Bigg Boss 17 : 'बिग बॉस'च्या घरातील ईशा मालवीयचा प्रवास संपला! अभिषेक कुमारला अश्रू अनावर; म्हणाला ,"मला माफ कर"

Bigg Boss 17 : 'बिग बॉस 17'च्या घरातील ईशा मालवीयचा (Isha Malviya) प्रवास संपला आहे.

Bigg Boss 17 (Image Source : Instagram/ colorstv, Twitter/ @RealKhabriBhai)

Bigg Boss 17 : 'बिग बॉस 17' (Bigg Boss 17) हा छोट्या पडद्यावरील लोकप्रिय कार्यक्रम आहे. गेल्या काही दिवसांपासून हा वादग्रस्त कार्यक्रम प्रेक्षकांचं चांगलच मनोरंजन करत आहे. पण आता हा कार्यक्रम अंतिम टप्प्यात आला आहे. अशातच ईशा मालवीयचा (Isha Malviya) 'बिग बॉस 17'मधील प्रवास संपला आहे.

'बिग बॉस 17' हा कार्यक्रम आता अंतिम टप्प्यात आला आहे. बिग बॉसमध्ये सध्या वेगवेगळे ट्विस्ट पाहायला मिळत आहेत. या आठवड्यात एक नव्हे तर दोन लोकांचं एलिमिनेशन झालं आहे. आयशा खान (Ayesha Khan) पाठोपाठ ईशा मालवीयचादेखील (Isha Malviya) 'बिग बॉस'च्या घरातील प्रवास संपला आहे.

ईशा मालवीय आणि अभिषेक कुमार रिलेशनमध्ये होते. 'बिग बॉस'च्या घरात त्यांची मैत्री पाहायला मिळाली. पण नंतर ईशा आणि अभिषेकचा वाद झालेला पाहायला मिळाला. पण ईशा 'बिग बॉस'च्या घराचा निरोप घेताना अभिषेकला अश्रू अनावर झाले होते. त्याने तिची माफीदेखील मागितली. 'बिग बॉस'च्या घरातील ईशाचा प्रवास संपला हे सलमानने जाहीर केलं त्यावेळी घरातील सर्व स्पर्धक हैरान झाले होते. काहींनी ईशाला पुढील प्रवासासाठी शुभेच्छा दिल्या. 

 

 

 

 

 

View this post on Instagram

 

 

 

 

 

 

 

 

 

 

 

A post shared by ColorsTV (@colorstv)

ईशाने मागितली अभिषेकची माफी

अभिषेकला अश्रू अनावर झाल्यानंतर मुनव्वर फारुकी त्याला सांभाळत म्हणाला,"भावा, रडू नकोस. जाऊदे तिला. शेवटचा भेटत नाही आहेस. बाहेर पार्टीत तर भेटणार आहेस. 'बिग बॉस'च्या घरातून बाहेर पडण्यापूर्वी ईशाने अभिषेकची माफीदेखील मागितली. ईशा म्हणाली,"प्रत्येक गोष्टीचं मला दु:ख होत आहे. आता आपला विषय इथेच संपला. आता मी तुझ्याबद्दल काही वाईट बोलणार नाही. पुढील प्रवासासाठी खूप-खूप शुभेच्छा". 

'बिग बॉस 17'चा ग्रँड फिनाले कधी? (Bigg Boss 17 Grand Finale)

'बिग बॉस 17'चा ग्रँड फिनाले 22 जानेवारी 2024 रोजी होणार आहे. मुनव्वर फारुकी, अंकिता लोखंडे, अभिषेक कुमार, विकी जैन, मन्नारा चोप्रा हे पाच स्पर्धक 'बिग बॉस 17'चे टॉप 5 स्पर्धक असू शकतात. तर मुनव्वर, अंकिता किंवा अभिषेक या पर्वाचा विजेता होऊ शकतो. 'बिग बॉस 17'चा ग्रँड फिनाले प्रेक्षकांना कलर्स चॅनलवर रात्री 9 वाजता पाहता येणार आहे. तसेच जिओ सिनेमावरही प्रेक्षक हा कार्यक्रम पाहू शकतात.

संबंधित बातम्या