Sai Tamhankar : 'बघायला मज्जा आली...', निक्की आणि वर्षाताईंच्या वादावर सई ताम्हणकरची प्रतिक्रिया
Sai Tamhankar : सध्या चर्चेत असलेल्या बिग बॉस मराठीवर अभिनेत्री सई ताम्हणकरनेही प्रतिक्रिया दिली असल्याचं पाहायला मिळतंय.
Sai Tamhankar on Bigg Boss Marathi New Season : बिग बॉस मराठीचा नवा सीझन (Bigg Boss Marathi New Season) हा सध्या बराच चर्चेत आलाय. घरातले राडे, भांडणं आणि आता हाणामारीही तुफान गाजतेय. नुकतच आर्या जाधवला (Arya Jadhao) घरातून बाहेर काढण्यात आलं. एका टास्कदरम्यान आर्याने निक्कीला थोबाडीत मारली. त्यानंतर प्रेक्षकांनी बिग बॉसवर तीव्र नाराजी व्यक्त केली. इतकच नव्हे कलाकार देखील यावर व्यक्त होताना दिसत आहे.
बिग बॉसच्या या सीझनमधील पहिला राडा झाला तो निक्की तांबोळी आणि वर्षा उसगांवकर यांच्यामध्ये. निक्की आणि वर्षाताईंच्या राड्यावर अनेकांवर राग व्यक्त करत निक्कीला खडेबोल सुनावले होते. तसेच भाऊच्या धक्क्यावरही रितेश भाऊंनी तिची चांगलीच कानउघडणी केली होती. या सगळ्यावर आता अभिनेत्री सई ताम्हणकर हिनेही प्रतिक्रिया दिली आहे. सईने नुकतच 'लोकमत फिल्मी'ला मुलाखत दिली. या मुलाखतीमध्ये सईने यावर भाष्य केलं आहे.
...बघायला मज्जा आली!
सईला तू बिग बॉस बघतेस का? असा प्रश्न विचारण्यात आला. त्यावर सईने म्हटलं की, मी बिग बॉस फॉलो करत नाही. पण रिल्सच्या माध्यमातून वर्षाताई आणि निक्की तांबोळी हा विषय थोडा कळाला. मला खूप आवडलं, वर्षाताई कितीही चिडल्या तरीही त्यांची भाषा आणि संयम सुटला नाही. मला हे पाहताना खूप गोड वाटलं. त्यांची बाजू माहित असण्याचं काहीच कारण नाही, पण वर्षाताईंसोबत काम करण्याची एकदाच संधी मला मिळाली आहे. त्यामुळे त्यांची ही बाजूही बघायला मला मज्जा आली.
दरम्यान सई ताम्हणकर ही लवकरच 'मानवत मर्डर' या वेबसीरिजमधून प्रेक्षकांच्या भेटीला येणार आहे. आशिष बेंडे दिग्दर्शित ही सीरिज येत्या 4 ऑक्टोबर रोजी सोनी लिव्हवर रिलीज होणार आहे. यामध्ये सईने समिंद्री ही व्यक्तीरेखा साकारली आहे. त्याचप्रमाणे अनेक दिग्गज मंडळी या सीरिजमध्ये आहेत. आशुतोष गोवारीकर, मकरंद अनासपुरे, सोनाली कुलकर्णी यांच्या महत्त्वाच्या भूमिका आहेत.
View this post on Instagram
ही बातमी वाचा :
महत्त्वाच्या बातम्या
