Mi Honar Superstar : 'मी होणार सुपरस्टार-जल्लोष ज्युनियर्स'चा रंगणार 'महाराष्ट्र दिन' विशेष भाग; महाराष्ट्राच्या महान व्यक्तींना ज्युनियर्सची जल्लोषपूर्ण मानवंदना
Mi Honar Superstar : 'मी होणार सुपरस्टार-जल्लोष ज्युनियर्स'चा या कार्यक्रमाचा 'महाराष्ट्र दिन' विशेष भाग लवकरच पार पडणार आहे.
Mi Honar Superstar : 'मी होणार सुपरस्टार-जल्लोष ज्युनियर्स'चा (Mi Honar Superstar Jallosh Juniorscha) हा छोट्या पडद्यावरील लोकप्रिय कथाबाह्य कार्यक्रम आहे. अल्पावधीतच हा कार्यक्रम प्रेक्षकांच्या पसंतीस उतरला आहे. आता या कार्यक्रमाचा 'महाराष्ट्र दिन' (Maharashtra Day 2023) विशेष भाग रंगणार आहे.
'मी होणार सुपरस्टार-जल्लोष ज्युनियर्स'चा या कार्यक्रमाच्या आगामी भागात महाराष्ट्राच्या महान व्यक्तींना ज्युनियर्स जल्लोषपूर्ण मानवंदना देणार आहेत. आपल्या नृत्याच्या माध्यमातून ते महाराष्ट्रातील महान व्यक्तींना मानवंदना देणार आहेत. 'मी होणार सुपरस्टार-जल्लोष ज्युनियर्स' या कार्यक्रमाचा प्रोमो व्हिडीओ सोशल मीडियावर व्हायरल होत आहे.
View this post on Instagram
'मी होणार सुपरस्टार-जल्लोष ज्युनियर्स'च्या या कार्यक्रमाच्या प्रोमो व्हिडीओमध्ये सात वर्षीय आर्या आंबावले झाशीची राणी लक्ष्मीबाईंच्या गेटअपमध्ये डान्स करताना दिसत आहे. आठ वर्षीय सादाब सरकार बालगंधर्वांच्या भूमिकेत दिसत आहे. तर सात वर्षीय समक्ष पिठोरे मुंबईचा डबेवाला बनून डान्स करत आहे.
'मी होणार सुपरस्टार-जल्लोष ज्युनियर्स'चा महाराष्ट्र दिन विशेष भाग कधी पाहायला मिळणार? (Mi Honar Superstar Jallosh Juniorscha Special Episode Maharashtra Day 2023)
लहान मुलांना इतिहास कळावा तसेच त्यांना इतिहासातील महान व्यक्तींची ओळख व्हावी, यासाठी 'मी होणार सुपरस्टार-जल्लोष ज्युनियर्स'चा या कार्यक्रमाचा 'महाराष्ट्र दिन' विशेष भाग आयोजित करण्याचा घाट घालण्यात आला आहे. या भागाचा प्रोमो व्हायरल होत असून छोट्या कलावंताचं कौतुक होत आहे. 'मी होणार सुपरस्टार-जल्लोष ज्युनियर्स'चा महाराष्ट्र दिन विशेष भाग येत्या शनिवारी आणि रविवारी प्रेक्षकांना रात्री 9 वाजता स्टार प्रवाहवर पाहायला मिळणार आहे.
'मी होणार सुपरस्टार-जल्लोष ज्युनियर्स'चा या कार्यक्रमाला प्रेक्षकांची पसंती मिळत आहे. बच्चेकंपनीचे दमदार परफॉर्मन्सेस, फुलवा खामकर (Phulwa Khamkar) आणि वैभव घुगे यांचं मार्गदर्शन आणि अंकुश चौधरीचा (Ankush Choudhary) सळसळता उत्साह या गोष्टींमध्ये कार्यक्रमाची लोकप्रियता दिवसेंदिवस वाढत चालली आहे. छोटे दोस्त आपल्या परफॉर्मन्सेसमध्ये वेगवेगळे प्रयोग करत प्रेक्षकांचं चांगलच मनोरंजन करत आहेत. आता या कार्यक्रमाच्या आगामी भागाची प्रेक्षकांना उत्सुकता आहे.
संबंधित बातम्या
Mi Honar Superstar Jallosh Juniorscha: ‘मी होणार सुपरस्टार जल्लोष ज्युनियर्सचा’मध्ये प्रथम बोरसेचा परफॉर्मन्स पाहू अंकुश चौधरी झाला भावूक; पाहा व्हिडीओ
महत्त्वाच्या बातम्या
