एक्स्प्लोर

प्रसिद्ध अभिनेत्रीला स्किन कॅन्सरचं निदान, पोस्ट शेअर करत दिली माहिती

हॉलीवूडची प्रसिद्ध अभिनेत्री क्रिस्टी लीला नुकतचं स्किन कॅन्सरचे निदान झाले. दरम्यान तिच्यावर आता डॉक्टरांनी उपचार केले असून तिच्यावर यशस्वी शस्त्रक्रिया देखील झालीये.

By : अपूर्वा जाधव | Updated at : 15 Mar 2024 02:32 PM (IST)

Christie Brinkley Hollywood

Christie Brinkley Hollywood Actress : हॉलीवूड अभिनेत्री आणि मॉडेल क्रिस्टी ली ब्रिंक्ले (Christie Brinkley) हिला नुकतच स्किन कॅन्सर (Skin Cancer) झाल्याचं निदान झालं होतं. ही बातमी समोर येताच तिच्या चाहत्यांना देखील मोठा धक्का बसल्याचं पाहायला मिळत आहे. पण चांगली बाब म्हणजे क्रिस्टीला तिला कॅन्सर झाल्याचं लवकरच कळलं त्यामुळे तिच्यावर लवकर शस्त्रक्रिया करण्यात आली आणि ती यशस्वीही झाली.

नुकताच क्रिस्टीने तिच्या सोशल मीडिया अकाऊंटवरुन तिचा हॉस्पिटलमधला फोटो शेअर केलाय. यामध्ये तिने तिच्या चेहऱ्याचा तो भाग दाखवला आहे, जिथे शस्त्रक्रिया झाली आहे. दरम्यान तिला कॅन्सरबद्दल कसं कळलं याबद्दलही तिने तिच्या या पोस्टमध्ये सांगितलं आहे.

तेव्हा क्रिस्टीला कळलं तिला कॅन्सर झाला आहे

क्रिस्टी ली ब्रिंक्लेने इन्स्टाग्रामवर स्वत:चा एक फोटो शेअर केला त्यामध्ये तिने याबद्दल खुलासा केला. आपल्या मुलीला ती डॉक्टरांकडे घेऊन गेली होती. तेव्ही तिच्या चेहऱ्यावरही छोटे छोटे डाग तिला दिसले. त्यामुळे तिने स्वतःलाही डॉक्टरांकडे दाखवलं. क्रिस्टी लीने सांगितले की, जेव्हा ती तिच्या चेहऱ्यावर फाउंडेशन लावत होती तेव्हा तिला तिच्या चेहऱ्यावर ते डाग दिसले. डॉक्टरांनी लगेचच संपूर्ण परिस्थिती समजून घेत अभिनेत्रीची बायोप्सी केली.

स्वत:ची काळजी घेणं गरजेचं - क्रिस्टी ली

यामध्ये क्रिस्टी ली ब्रिंक्लेच्या चेहऱ्यावरील कॅन्सरग्रस्त भागाची शस्रक्रिया करुन तिचा कर्करोग काढून टाकरण्यात आलाय. डॉक्टरांनी क्रिस्टी लीला सांगितले की तिला बेसल सेल कार्सिनोमा आहे. दरम्यान तिच्या या शस्रक्रियेनंतर क्रिस्टीने डॉक्टरांचे देखील आभार मानले. पोस्टमध्ये तिनं म्हटलं की, कॅन्सरपासून वाचण्यासाठी स्वत:ची काळजी घेणं जास्त गरजेचं आहे.

View this post on Instagram

A post shared by Christie Brinkley (@christiebrinkley)

क्रिस्टी लीचा प्रवास

क्रिस्टी लीच्या करिअरबद्दल बोलायचे झाले तर ती सुपरमॉडेलही राहिली आहे. 1983 मध्ये तिने अभिनय क्षेत्रात प्रवेश केला. नॅशनल लॅम्पून्स व्हेकेशन, 'वेगास व्हेकेशन' सारख्या चित्रपटांसोबतच तिने अनेक टीव्ही मालिका आणि गाण्यांमध्येही काम केलं आहे.