Bigg Boss 16 Live Streaming : सलमानच्या ‘बिग बॉस 16’चा ग्रँड प्रीमिअर! जाणून घ्या कधी आणि कुठे पाहता येणार?

Bigg Boss 16 Live Streaming : सलमान पुन्हा एकदा 'बिग बॉस 16'चे (Bigg Boss 16) सूत्रसंचालन करताना दिसणार आहे. आज (1 ऑक्टोबर) या शोचा ग्रँड प्रीमिअर पार पडणार आहे.

Bigg Boss 16, Salman Khan

Bigg Boss 16 Live Streaming : चित्रपटांच्या शूटिंगदरम्यान वेळ काढत सलमान खान (Salman Khan) पुन्हा एकदा टीव्हीवर कमबॅक करत आहे. सलमान पुन्हा एकदा 'बिग बॉस 16'चे (Bigg Boss 16) सूत्रसंचालन करताना दिसणार आहे. आज (1 ऑक्टोबर) या शोचा ग्रँड प्रीमिअर पार पडणार आहे. ‘बिग बॉस 16’ प्रेक्षकांच्या भेटीला येण्याआधीच या शोची प्रचंड चर्चा रंगली आहे. यंदाच्या सीझनमध्ये सहभागी होणाऱ्या काही स्पर्धकांची नावे देखील जाहीर करण्यात आली आहेत. तर, उर्वरित स्पर्धकांचे चेहरे आजच्या ग्रँड प्रीमिअरमध्ये समोर येणार आहेत.

यावेळी 'बिग बॉस खुद खेलेगा' अ’शी आगळीवेगळी थीम असल्याने या शोबद्दल प्रेक्षकांमध्ये प्रचंड उत्सुकता आहे. त्याचबरोबर शोचे नियमही बदलण्यात आले आहेत. सलमान खानचा हा सुपरहिट रिअॅलिटी शो प्रेक्षकांना कधी आणि कुठे पाहता येईल, हे जाणून घेऊया...

कधी आणि कुठे पाहता येणार ‘बिग बॉस 16’?

‘बिग बॉस 16’ आजपासून टीव्हीवर प्रसारित होणार आहे. कलर्स वाहिनीवर आज म्हणजेच 1 ऑक्टोबर रोजी सलमान खानसोबत या शोचा प्रीमियर पार पडणार आहे. यानंतर हा शो पुढील 3 महिने प्रेक्षकांचे मनोरंजन करणार आहे. शोचा प्रत्येक सीझन कोणत्या ना कोणत्या कारणाने चर्चेत असतो. तेव्हा हा नवा सीझन कोणता नवा धमाका घेऊन येणार हे पाहणे उत्सुकतेचे ठरणार आहे. ‘बिग बॉस’च्या मागील सीझनप्रमाणे, शोच्या या सीझनमध्ये देखील प्रेक्षकांना अनेक ट्विस्ट आणि टर्न पाहायला मिळणार आहेत.

कलर्स टीव्हीवर सोमवार ते शुक्रवार रात्री 10 वाजता प्रेक्षक ‘बिग बॉस 16’ पाहू शकतात. तर शनिवार आणि रविवारी रात्री 9.30 वाजता हा शो टीव्हीवर प्रसारित होईल. याशिवाय हा शो OTT प्लॅटफॉर्म Voot अॅपवर लाईव्ह पाहता येणार आहे. यासाठी प्रेक्षकांना Voot अॅपचे सबस्क्रिप्शन घ्यावे लागणार आहे. यामुळे कुठेही आणि कोणत्याही वेळी हा शो पाहता येणार आहे.

मनोरंजन विश्वातील अनेक चर्चित चेहऱ्यांना झालीय विचारणा

मीडिया रिपोर्टनुसार, साजिद खान, सुंबुल तौकीर, शिव ठाकरे यांच्यानंतर निम्रत कौर अहलुवालिया (Nimrit Kaur Ahluwalia) देखील ‘बिग बॉस 16’च्या घरात प्रवेश करणार असल्याचे कळते आहे. मात्र, अद्याप यावर कोणतीही अधिकृत प्रतिक्रिया आलेली नाही. दरवर्षीप्रमाणे, यंदाही प्रेक्षकांची उत्सुकता ताणून धरण्यात आली आहे. ‘बिग बॉस’च्या नवीन सीझनमध्ये सहभागी होणाऱ्या प्रसिद्ध सेलिब्रिटी स्पर्धकांची संपूर्ण यादी अद्याप अधिकृतपणे जाहीर करण्यात आलेली नाही. परंतु, मीडिया रिपोर्ट्सनुसार, मनोरंजन विश्वातील अनेक चर्चित चेहऱ्यांना या शोसाठी संपर्क साधण्यात आला आहे

संबंधित बातम्या