Vikram Box Office Collection : विक्रमची जगभरात घोडदौड सुरू; पाच दिवसात 200 कोटींचा टप्पा पार

Vikram : विक्रम सिनेमा जगभरातील सिनेप्रेक्षकांच्या पसंतीस उतरत आहे. आतापर्यंत या सिनेमाने 200 कोटींपेक्षा अधिक कमाई केली आहे.

Vikram

Vikram Box Office Collection :  कमल हासनचा (Kamal Haasan) 'विक्रम' (Vikram) सिनेमा नुकताच सिनेमागृहात प्रदर्शित झाला आहे. आतापर्यंत या सिनेमाने 200 कोटींपेक्षा अधिक कमाई केली आहे. या सिनेमाने रिलीज आधीच 200 कोटींची टप्पा पार केला होता. जगभरात बॉक्स ऑफिसवर हा सिनेमा धुमाकूळ घालत आहे. 'विक्रम' सिनेमा 3 जून 2022 ला सिनेमागृहात प्रदर्शित झाला होता. 

लोकेश कनगराज दिग्दर्शित 'विक्रम' सिनेमा रिलीजच्या पहिल्या दिवसापासूनच चर्चेत आहे. या सिनेमात प्रेक्षकांना अॅक्शनचा तडका पाहायला मिळत आहे. 'विक्रम' सिनेमा कमल हासनच्या करिअरमधला एक ब्लॉकबस्टर सिनेमा आहे. रिलीजनंतर पाच दिवसांतच या सिनेमाने 200 कोटींचा गल्ला जमवला आहे. भारतातदेखील हा सिनेमा 100 कोटींच्या क्लबमध्ये सामिल झाला आहे. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Taran Adarsh (@taranadarsh)

जगभरात विक्रमचा महाविक्रम

युएसमध्ये या सिनेमाने 15.51 कोटींची कमाई केली आहे. युकेमध्ये 5.1 कोटींची कमाई केली आहे. ऑस्ट्रेलियात 4.21 कोटींची कमाई केली आहे. जर्मनीमध्ये 44.41 कोटी, कॅनडात 29.26, न्यूझिलंडमध्ये 43.47 कोटींची कमाई केली आहे. अशाप्रकारे या सिनेमाने जगभरात कोट्यवधींची कमाई केली आहे. 

बॉक्स ऑफिसवर दाक्षिणात्य सिनेमे सुपरहिट

'पुष्पा', 'वलिमै', 'आरआरआर' आणि 'केजीएफ 2' या सिनेमांनी बॉक्स ऑफिसवर चांगलाच धुमाकूळ घातला होता. हे सिनेमे प्रेक्षकांच्या पसंतीस उतरले होते. आता या यादीत 'विक्रम' सिनेमाचादेखील समावेश आहे. या सिनेमात प्रेक्षकांना अॅक्शनचा तडका पाहायला मिळत आहे. रिलीजआधीच बजेटपेक्षा अधिक कमाई करणारा कमल हासन यांचा हा पहिलाच सिनेमा आहे. या सिनेमाच्या दिग्दर्शनाची धुरा लोकेश कंगराजने सांभाळली आहे.

3 जूनला सिनेमा झाला प्रदर्शित

'विक्रम' हा सिनेमा 3 जूनला सिनेमागृहात प्रदर्शित झाला आहे. या सिनेमात कमल हासन व्यतिरिक्त विजय सेतुपती, शिवानी नारायण, फहाद फासिल मुख्य भूमिकेत दिसत आहेत. तसेच दाक्षिणात्य सुपरस्टार सुर्याचीदेखील झलक प्रेक्षकांना या सिनेमात पाहायला मिळत आहे. या सिनेमाच्या माध्यमातून कमल हासन चार वर्षांनी रुपेरी पडद्यावर पदार्पण करत आहेत.  

संबंधित बातम्या