Kamal Haasan : प्रभासच्या 'प्रोजेक्ट के'मध्ये कमल हासनची एन्ट्री! 150 कोटी रुपयांचं घेतलं मानधन

Kamal Haasan : प्रभासच्या 'प्रोजेक्ट के' या सिनेमात अभिनेते कमल हासनदेखील झळकणार आहेत.

Kamal Haasan

Kamal Haasan IN Prabhas Project K : दाक्षिणात्य अभिनेते कमल हासन (Kamal Haasan) आपल्या अभिनयाने प्रेक्षकांच्या मनावर राज्य करत आहेत. आजवर त्यांनी बॉलिवूडसह अनेक सुपरहिट सिनेमांत काम केलं आहे. नुकतचं 'आयफा 2023'मध्ये (IIFA 2023) त्यांना सन्मानित करण्यात आलं आहे. आता दाक्षिणात्य सुपरस्टार प्रभासच्या (Prabhas) आगामी 'प्रोजेक्ट के' (Project K) या सिनेमात कमल हासनची (Kamal Haasan) एन्ट्री झाल्याचं समोर आलं आहे. 

'प्रोजेक्ट के' या सिनेमात कमल हासन खलनायकाच्या भूमिकेत दिसणार आहेत. विशेष म्हणजे या सिनेमासाठी त्यांनी तब्बल 150 कोटी रुपये मानधन घेतलं आहे. तसेच या सिनेमाच्या शूटिंगसाठी त्यांनी 20 दिवस दिल्याचं समोर आलं आहे. त्यामुळे 20 दिवसांत कमल हासन यांनी 150 कोटींची कमाई केली आहे. 'बिग बॉस तामिळ 7'च्या शूटिंगआधी कमल हासन यांनी 'प्रोजेक्ट के'चं शूटिंग पूर्ण करण्याचा निर्णय घेतला आहे. 

कमल हासन यांचा 'विक्रम' (Vikram) हा सिनेमा गेल्या काही दिवसांपूर्वी प्रेक्षकांच्या भेटीला आला होता. थरार नाट्य आणि अॅक्शनचा तडका असणारा हा सिनेमा बॉक्स ऑफिसवर आपली जादू दाखवण्यात यशस्वी झाला आहे. या सिनेमातील कमल हासनच्या अभिनयाचंदेखील चाहत्यांनी कौतुक केलं. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Prabhas (@actorprabhas)

अमिताभ बच्चन आणि दीपिका पादुकोणसोबत कमल हासन झळकणार

'इंडियन 2' या सिनेमाचं प्रभास सध्या शूटिंग करत आहे. या सिनेमाच्या शूटिंगदरम्यान त्यांना 'प्रोजेक्ट के' या सिनेमासाठी विचारणा झाली. या सिनेमात ते बॉलिवूडचे महानायक अमिताभ बच्चन (Amitabh Bachchan) आणि दीपिका पादुकोणसोबत (Deepika Padukone) झळकणार आहेत. या सिनेमाच्या शूटिंगदरम्यान अमिताभ बच्चन जखमी झाले होते. त्यानंतर काही दिवस त्यांनी शूटिंगमधून ब्रेक घेतला होता. 

मीडिया रिपोर्टनुसार, 'प्रोजेक्ट के' या सिनेमाचं 70 टक्के शूटिंग पूर्ण झालं आहे. या सिनेमाची निर्मिती अश्विनी दत्त यांनी नुकत्याच एका मुलाखतीत यासंदर्भात माहिती दिली आहे. या सिनेमाचं ग्राफिक्सचा मोठ्या प्रमाणात वापर करण्यात येणार आहे. 

'प्रोजेक्ट के' कधी होणार रिलीज? (Project K Release Date)

प्रभासचा बहुचर्चित 'प्रोजेक्ट के' हा सिनेमा 12 जानेवारी 2024 रोजी मकरसंक्रातीच्या दिवशी प्रेक्षकांच्या भेटीला येणार आहे. नाग अश्विनने या सिनेमाच्या दिग्दर्शनाची धुरा सांभाळली आहे. प्रभास, दीपिका आणि कमल अशी तगडी स्टारकास्ट असलेल्या या सिनेमाची चाहत्यांना उत्सुकता आहे.

संबंधित बातम्या