Health : काय मंडळी.. तासन्-तास इअरफोन कानाला लावताय? आताच सावध व्हा..! 5 नुकसान जाणून घ्या 

Health : काही लोक कधी बाहेरचा आवाज टाळण्यासाठी किंवा कधी फक्त स्टाईलसाठी कानात इअरफोन वापरतात, पण डॉक्टर्स तुम्हाला वेळीच सावध होण्याचा इशारा देत आहेत.

Health lifestyle marathi news do not wearing earphones for hours

Health : आवडती गाणी असो.. किंवा मीटींग.. किंवा कोणाचा फोन आला तर काही जणांना सवय असते कानाला तासन्-तास इअरफोन लावून बसायचे. पण तुम्हाला माहित आहे का? याचे तुमच्या आरोग्यासाठी किती दुष्परिणाम आहेत. आजकाल प्रत्येकाने इअरफोनला आपला साथीदार बनवले आहे. काही जणांना सवय असते, ती म्हणजे कधी बाहेरचा आवाज टाळण्यासाठी किंवा कधी फक्त स्टाईलसाठी कानात इअरफोन वापरतो. त्या लोकांना कदाचित माहित नसेल, पण डॉक्टर्स तुम्हाला वेळीच सावध होण्याचा इशारा देत आहेत. कारण यामुळे आरोग्याचे नुकसान होऊ शकते. कानाच्या संसर्गासारखे अनेक नुकसान होऊ शकतात. हे एखाद्या व्यक्तीची ऐकण्याची क्षमता देखील कमी करू शकते.

जास्त वेळ इअरफोन लावल्याने आरोग्याचे नुकसान

घर असो किंवा ऑफिस, आजकाल सगळीकडे लोक कानात इअरफोन घातलेले दिसतात. कधी चित्रपट पाहताना किंवा कधी प्रवासात गाणी ऐकताना इअरफोनचा वापर पूर्वीपेक्षा वाढला आहे, पण तुम्हाला माहिती आहे का की तासन्तास इअरफोन लावल्याने कानाला इजा होऊ शकते. जास्त वेळ इअरफोन लावल्याने डोकेदुखी, कान दुखणे आणि कान सुन्न होणे यासारख्या समस्या उद्भवू शकतात. इअरफोन घातल्याने होणारा त्रास सहन करण्याऐवजी त्याचे तोटे जाणून घेणे अधिक चांगले. हेडफोन घातल्याने तुम्हाला कोणत्या समस्यांना सामोरे जावे लागू शकते ते जाणून घ्या

इअरफोनच्या वापरामुळे हे नुकसान होऊ शकते

 

मानसिक आरोग्यावर परिणाम

जास्त जोरात इअरफोन लावल्याने मानसिक आरोग्यावर परिणाम होऊ शकतो आणि कान खराब होतात. यांचा अतिवापर केल्याने तुमची ऐकण्याची क्षमताही कमी होऊ शकते.

 

कानाला संसर्ग होऊ शकतो

जास्त वेळ हेडफोन घातल्याने कानाच्या आतील रक्तप्रवाहात बदल होऊ शकतो, ज्यामुळे कानाला इजा होऊ शकते. हेडफोन वापरणे, विशेषत: उच्च आवाजात, कानाच्या संसर्गाचा धोका वाढू शकतो.

 

कान दुखणे आणि सूज येणे

जर हेडफोन्सचे पॅडिंग किंवा डिझाइन योग्य नसेल आणि ते तुमच्या कानात व्यवस्थित बसत नसतील, तर ते जास्त वेळ वापरल्याने कानात दुखणे आणि सूज येऊ शकते.

 

श्रवण कमतरता

जास्त आवाजामुळे ऐकण्याच्या क्षमतेवर परिणाम होऊन कानांच्या नसा कालांतराने खराब होऊ शकतात. त्यामुळे कमीत कमी इअरफोनचा वापर करावा.

 

डोकेदुखीचे कारण असू शकते

तासनतास इअरफोन लावून आणि मोठ्या आवाजात गाणी ऐकल्याने डोकेदुखीसारख्या समस्या उद्भवू शकतात. अनेकांना या समस्येचा सामना करावा लागतो.

 

हेही वाचा>>>

 

 

(टीप : वरील सर्व गोष्टी माहिती म्हणून वाचकांपर्यंत पोहोचवत आहोत. एबीपी माझा यातून कोणताही दावा करत नाही. )