Timepass 3 : 'टाइमपास 3' वादाच्या भोवऱ्यात; हिंदी राष्ट्राभाषा असल्याची खोटी माहिती दाखवल्याचा आरोप
Timepass 3 : 'टाइमपास 3' हा सिनेमा प्रेक्षकांच्या भेटीला आला आहे. आता हा सिनेमा वादाच्या भोवऱ्यात अडकला आहे.
Timepass 3 : 'टाइमपास 3' (Timepass 3) हा सिनेमा सध्या सिनेमागृहात धुमाकूळ घालतो आहे. काहींना हा सिनेमा आवडत आहे. तर काही जण या सिनेमात काहीही नाविण्य नसल्याचे म्हणत आहेत. अशातच या सिनेमातील एका दृश्यावर आक्षेप नोंदवला जात आहे. त्यामुळे रिलीजच्या पहिल्याच आठवड्यात हा सिनेमा वादाच्या भोवऱ्यात अडकला आहे.
'टाइमपास 3' या सिनेमावर मराठी एकीकरण समितीकडून आक्षेप घेण्यात आला आहे. मराठी एकीकरण समितीने फेसबुक पोस्ट शेअर करत संताप व्यक्त केला आहे. त्यांनी लिहिलं आहे,"रवी जाधव... तुमच्या सिनेमात हिंदी राष्ट्रभाषा असल्याची खोटी माहिती दाखवण्यात आली आहे. राष्ट्रभाषा असण्याचे पुरावे द्या. अन्यथा माफी मागा. अफवा पसरवणे गुन्हा असून तो आपण करत आहात. सिनेमातील ते दृश्य तातडीने काढून टाकावे. आपण सकारात्मक प्रतिसाद द्याल ही अपेक्षा".
'टाइमपास 3'च्या कमाईबाबत जाणून घ्या?
'टाइमपास 3' हा सिनेमा 29 जुलैला सिनेमागृहात प्रदर्शित झाला. 29 जुलैला हा सिनेमा 400 स्क्रिन्सवर 10,000 शोजसह प्रेक्षकांच्या भेटीला आला. या सिनेमाने दोन दिवसांत एक कोटीहून अधिक कमाई केली आहे. रिलीजच्या पहिल्याच दिवशी या सिनेमाने 80 लाखांचा गल्ला जमवला. तर दुसऱ्या दिवशी 1 कोटी लाख कमावले. त्यामुळे या सिनेमाने 1 कोटी 90 लाखांची कमाई केली आहे. 'टाइमपास 3' हा सिनेमा आणखी जास्त कमाई करेल असा अंदाज वर्तवला जात आहे. 10 कोटींच्या बजेटमध्ये या सिनेमाती निर्मिती करण्यात आली होती.
'टाइमपास 3' कुमारवयातल्या दगडू अन् पालवीचा
'टाइमपास 3' या सिनेमात हृता दुर्गुळे आणि प्रथमेश परब मुख्य भूमिकेत आहे. 'टाइमपास 3' या सिनेमात कुमारवयातल्या दगडू आणि पालवीचा आहे. या सिनेमाच्या दिग्दर्शनाची धुरा रवी जाधव यांनी सांभाळली आहे. झी स्टुडिओज आणि अथांश कम्युनिकेशन्सने या सिनेमाची निर्मिती केली आहे. या सिनेमात प्रेक्षकांना दगडूच्या आयुष्यात आलेली पालवी पाहायला मिळत आहे.
संंबंधित बातम्या
Timepass 3 : टाईमपास-3 मधील ‘लव्हेबल’ गाणं रिलीज; हृता आणि प्रथमेशचा रोमँटिक अंदाज
Timepass 3 : दगडूच्या प्रेमाला फुटणार नवी 'पालवी'; टाइमपास 3 चा टीझर रिलीज
महत्त्वाच्या बातम्या
