Health : उन्हाळ्यात सारखं अपचन होतंय? पचनाच्या समस्या टाळायच्या तर, तुमच्या सवयींमध्ये 'हे' महत्त्वाचे बदल करा.

Health : आजकाल तुम्हालाही पचनाच्या समस्यांचा सामना करावा लागत असेल तर तुम्हाला तुमच्या रोजच्या सवयींमध्ये काही महत्त्वाचे बदल करण्याची आवश्यकता आहे.

Health lifestyle marathi news digestion problem in summer

Health : साधारणत: उन्हाळ्यात आपण काहीही खाल्लं की आपल्याला पचनाच्या समस्या येतात. उन्हाळ्यात पचनाच्या समस्या होणं तसं सामान्य आहे, काही लोकांना अनेक समस्यांना सामोरं जावं लागते. आजकाल तुम्हालाही अशा समस्यांचा सामना करावा लागत असेल तर तुम्हाला तुमच्या रोजच्या सवयींमध्ये काही महत्त्वाचे बदल करण्याची आवश्यकता आहे. या विषयावर संबंधित आमचा हा लेख तुमच्यासाठी खूप उपयुक्त ठरू शकतो.

उन्हाळ्यात पचनक्रिया सुरळीत ठेवणे खूप गरजेचे

उन्हाळा ऋतु आला की तो अनेक समस्या घेऊन येतो. तापमानाचा वाढता पारा यामुळे अनेक शारीरिक समस्या उद्भवतात. अपचन होणं देखील यापैकी एक आहे, ज्यामुळे इतर शारीरिक समस्या देखील वाढतात. त्यामुळे उन्हाळ्यात पचनक्रिया सुरळीत ठेवणे खूप गरजेचे आहे आणि त्यासाठी तुम्हाला तुमच्या काही सवयी बदलाव्या लागतील. या लेखात आम्ही तुम्हाला याबद्दल माहिती देणार आहोत. एका वृत्तसंस्थेने घेतलेल्या माहितीनुसार फिजिशियन डॉ. ब्रिजेंद्र सिंह यांनी याबाबत महत्त्वाची माहिती दिलीय. जाणून घेऊया उन्हाळ्यात पचनाच्या समस्या टाळण्यासाठी सवयींमध्ये कोणते बदल करावे लागतील?

 

तुमच्या आहाराच्या सवयींमध्ये हे बदल करा

पचन सुधारण्यासाठी आहाराच्या सवयी बदलणे गरजेचे आहे. यासाठी जड जेवणाऐवजी लहान जेवण घ्यावे. यामुळे अन्न पचायला सोपे जाईल आणि पचनाच्या समस्या टाळता येतील.

अन्न सहज पचण्यासाठी जेवणाच्या वेळेची काळजी घ्यावी लागते. जर तुम्ही रात्री उशिरा जेवत असाल तर लगेच तुमची सवय बदला आणि रात्री लवकर जेवायला सुरुवात करा.

तुमच्या आहारात शक्य तितक्या द्रवपदार्थांचा समावेश करा,  हे तुम्हाला पचनाच्या समस्यांपासून तर वाचवेलच पण डिहायड्रेशनपासूनही तुमचे रक्षण करेल.

जर तुम्ही जास्त कार्ब्स असलेले अन्न खाणे टाळा. पचन सुधारण्यासाठी कर्बोदकांऐवजी फायबरयुक्त फळे आणि भाज्यांचा आहारात समावेश करा.

तुम्हाला चहा-कॉफीचे शौकीन असेल तर उन्हाळ्यात हा छंद सोडावा लागेल. उन्हाळ्यात कॅफिनच्या अतिसेवनामुळे पचनक्रियेवर वाईट परिणाम होतो. त्यामुळे त्यापासून दूर राहावे लागेल.

उन्हाळ्यात उरलेले अन्न खाणे टाळा, ते थेट पचन बिघडू शकते. यामुळे अतिसार, अन्न विषबाधा आणि इतर समस्या उद्भवू शकतात.

उन्हाळ्यात तेलकट पदार्थ खाणे टाळावे. असे अन्न थेट पचनाच्या समस्या वाढवते. त्यामुळे उन्हाळ्यात संतुलित आणि साधे अन्न खाणे चांगले.
 

दैनंदिन व्यवहारात हे बदल करा

उन्हाळ्यात उन्हाच्या भीतीने तुम्ही घराबाहेर पडत नसाल तर तुमची ही सवय नक्कीच बदलली पाहिजे. शारीरिक हालचाल होत नसल्यामुळे याचा थेट परिणाम शरीराच्या चयापचय प्रक्रियेवर होतो.

शरीराची चयापचय क्रिया सुरळीत ठेवण्यासाठी तुम्ही सकाळ-संध्याकाळ योग, व्यायाम आणि इतर उपक्रमांमध्ये सहभागी होऊ शकता. यामुळे पचनक्रिया सुधारेल आणि पचनाशी संबंधित समस्या टाळता येतील.

जर तुम्हाला उन्हाळ्यात जड व्यायाम करायला आवडत नसेल तर तुम्ही तुमच्या दैनंदिन दिनचर्येत एरोबिक व्यायामाचा समावेश करू शकता. यासाठी तुम्ही चालणे, जॉगिंग, नृत्य आणि सायकल चालवण्याचा प्रयत्न करू शकता.

झोपेचा तुमच्या चयापचयावरही मोठ्या प्रमाणात परिणाम होतो. त्यामुळे पचनक्रिया व्यवस्थित ठेवण्यासाठी पुरेशी झोप घेणे गरजेचे आहे. म्हणून, दररोज किमान 7 ते 8 तास झोप घेण्याचा प्रयत्न करा.

झोपण्याची आणि उठण्याची ठराविक वेळ ठेवा, रात्री उशिरापर्यंत जागे राहिल्याने पचनक्रियेवरही परिणाम होतो. त्यामुळे रात्री ठराविक वेळेत झोपण्याचा प्रयत्न करा.

जर तुम्हाला उन्हाळ्यात पोहायला आवडत असेल तर लक्षात ठेवा की जेवणानंतर लगेच पोहायला जाऊ नका. यामुळे पचनक्रियेवर विपरीत परिणाम होतो आणि पचनाच्या समस्या निर्माण होतात.

अशाप्रकारे आहारात आणि दैनंदिन कामात काही बदल करून तुम्ही उन्हाळ्यात पचनाच्या समस्या टाळू शकता.

 

 

(टीप : वरील सर्व गोष्टी माहिती म्हणून वाचकांपर्यंत पोहोचवत आहोत. एबीपी माझा यातून कोणताही दावा करत नाही. )