Sun Poisoning : कडक उन्हामुळे सन पॉयझनिंगचा धोका, जाणून घ्या लक्षणे आणि उपाय

Sun Poisoning : कडक सूर्यप्रकाशामुळे तुम्हाला सन पॉयझनिंग होऊ शकतं. शकतं. सनबर्न आणि सन पॉयझनिंग हे एकच आहे, असं अनेकांना वाटतं. परंतु सन पॉयझनिंग हे सनबर्नपेक्षा जास्त धोकादायक आहे.

Summer

Health News : उन्हाळा (Summer) सुरु झाला आहे. कडक सूर्यप्रकाशामुळे सनबर्न (Sun Burn) आणि टॅनिंगची समस्या खूप सामान्य आहे. पण तुम्हाला माहित आहे का की, सूर्यप्रकाशामुळे तुम्हाला सन पॉयझनिंग (Sun Poisoning) देखील होऊ शकतं. सनबर्न आणि सन पॉयझनिंग हे एकच आहे, असं अनेकांना वाटतं. परंतु सन पॉयझनिंग हे सनबर्नपेक्षा जास्त धोकादायक आहे. सन पॉयझनिंग हा सनबर्नचा घातक प्रकार आहे. जेव्हा आपण सूर्याच्या पॅराव्हायोलेट किरणांच्या संपर्कात बराच काळ असतो तेव्हा असं होतं. ही समस्या दूर करण्यासाठी वैद्यकीय उपचार घ्यावे लागतात. त्वचेची जळजळ सुरु होते आणि खवले तयार होऊ लागतात. या लेखात तुम्हाला सन पॉयझनिंगची लक्षणे आणि त्यापासून बचाव करण्याचे काही उपाय सांगणार आहोत.

सन पॉयझनिंगची लक्षणे काय?

• त्वचा लालसर होणे आणि वेदना होणे
• त्वचेचे खपली निघले आणि फोड येणे
• डोकेदुखी
• चक्कर येणे
• डिहायड्रेशन होणे
• गोंधळल्यासारखे वाटणे
• मळमळ किंवा उलट्या होणे
• भोवळ येणे

सन पॉयझनिंग वाढलं तर त्यातून पू किंवा पाणी येऊ लागतं. काही दिवसात वेदना आणि सूज येऊ लागते. सूर्यप्रकाशामुळे शरीरातील इलेक्ट्रोलाईट्स निघून जातात, तेव्हा गंभीर लक्षणे दिसू लागतात. मळमळ वाटणे, गोंधळ वाढणे, तीव्र थंडी जाणवणे आणि स्नायूंमध्ये वात येणे, अशी लक्षणे दिसतात.

सन पॉयझनिंगपासून कसा बचाव कराल?

• सनस्क्रीन वापरा. SPF 30 वरील सनस्क्रीन लोशन वापरा.
• बाहेर जाण्यापूर्वी अर्धा तास आधी सनस्क्रीन वापरा
• संपूर्ण त्वचा झाकल्यानंतरच घराबाहेर पडा.
• बाहेर जाताना सुती कपडे घाला आणि घट्ट कपडे घालणे टाळा.
• गडद रंगाचे कपडे घालणे टाळा, तसंच टोपी किंवा कापडाने डोकं झाका.
• दिवसभरात सकाळी 10:00 ते दुपारी 4:00 पर्यंत घराबाहेर जाण्याचं टाळा.
• स्वतःला जास्तीत जास्त हायड्रेट ठेवण्याचा प्रयत्न करा.
• जर तुम्हाला खूप घाम येत असेल तर दर दोन तासांनी सनस्क्रीन लावा.

उन्हाळ्यात त्वचा सॉफ्ट आणि सुंदर ठेवण्यासाठी 'या' चुका टाळा

उन्हाळ्यात त्वचेची काळजी घेण्यासाठी थोडे जास्त प्रयत्न करावे लागतात. कारण योग्य काळजी न घेतल्यास उन्हाळ्यात तुमची त्वचा निर्जीव, तेलकट आणि निस्तेज बनते. कडक उन्हामुळे सनबर्न, रॅशेस, पिंपल्स, टॅनिंग, मेलास्मा आणि सन अॅलर्जी अशा अनेक समस्या उद्भवतात. दिवसातून एकदाच सनस्क्रीन लावणे, मॉईश्चरायझिंग न करणे, भरपूर मेक-अप करणे, एक्सफोलिएटिंग न करणे, स्वत:ला हायड्रेट न ठेवणे या चुका उन्हाळ्यात करु नका.

टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही. त्यामुळे कोणतेही उपचार आणि औषधं तज्ज्ञांच्या सल्ल्यानं घ्यावीत.