Social Media : सोशल मीडियावर तरुणांची हवा, भारतातील पहिलं सर्वात जास्त सबस्क्रायबर्स असलेलं चॅनल ठरलं शॉर्ट्स ब्रेक
Social Media : पुण्यातील अर्मोक्स मीडियाचे शॉर्ट्स ब्रेक हे यूट्युब चॅनल भारतातील पहिलं सर्वात जास्त सबस्क्रायबर्स असलेलं यूट्यूब चॅनल ठरलं आहे.
Social Media : सध्या सोशल मीडियावर (Social Media) रिल्स हे जवळपास सगळ्याच वयोगटातील लोकांच्या मनोरंजनाचे साधन झालंय. त्यातच अनेक तरुणांना या रिल्समध्ये रोजगाराची देखील संधी उपलब्ध झालीये. आपली कला सोशल मीडियाच्या माध्यमातून सादर करण्यसााठी रिल्स हे एक उत्तम माध्यम ठरलंय. त्यातच पुण्यातील अर्मोक्स मीडियाच्या माध्यमातून अरुण प्रभुदेसाई यांनी सुरु केलेलं #ShortsBreak हे यूट्यूब चॅनेल शॉर्ट व्हिडीओमध्ये भारतातील सर्वात जास्त सबस्क्रायबर्स असलेलं चॅनेल ठरलं आहे. नुकतंच या #ShortsBreak यूट्यूब चॅनेलला 40 मिलियन सबस्क्रायबर्स पूर्ण झाले आहेत. #ShortsBreak या चॅनेलवर विनोदी व्हिडीओ प्रेक्षकांना पाहायला मिळतात, आणि या चॅनेलवरील सर्व विनोदी व्हिडीओला चांगलीच पसंतीही मिळताना पाहायला मिळत आहे.
View this post on Instagram
या शॉर्ट्स यूट्यूब चॅनेलने भारतातील रेकॉर्डब्रेक सबस्क्रायबर्सचा आकडा पार केला आहे. खूप कमी कालावधीत #ShortsBreak यूट्यूब चॅनेलला पसंती मिळाली असून त्यांनी हा रेकॉर्ड ब्रेक केलाय. 40 मिलियन सबस्क्रायबर्स पूर्ण झाल्यानंतर शॉर्टस ब्रेक चॅनेलने सेलिब्रेशनचा व्हिडीओ शेअर करत माहिती दिली आहे. या यूट्यूबच्या टीमने जोरदार सेलिब्रेशन केल्याचं पाहायला मिळतंय. या यूट्यूब चॅनेलचे कामवाली बाई शीला दीदीचे म्हणजेच अपर्णा तांदळेच्या व्हिडीओला भरपूर प्रसिद्धी मिळाली.
अर्मोक्स मीडियाच्या अंतर्गत असलेले यूट्यूब चॅनल
अर्मोक्स मीडियाच्या अंतर्गत अनेक यूट्यूब चॅनेल आहेत. त्यातील Trakin Tech सध्या भारतातील सर्वात वेगाने वाढणारे टेक चॅनल आहे. तसेच Trakin Tech English, Trakin Shorts, Mad For Fun, Take A Break, Trakin Auto, Trakin Tech Marathi, Wait For It आणि काय विषय़ हे यूट्यूब चॅनेलही आहेत. या संपूर्ण चॅनेलमध्ये महाराष्ट्रातील अनेक तरुण एकत्र येत सोबत काम करत आहेत. #ShortsBreak या चॅनेलवर प्रामुख्याने मुख्य भूमिकेत दिसणारे चेहरे म्हणजे अपर्णा तांदळे (Aparna Tandale), सायली सोनुले (Sayali Sonule), प्रशांत कुलकर्णी (Prashant Kulkarni), शंशांक कोठेकर (Shashank Kothekar) हे आहेत.
दरम्यान या तरुणांचे रिल्स अनेकांच्या पसंतीस उतरतात. तसेच त्यांच्या रिल्सला लाखो लाईक्स, कमेंट्स आणि शेअर्सही येतात. त्यामुळे सध्या सोशल मीडियावर या तरुणांची हवा असल्याचं म्हटलं तरी ते वावगं ठरणार नाही.
ही बातमी वाचा :
महत्त्वाच्या बातम्या
