Nilesh Sable: 'चला हवा येऊ द्या' फेम निलेश साबळेनं जेव्हा पत्नीचं केलं कौतुक; म्हणाला, 'जेव्हा मी कमवत नव्हतो, तेव्हा तिनं...'

निलेशनं (Nilesh Sable) एका मुलाखतीमध्ये पत्नी गौरी साबळेबद्दल सांगितलं होतं. 

Nilesh Sable

Nilesh Sable: छोट्या पडद्यावरील चला हवा येऊ द्या (Chala Hawa Yeu Dya) या कार्यक्रमामधून प्रेक्षकांच्या भेटीस येणारा अभिनेता निलेश साबळे (Nilesh Sable) हा त्याच्या विनोदी शैलीनं प्रेक्षकांची नेहमी मनं जिंकतो. निलेशच्या वैयक्तिक आयुष्याबद्दल जाणून घेण्यासाठी त्याचे चाहते उत्सुक असतात. निलेशनं एका मुलाखतीमध्ये पत्नी गौरी साबळेबद्दल सांगितलं होतं. 

एका मुलाखतीमध्ये निलेश साबळेनं सांगितलं होतं, 'माझ्या आयुष्यात माझी पत्नी महत्वाची आहे. माझ्या पत्नीचं नाव डॉक्टर गौरी साबळे असं आहे.   गौरीनं मला खूप साथ दिली. आम्ही प्रेम विवाह केला होता. जेव्हा मी काहीही कमवत नव्हतो, तेव्हा तिनं मला लग्नासाठी होकार दिला. तेव्हा तिनं मला विचारलं होतं की, तू डॉक्टर आहेस, मग तू प्रॅक्टिस करणार आहेस की, तुझ्या आवडत्या क्षेत्रात काम करणार आहेस?  त्यावेळी मी तिला सांगितलं की, कदाचित मी प्रॅक्टिस करणार नाही. तेव्हा गौरी मला म्हणाली होती, तुला लवकर काम मिळालं नाही तरी तू टेंशन घेऊ नको, मी प्रॅक्टिस करेन,मी घर चालवेन, पण ज्या क्षेत्रात तुला क्षेत्रात काम करायचं आहे, त्या क्षेत्रात तू काम कर. माझ्या प्रत्येक कामात ती साथ देते'

पुढे निलेशनं सांगितलं, गौरी सुद्धा कलाकार आहे, ती खूप छान गाणं गाते, तिला चित्रकलेची देखील आवड आहे.माझ्या प्रत्येक गोष्टी ती मला साथ देते. चला हवा येऊ द्या या कार्यक्रमाच्या एडिटींगच्या कामात, लेखनाच्या कामात देखील ती मदत करते. अनेक वेळा मला नव्या गोष्टी सुचवते. मला तिचा अभिमान वाटतो.'

 

 

 

 

 

View this post on Instagram

 

 

 

 

 

 

 

 

 

 

 

A post shared by Nilesh Sabale (@dr.nilesh_sabale_official)

'चला हवा येऊ द्या' (Chala Hawa Yeu Dya) या शोमधील कलाकार प्रेक्षकांना खळखळून हसवतात. भाऊ कदम (Bhalchandra Kadam ), निलेश साबळे ( Nilesh Sable), श्रेया बुगडे (Shreya Bugade), कुशल बद्रिके (Kushal Badrike) हे कलाकार 'चला हवा येऊ द्या'  या कार्यक्रमामध्ये विविध स्किट सादर करत असतात. निलेश साबळे हा या कार्यक्रमाचं सूत्रसंचालन करतो. या कार्यक्रमामध्ये वेगवेगळ्या मालिकांची तसेच चित्रपटाची टीम प्रमोशनसाठी येत असते. आता 'चला हवा येऊ द्या' या शोमध्ये बच्चे कंपनीला पाहण्यासाठी प्रेक्षक उत्सुक आहेत. या कार्यक्रमाच्या आगामी एपिसोडची प्रेक्षक उत्सुकतेने वाट बघत असतात. 

संबंधित बातम्या