारण म्हणजे खोकला येत असताना तुमच्या छातीत कफ जमा होऊ लागतो. आणि कफ सिरप प्यायाल्याने त्पापासून आराम मिळतो. कफ सिरप प्यायल्याने बाळाला लगेच आराम मिळतो. त्यामुळे डॉक्टर मुलांना कफ सिरप पिण्याचा सल्ला देतात. 

लहान मुलांना कधी कफ सिरप द्यावे? 

आरोग्य तज्ञांच्या मते, ज्या मुलांचं वय एक वर्षांपेक्षा जास्त आहे अशी मुलं कफ सिरप पिऊ शकतात. पण, तुम्ही कोणतं कफ सिरप देत आहात हेदेखील तपासणं तितकंच गरजेचं आहे. जर मुलांना खोकला, ऍलर्जी किंवा संसर्गामुळे कफ सिरप दिलं जात असेल तर घशाच्या संसर्गापासून दूर रहा. अशा वेळी तुम्ही मुलांना कफ सिरप देऊ शकता. 

मुलाला कप सरबत देताना 'या' गोष्टी लक्षात ठेवा

मुलाला सिरप देताना, लक्षात ठेवा की फक्त एक घटक वापरला गेला आहे. मल्टी-कॉम्पोनेंट सिरप मुलांसाठी हानिकारक असू शकतात. जेव्हा तुम्ही मुलाला सिरप द्याल तेव्हा ते फक्त डॉक्टरांच्या सल्ल्यानेच द्या. 

कफ सिरपचा ओव्हरडोज मुलांसाठी घातक 

कफ सिरपच्या ओव्हरडोसमुळे मुलांचे अनेक प्रकारे नुकसान होऊ शकते. मुलांना झोपेतही त्रास होऊ शकतो. पोटदुखी, जास्त घाम येणे, उच्च बीपी, हृदयाचे ठोके यामुळेही मुलांच्या तब्येतीत चढ-उतार येऊ शकतात. 

महत्त्वाच्या बातम्या :

टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.