Kamal Haasan : प्रभासच्या 'प्रोजेक्ट के'मध्ये कमल हासनची एन्ट्री! 150 कोटी रुपयांचं घेतलं मानधन
Entertainment Live : मनोरंजन विश्वात सध्या काय नवं घडतंय, याची देखील सर्वांनाच उत्सुकता असतेच. या माध्यमातून अशाच काही चटपटीत बातम्या आम्ही सगळ्यात आधी तुमच्यापर्यंत पोहचवणार आहोत.
Kareena Kapoor Khan Ignored Fan: आपल्या आवडत्या सेलिब्रिटीसोबत सेल्फी काढायची इच्छा अनेकांना असते. कलाकरांसोबत सेल्फी काढण्यासाठी चाहते अनेकदा गर्दी करतात. नुकतीच अभिनेत्री करीना कपूर खान (Kareena Kapoor Khan) ही एअरपोर्टवर स्पॉट झाली. यावेळी करीनासोबत सेल्फी काढायला एक चाहती तिच्या जवळ आली पण करीनानं तिच्या त्या फॅनला इग्नोर केलं. करीना आणि तिच्या या फॅनचा व्हिडीओ एअरपोर्टवरील व्हिडीओ व्हायरल झाला आहे. या व्हिडीओला कमेंट करुन अनेकांनी करीनाला ट्रोल केलं आहे.
World No Tobacco Day: 31 मे हा दिवस जागतिक तंबाखू विरोधी दिन (World No-Tobacco Day) आहे. तंबाखूचा आरोग्यावर वाईट परिणाम होतो. काही बॉलीवूड स्टार्स असे आहेत ज्यांनी स्वत:च्या आरोग्याचा विचार करुन धूम्रपान सोडले आहे. आज जागतिक तंबाखू विरोधी दिनानिमित्ता जाणून घेऊया त्या कलाकारांबद्दल, ज्यांनी सिगारेट सोडली आहे.
Saorabh Choughule: अभिनेता सौरभ चौघुले (Saorabh chaugule) हा सोशल मीडियावर विविध पोस्ट शेअर करते. “जीव माझा गुंतला” (Jeev Majha Guntala) या मालिकेमुळे सौरभला विशेष लोकप्रियता मिळाली. या मालिकेत सौरभ हा मल्हारची भूमिका साकारतो. सौरभनं नुकतच त्याच्या आईला खास सरप्राइज दिलं आहे. सौरभनं त्याच्या आईचा वाढदिवस मुंबईतील ताज हॉटेलमध्ये येथे साजरा केला. याबाबत सौरभनं एक पोस्ट शेअर केली आहे.
Mi Honar Superstar Jallosh Juniorscha Grand Finale : मी होणार सुपरस्टार-जल्लोष ज्युनियर्सचा (Mi Honar Superstar Jallosh Juniorscha) या छोट्या पडद्यावरील डान्स शोचा ग्रँड फिनाले लवकरच पार पडणार आहे. या शोमध्ये विविध स्पर्धकांनी सहभाग घेतला होता. आता या स्पर्धेचा विजेता कोण ठरणार आहे? या प्रश्नाचं उत्तर लवकरच प्रेक्षकांना मिळणार आहे. 'मी होणार सुपरस्टार-जल्लोष ज्युनियर्सचा या कार्यक्रमाच्या ग्रँड फिनालेमध्ये रंग माझा वेगळा या मालिकेतील दीपा आणि सुख म्हणजे नक्की काय असतं! मालिकेतील गौरी या स्पेशल परफॉर्मन्स करणार आहेत. त्यांच्या परफॉर्मन्सचा प्रोमो सोशल मीडियावर व्हायरल झाला आहे.
पार्श्वभूमी
Entertainment Live : मनोरंजन विश्व म्हटलं की, रोज नवनवे गॉसिप हे आलेच. याशिवाय रोज मालिकांमध्ये काय घडतंय? बॉलिवूड विश्वात सध्या काय सुरु आहे? आपल्या लाडक्या अभिनेत्री आणि अभिनेत्यांच्या आयुष्यात काय सुरु आहे, या सगळ्याची संपूर्ण आणि जलद माहिती आम्ही तुम्हाला देणार आहोत. आपल्या लाडक्या सेलेब्सबद्दल जाणून घेण्यासाठी सगळेच चाहते उत्सुक असतात. इतकंच नाही तर मनोरंजन विश्वात सध्या काय नवं घडतंय, याची देखील सर्वांनाच उत्सुकत असतेच. या माध्यमातून अशाच काही चटपटीत बातम्या आम्ही सगळ्यात आधी तुमच्यापर्यंत पोहचवणार आहोत.
Marathi Serial : "अप्पी आमची कलेक्टर" ते 'लवंगी मिरची'; मराठी मालिकांमध्ये रंगणार वटपौर्णिमा विशेष भाग
Marathi Serials Vat Purnima Special Episode : मराठी मालिकाविश्वात (Marathi Serial) गेल्या काही दिवसांपासून वेगवेगळे प्रयोग होत आहेत. आपली मालिका प्रेक्षकांच्या पसंतीस उतरावी यासाठी निर्माते वेगवेगळे प्रयोग करत आहेत. कथानकातही नाविण्य आणण्याचा प्रयत्न होत आहे. आता मराठी मालिकांमध्ये वटपौर्णिमा (Vat Purnima) विशेष भाग रंगणार आहे.
'अप्पी आमची कलेक्टर' (Appi Aamchi Collector),'नवा गडी नवा राज्य' (Nava Gadi Nava Rajya), 'लवंगी मिरची' (Lavangi Mirchi) आणि 'सातव्या मुलीची सातवी मुलगी' (Satvya Mulichi Satavi Mulgi) या मालिकांचे 'वटपौर्णिमा विशेष' भाग पाहायला मिळणार आहेत.
Amar Singh Chamkila Teaser : पंजाबी गायक अमर सिंह चमकीला यांचे आयुष्य उलगडणार रुपेरी पडद्यावर
Amar Singh Chamkila Teaser Out : पंजाबचे लोकप्रिय गायक अमर सिंह चमकीला (Amar Singh Chamkila) सध्या चर्चेत आहेत. पंजाबी मनोरंजनसृष्टीतील या लोकप्रिय गायकाच्या आयुष्यावर आधारित असलेला सिनेमा लवकरच प्रेक्षकांच्या भेटीला येणार आहे. नुकताच या सिनेमाचा टीझर आऊट झाला आहे. 'अमर सिंह चमकीला' असेच या सिनेमाचे नाव आहे.
Naseeruddin Shah : 'मुस्लिमांचा द्वेष करणे ही फॅशन झालीये'; नसिरुद्दीन शाह यांच्या वक्तव्यानं वेधलं लक्ष
Naseeruddin Shah: ज्येष्ठ अभिनेते नसिरुद्दीन शाह (Naseeruddin Shah) हे नेहमी त्यांच्या वक्तव्यामुळे चर्चेत असतात. काही दिवसांपूर्वी त्यांची ताज (Taj: Divided By Blood) ही वेब सीरिज प्रेक्षकांच्या भेटीस आली. या वेब सीरिजमध्ये त्यांनी अकबर ही भूमिका साकारली. या वेब सीरिजमधील नसिरुद्दीन यांच्या अभिनयाचं अनेकांनी कौतुक केलं. नसिरुद्दीन शाह हे त्यांच्या चित्रपट आणि वेब सीरिजमुळे चर्चेत असतात. पण सध्या नसिरुद्दीन शाह हे त्यांच्या वक्तव्यामुळे चर्चेत आहेत. नुकत्याच एका मुलाखतीमध्ये नसिरुद्दीन शाह यांनी सांगितले की, 'मुस्लिमांचा द्वेष करणे ही फॅशन झाली आहे.' त्यांच्या या वक्तव्यानं अनेकांचे लक्ष वेधले. या मुलाखतीमध्ये नसिरुद्दीन शाह यांनी निवडणूक आयोगबाबत देखील वक्तव्य केलं आहे.
- - - - - - - - - Advertisement - - - - - - - - -