Vaani Kapoor Accident In Jaipur: प्रसिद्ध अभिनेत्रीचा जयपूरमध्ये शुटिंगदरम्यान अपघात; स्कुटीची पोलिसांच्या गाडीला जोरदार धडक
Vaani Kapoor Accident In Jaipur: जयपूरमध्ये शुटिंग दरम्यान, बॉलिवूड अभिनेत्रीचा अपघात. शुटिंगवेळी स्कुटी थेट पोलिसांच्या गाडीवर जाऊन आदळली.
Vaani Kapoor Accident In Jaipur: बॉलिवूड अभिनेत्री वाणी कपूरचा जयपूरमध्ये अपघात झाल्यची माहिती मिळत आहे. वाणी तिच्या आगामी चित्रपटाच्या शुटिंगसाठी जयपूरमध्ये आली होती. वाणी कपूर परकोटाच्या बापू बाजारात फिरतानाचं शुटिंग करत होती. त्यावेळी तिची स्कुटी शेजारी उभ्या असलेल्या पोलिसांच्या गाडीवर जाऊन आदळली. महत्त्वाची बाब म्हणजे, या अपघातात अभिनेत्रीला कोणतीही दुखापत झाली नसल्याची माहिती समोर आली आहे.
मीडिया रिपोर्ट्सनुसार, चित्रपटात वाणी स्कुटीवरुन एका बाजारात जात असल्याचा सीन आहे. त्यासाठी वाणी कपूर स्कुटर चालवण्याचा सराव करत होती. त्यानंतर वाणीच्या स्कुटरची पोलिसांच्या गाडीला धडक बसली. मात्र, चित्रपटाच्या टीमनं लगेच वाणीची जबाबदारी स्विकारली. तिला कोणतीही दुखापत झालेली नाही.
'अबीर गुलाल'चं शुटिंग सुरू, फवाद खान हिरो
वाणी कपूर ज्या चित्रपटासाठी शुटिंग करत होती, त्याचं नाव 'अबीर गुलाल' असल्याचं सांगितलं जात आहे. यात पाकिस्तानी अभिनेता फवाद खानही दिसणार आहे. फवाद लवकरच जयपूरला येऊन त्याचे सीन शूट करणार आहे. 18 नोव्हेंबरला जयपूरमधील शिवविलास हॉटेलमध्ये चित्रपटाचे काही सीन शूट होणार असल्याचं समोर आलं आहे.
वाणी कपूरचं जयपूरशी कनेक्शन
जयपूरशी वाणी कपूरचं जुनं नातं आहे. तिच्या पहिल्या चित्रपटाचं शूटिंगही जयपूरमध्ये झालं होतं. वाणी कपूरचा पहिला चित्रपट 'शुद्ध देसी रोमान्स' होता, जो 2013 साली प्रदर्शित झाला होता. यात सुशांत सिंह राजपूत आणि परिणीती चोप्रा मुख्य भूमिकेत झळकले होते. इतकंच नाही तर टुरिझममध्ये बॅचलर डिग्री पूर्ण केल्यानंतर अभिनेत्रीनं जयपूरमधील ओबेरॉय हॉटेल्समध्ये इंटर्नशिप केली होती. यापूर्वी वाणी 'खेल खेल में' चित्रपटात दिसली होती.
आरती एस बागरी दिग्दर्शित 'अबीर गुलाल'ची निर्मिती विवेक बी अग्रवाल, राकेश सिप्पी आणि अवंतिकी हरी करत आहेत. या चित्रपटाचं शुटिंग सुरू झालं आहे. या कथेबद्दल बोलताना चित्रपटाच्या दिग्दर्शकानं सांगितलं की, नकळत एकमेकांना मदत करणाऱ्या आणि प्रेमात पडणाऱ्या दोन व्यक्तींची ही कथा आहे. मात्र, या चित्रपटाशी संबंधित फवाद खान आणि वाणी कपूरचे फोटोही सोशल मीडियावर चांगलेच व्हायरल होत आहेत.
महत्त्वाच्या इतर बातम्या :
महत्त्वाच्या बातम्या
