Tunisha Sharma Death Update : शिझान खान आज न्यायालयात हजर होणार; जबाबात म्हणाला;"... म्हणून केला तुनिषासोबत ब्रेकअप"

Tunisha Sharma : तुनिषा शर्मा आत्महत्येप्रकरणी आज शिझान खानला न्यायालयात हजर केले जाणार आहे.

Tunisha Sharma

Tunisha Sharma Death Case : अभिनेत्री तुनिषा शर्मा (Tunisha Sharma) आत्महत्येप्रकरणी अभिनेता शिझान खान (Sheezan Khan) चर्चेत आहे. तुनिषाला आत्महत्येस प्रवृत्त केल्याचा आरोप शिझान खानवर लावण्यात आला होता. आता या प्रकरणी नवी अपडेट समोर आली आहे. शिझान खानला आज न्यायालयात हजर केले जाणार आहे. 

अभिनेता शिझान खानला आज दुपारी वसई न्यायालयात हजर केले जाणार आहे. वसई पोलीस त्याची पोलीस कोठडी वाढवण्याची मागणी करणार आहेत. पोलिसांनी शिझानचा फोन जप्त केला असून त्याच्या फोनमधील तुनिषासोबतचे चॅट आणि रेकॉर्डिंगचा तपास घेतला आहे. यात तपासात त्यांना काहीही आक्षेपार्ह आढळलेले नाही. अद्याप पोलिसांना तुनिषाचा फोन अनलॉक करता आलेला नाही. 

सूत्रांनी दिलेल्या माहितीनुसार, ब्रेकअपचा तुनिषाला खूप मोठा धक्का बसला होता. ती नैराश्यात गेल्याने तिच्या आयुष्यात एकटेपणा आला होता. आयुष्यात आलेला एकटेपणा असह्य झाल्याने तिने आयुष्य संपवण्याचा निर्णय घेतला. तुनिषाच्या आत्महत्येप्रकरणी आता तिच्या कुटुंबियांचा जबाब नोंदवण्यात आला आहे. 

शिझान आपल्या जबाबात म्हणाला,"करिअरकडे लक्ष देण्यासाठी मी तुनिषासोबक ब्रेकअप केला होता". याआधी दिलेल्या जबाबात शिझान म्हणाला होता,"मी आणि शिझान रिलेशनमध्ये होतो. पण इतर मुलींसोबत माझे संबंध होते हे खोटे आहे. आमचा धर्म वेगळा होता. आमच्या वयात खूप अंतर होतं त्यामुळे मी शिझानसोबत ब्रेकअप केला". पोलीस चौकशीदरम्यान शिझानला रडू कोसळलं होतं. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Sheezan M Khan (Baba) (@sheezan9)

तुनिषा आत्महत्येप्रकरणी आतापर्यंत 17 जणांचे जबाब नोंदवण्यात आले आहेत. शिझानला चार दिवसांची पोलीस कोठडी सुनावण्यात आली होती. आता हा कालावधी संपला असून आज पुन्हा त्याला न्यायालयात हजर करण्यात येणार आहे. तुनिषाची आत्महत्या नक्की कशामुळे झाली हे अद्याप समोर आलेले नाही. 

तुनिषा शर्मा आत्महत्येप्रकरणी पोलीस शिझान खानची सतत चौकशी करत आहेत. शिझान एकाचवेळी अनेक मुलांनी डेट करत असल्याची माहिती समोर आली होती. आता पोलिसांनी त्याच्या सीक्रेट गर्लफ्रेंडचादेखील शोध घेतला आहे. शिझान त्याचा जबाब सतत बदलत आहे त्यामुळे आता चौकशीदरम्यान पोलिसांना अडचणींचा सामना करावा लागत आहे. 

संबंधित बातम्या